ಹೈ..ಫೈ.. ಬೈಕ್ ಸವಾರರೇ ಎಚ್ಚರ! ಚೂರು ಯಾಮಾರಿದರೂ ಹೋಗುತ್ತೆ ಜೀವ! ಇಲ್ಲಿದೆ ನೋಡಿ ಸಕ್ರೆಬೈಲ್ ಸಮೀಪ ನಡೆದ ಘಟನೆಯ ವಿಡಿಯೋ
Footage of a bike accident that occurred near the Sakrebail elephant camp
Malenadu Today MALENADUTODAY.COM| SHIVAMOGGA NEWS
Accident video : ಸೆಲ್ಫ್ ಸ್ಟಾರ್ಟ್ ಆಗ್ತಿದ್ದಾಗೇ, ಹೈ ಸ್ಪೀಡ್ ಫಿಕಪ್ ತೆಗೆದುಕೊಳ್ಳುವ ಹೈಫೈ ಬೈಕ್ಗಳ ರೈಡ್ ಎಷ್ಟು ಚೆಂದವೂ ಅಷ್ಟೆ ಅಪಾಯಕಾರಿ ಕೂಡ, ಮಕ್ಕಳ ಆಸೆಯಂತೆ ಫೋಷಕರು ಅಂತಹುದೇ ಬೈಕ್ಗಳನ್ನು ಕೊಡಿಸುತ್ತಾರೆ. ಆದರೆ ಅತಿವೇಗದಲ್ಲಿ ಬದುಕು ಸಹ ಕಂಟ್ರೋಲ್ಗೆ ಸಿಗದೇ ಪ್ರಾಣ ಹಾರಿಹೋಗುವಂತಹ ಘಟನೆಗಳು ಇಂತಹ ಬೈಕ್ಗಳಲ್ಲಿಯೇ ಹೆಚ್ಚು ಸಂಭವಿಸುತ್ತಿವೆ. ಇದಕ್ಕೆ ಸಾಕ್ಷಿ ಎಂಬಂತೆ ಶಿವಮೊಗ್ಗದ ತುಂಗಾ ನಗರ ಪೊಲೀಸ್ ಸ್ಟೇಷನ್ ಲಿಮಿಟ್ನಲ್ಲಿ ನಡೆದ ಘಟನೆಯೊಂದು ಇದೀಗ ವಾಟ್ಸ್ಯಾಪ್ನಲ್ಲಿ ಹರಿದಾಡುತ್ತಿದೆ.
ಶಿವಮೊಗ್ಗದ ಸಕ್ರೆಬೈಲ್ ಆನೆಬಿಡಾರದ ಬಳಿ, ಕಳೆದ ಫೆಬ್ರವರಿ ನಾಲ್ಕರಂದು ಸಂಭವಿಸಿದ ಘಟನೆಯ ದೃಶ್ಯ ಇದಾಗಿದ್ದು, ಸ್ನೇಹಿತನ ಜೊತೆ ಸಕ್ರೆಬೈಲ್ ಗೆ ಹೋಗಿ ವಾಪಸ್ ಬರುವಾಗ ನಡೆದ ದುರಂತವಾಗಿದೆ.
ಶಿವಮೊಗ್ಗದ ವಿದ್ಯಾರ್ಥಿಯೊಬ್ಬ ತನ್ನ ಕೆಟಿಎಂ ಡ್ಯೂಕ್ ಬೈಕ್ನಲ್ಲಿ ಸಕ್ರೆಬೈಲ್ಗೆ ತೆರಳಿದ್ದ, ವಾಪಸ್ ಬರುವಾಗ ಬೈಕ್ ಸಿಕ್ಕಾಪಟ್ಟೆ ಸ್ಪೀಡ್ನಲ್ಲಿತ್ತು. ಮುರಾರ್ಜಿ ದೇಸಾಯಿ ಶಾಲೆ ಬಳಿಯಲ್ಲಿ ಇರುವ ಟರ್ನಿಂಗ್ನಲ್ಲಿ ಬೈಕ್ ಟರ್ನ್ ಮಾಡಿದ್ದಾರೆ ಅಷ್ಟೆ. ಎದುರಿಗೆ ಕಾರೊಂದುಬಂದಿದೆ, ಸ್ಪೀಡ್ನಲ್ಲಿದ್ದ ಬೈಕ್ ಎದುರಿಗೆ ಡಿಕ್ಕಿಯಾಗುವುದು ತಪ್ಪಿದೆ, ಬದಲಾಗಿ, ಸ್ಪೀಡ್ನಲ್ಲಿದ್ದ ಬೈಕ್ ಪೂರ್ತಿ ಟರ್ನ್ ಆಗದೆ ಎದುರಿಗಿದ್ದ ಮರಕ್ಕೆ ಡಿಕ್ಕಿ ಹೊಡೆದಿದೆ. ಘಟನೆಯಲ್ಲಿ ಓರ್ವ ಸ್ಥಳದಲ್ಲಿಯೇ ಮೃತಪಟ್ಟಿದ್ದ. ಇನ್ನೊಬ್ಬ ಗಂಭೀರವಾಗಿ ಗಾಯಗೊಂಡಿದ್ದ. ಸದ್ಯ ಈ ದೃಶ್ಯ, ಬೈಕ್ ಸವಾರರು ಎಷ್ಟು ಎಚ್ಚರವಹಿಸಬೇಕು ಎಂಬುದುಕ್ಕೆ ಸಾಕ್ಷಿಯಾಗಿ ವಾಟ್ಸ್ಯಾಪ್ನಲ್ಲಿ ಹರಿದಾಡುತ್ತಿದೆ. ದೃಶ್ಯವನ್ನು ನೋಡಿದವರು, ಎಲ್ಲದಕ್ಕಿಂತಲೂ ಹೆಚ್ಚಾಗಿ ಜೀವ ಅಮೂಲ್ಯ, ಅತಿಯಾದ ವೇಗ ಬೇಡ ಎಂದು ಸಲಹೆ ನೀಡುತ್ತಿದ್ದಾರೆ.
Facebook ನಲ್ಲಿ ನಮ್ಮ ಪೇಜ್ ನೋಡಿ : Malenadutoday.com
Twitter ನಲ್ಲಿ ನಾವಿದ್ದೇವೆ, ಫಾಲೋ ಮಾಡಿ : Malenadutoday.com
Instagram ನಲ್ಲಿ ಕ್ಲಿಕ್ ಮಾಡಿ : Malenadutoday.com
Telegram ನಲ್ಲಿ ಸುದ್ದಿ ಪಡೆಯಲು ಲಿಂಕ್ ಒತ್ತಿ : Malenadutoday.com
