ಬಸ್ನಲ್ಲಿ ಸಿಕ್ಕ ಲೇಡಿ ಅರೆಸ್ಟ್! ರೂಂ ನಂಬರ್ 304 ಕೇಸ್ನಲ್ಲಿ ಸಿಕ್ಕವಳಿಗೆ ಇದೆ 3 ಲಿಂಕ್!
Shimoga: Woman arrested in theft case at lodge Doddapet police station
ajjimaneganesh 
SHIVAMOGGA | Jan 7, 2024 | ಬಸ್ನಲ್ಲಿ ಸೀಟ್ ಪಕ್ಕ ಕುಳಿತವನನ್ನ ಲಾಡ್ಜ್ ರೂಮ್ಗೆ ಕರೆದುಕೊಂಡು ಹೋಗಿದ್ದ ಯುವತಿ ಅರೆಸ್ಟ್ ಆಗಿದ್ದಾಳೆ. ರೂಂ ನಂಬರ್ 304 ನ ಕೇಸ್ ದೊಡ್ಡಪೇಟೆ ಪೊಲೀಸ್ ಸ್ಟೇಷನ್ಗೆ ಹೊಸದಾಗಿ ಕಂಡಿತ್ತು.
ಹೊನ್ನಾವರ TO ಶಿವಮೊಗ್ಗ
ಅಲ್ಲಿವರೆಗೂ ಶಿವಮೊಗ್ಗ ಬಸ್ ನಿಲ್ದಾಣದಲ್ಲಿ ಕಳ್ಳತನಗಳು ದಾರಾಳವಾಗಿ ನಡೆಯುತ್ತಿದ್ದವು. ಆದರೆ ಈ ಕೇಸ್ ಬೇರೆಯದ್ದು. ಹೊನ್ನಾವರದಿಂದ ಶಿವಮೊಗ್ಗಕ್ಕೆ ಬರುತ್ತಿದ್ದ ವ್ಯಕ್ತಿಗೆ ಯುವತಿಯೊಬ್ಬಳು ಸಿಕ್ಕಿದ್ದಳು..ಅದು ಸಹ ಬಸ್ನಲ್ಲಿ ವ್ಯಕ್ತಿ ಕೂತಿದ್ದ ಸೀಟಿನ ಪಕ್ಕದ ಸೀಟಿನಲ್ಲಿ. ಬಸ್ ಸಾಗುತ್ತಿದ್ದಂತೆ ಯುವತಿ ಪರಿಚಯ ಆಗಿದ್ದಳು. ಶಿವಮೊಗ್ಗಕ್ಕೆ ಬರುವಷ್ಟರಲ್ಲಿ ಯುವತಿ ವ್ಯಕ್ತಿಯ ಸಲಿಗೆ ಗಟ್ಟಿಮಾಡಿಕೊಂಡಿದ್ದಳು. ಮಿಲನದ ಆಹ್ವಾನ ಕೊಟ್ಟಿದ್ದಳು. ಆ ವ್ಯಕ್ತಿಯು ಸಮ್ಮತಿಸಿದ್ದ.
ಶಿವಮೊಗ್ಗ ಬಸ್ ನಿಲ್ದಾಣ
ಶಿವಮೊಗ್ಗ ಬಸ್ ನಿಲ್ದಾಣದಲ್ಲಿ ಬಸ್ನಿಂದ ಇಳಿದವಳು ಆತನನ್ನು ಲಾಡ್ಜ್ವೊಂದಕ್ಕೆ ಕರೆದುಕೊಂಡು ಹೋಗಿದ್ದಳು. ರೂಂ ನಂಬರ್ 304 ರಲ್ಲಿ ಇಬ್ಬರು ಸೇರಿಕೊಂಡಿದ್ದರು. ಆದರೆ ಅಲ್ಲಿ ನಡೆದಿದ್ದು ಬೇರೆಯಾಗಿತ್ತು. ಯುವತಿಯನ್ನ ಆ ವ್ಯಕ್ತಿ ಪೂರ್ತಿಯಾಗಿ ನಂಬಿದ್ದ. ಇವಳು ನಂಬಿಕೆ ದ್ರೋಹ ಮಾಡಿದ್ದಳು. ಚಿನ್ನದುಡ್ಡು ತೆಗೆದು ಇಡುವಂತೆ ಆಕೆ ಹೇಳಿದ್ದನ್ನ ಈತ ಪಾಲಿಸಿದ್ದ. ಅಲ್ಲದೆ ಹಸಿವು ಎಂದ ಅವಳ ಮಾತು ನಂಬಿ ಊಟ ತರಲು ಲಾಡ್ಜ್ನಿಂದ ಹೊರಬಂದಿದ್ದ. ಲಂಚ್ ಐಟಂ ತೆಗೆದುಕೊಂಡು ಲಾಡ್ಜ್ಗೆ ಹೋಗುವಷ್ಟರಲ್ಲಿ ಆಕೆ ಅಲ್ಲಿಂದ ಚಿನ್ನ ದುಡ್ಡು ತೆಗೆದುಕೊಂಡು ಮಾಯವಾಗಿದ್ದಳು..
ಇದನ್ನೂ ಸಹ ಓದಿ : ಬಸ್ಸಿನಲ್ಲಿ ಪಕ್ಕದ ಸೀಟಲ್ಲಿ ಸಿಕ್ಕಿ ಲೇಡಿ, ಲಾಡ್ಜ್ಗೆ ಕರೆದೊಯ್ದಳು! ರೂಮ್ನಲ್ಲಿ ನಡೆದಿದ್ದು ರೋಮ್ಯಾನ್ಸ್ ಅಲ್ಲ! ಶಾಕ್?
ದೊಡ್ಡಪೇಟೆ ಪೊಲೀಸ್ ಸ್ಟೇಷನ್
ಪರ ಊರಿನ ವ್ಯಕ್ತಿ ಇದ್ದುದೆಲ್ಲ ಕಳೆದುಕೊಂಡು ಮರ್ಯಾದೆಗೆ ಅಂಜಿ ಕುಳಿತಿದ್ದ. ಕೊನೆಗೆ ದೈರ್ಯ ಮಾಡಿ ದೊಡ್ಡಪೇಟೆ ಪೊಲೀಸರಿಗೆ ದೂರು ನೀಡಿದ್ದ. ಪೊಲೀಸರಿಗೂ ಈ ಪ್ರಕರಣ ಶಾಕ್ ಆಗಿತ್ತು. ಅದಾಗಲೇ ದೊಡ್ಡಪೇಟೆ ಪೊಲೀಸ್ ಸ್ಟೇಷನ್ ಪೊಲೀಸರು ಬಸ್ ಸ್ಟ್ಯಾಂಡ್ ಕಳ್ಳರನ್ನ ಹಿಡಿಯುತ್ತಿಲ್ಲ ಅಂತಾ ಶಿವಮೊಗ್ಗವೇ ಮಾತನಾಡಿಕೊಳ್ತಿತ್ತು. ಸಾಲದ್ದಕ್ಕೆ ಈ ಪ್ರಕರಣ ಇಂಟ್ರಸ್ಟಿಂಗ್ ಆಗಿದ್ದಷ್ಟೆ ಅಲ್ಲದೆ ವಿಶೇಷವೆನಿಸಿತ್ತು..
ಪೊಲೀಸ್ ತನಿಖಾ ತಂಡ
ದಿನಾಂಕ:-15-12-2023 ರಂದು ನಡೆದಿದ್ದ ಘಟನೆ ಸಂಬಂಧ ಪೊಲೀಸ್ ಇನ್ಸ್‌ಪೆಕ್ಟರ್ ರವಿ ಪಾಟೀಲ್, ಶ್ರೀನಿವಾಸ್ ಪೊಲೀಸ್ ಸಬ್‌ಇನ್ಸ್‌ಪೆಕ್ಟರ್, ಪಾಲಾಕ್ಷ ನಾಯ್ಕ -ಸಿಹೆಚ್ಸಿ-448, ಲಚ್ಚಾ ನಾಯ್-ಸಿಹೆಚ್ಸಿ-288, ಚಂದ್ರ ನಾಯ್ಸ್, ಸಿಪಿಸಿ-1321, ನಿತಿನ್ ಸಿಪಿಸಿ-1504, ಪುನೀತ್ ರಾವ್ ಸಿಪಿಸಿ-1666, ಮಹಿಳಾ ಸಿಬ್ಬಂದಿ ಶ್ರೀಮತಿ ಸುಮಿತಾಬಾಯಿ ಮಪಿಸಿ-1267 ರವರ ತಂಡ ತನಿಖೆ ನಡೆಸ್ತಿತ್ತು. ತನಿಖೆ ಈಗ ಫಲಪ್ರಧಗೊಂಡಿದೆ.
ಶಿವಮೊಗ್ಗದಲ್ಲಿಯೇ ಮೂರು ಕಳ್ಳತನ ಕೇಸ್
ಪ್ರಕರಣದ ಬೆನ್ನುಬಿದ್ದ ದೊಡ್ಡಪೇಟೆ ಪೊಲೀಸರು ಸಣ್ಣ ಸಣ್ಣ ಸಾಕ್ಷ್ಯಗಳನ್ನು ಕಲೆಹಾಕಿ ಯುವತಿಯ ಮೂಲವನ್ನ ಹುಡುಕಿದ್ದಾರೆ. ರೂಪಕ್ಕೆ ಹೋಲುವ ಹೆಸರಿಟ್ಟುಕೊಂಡಿದ್ದ ಯುವತಿಯನ್ನ ಬಂಧಿಸಿ ಅಂದರ್ ಮಾಡಿದ್ದಾರೆ ದೊಡ್ಡಪೇಟೆ ಪೊಲೀಸರು. ಈಕೆ ಮೂಲತಃ ಆಯನೂರು ಕಡೆಯವಳು, ಗಂಡನ ಮನೆ ಚಳ್ಳಕರೆಯ ಒಂದು ಗ್ರಾಮ.
ಇದನ್ನೂ ಸಹ ಓದಿ : ಪೊಲೀಸ್ಗೆ ಫೋಟೋ ಕೊಟ್ಟ ಪ್ರಯಾಣಿಕ! ಬಸ್ ಚಾಲಕನಿಗೆ ಬಿತ್ತು 5 ಸಾವಿರ ರೂಪಾಯಿ ಫೈನ್
ವಿಶೇಷ ಅಂದರೆ ಈಕೆಯನ್ನ ಬಂಧಿಸಿದ್ದ ಪೊಲೀಸರು ಇನ್ನೂ ಮೂರು ಪ್ರಕರಣ ಪತ್ತೆಯಾಗಿದೆ. ಕೆಎಸ್ಆರ್ಟಿಸಿ ಬಸ್ ನಿಲ್ದಾಣದ ಒಳಗಡೆ ಇರುವ ಶೌಚಾಲಯದ ಸಮೀಪ ನಡೆದಿದ್ದ 8 ಗ್ರಾಂ ಬಂಗಾರದ ಕಳ್ಳತನ ಹಾಗೂ ಪ್ಲಾಟ್ ಫಾರಂ 9 ರಲ್ಲಿ ನಡೆದಿದ್ದ 2 ಪ್ರಕರಣಗಳಲ್ಲಿ ಈಕೆ ಆರೋಪಿಯಾಗಿದ್ದಳು
