ಶಿವಮೊಗ್ಗ ಪೊಲೀಸರ ಮೊಬೈಲ್‌ ಟಾರ್ಚ್‌ ವಿಶೇಷ ಕಾರ್ಯಾಚರಣೆ | ಒಂದೇ ರಾತ್ರಿ ದಾಖಲಾಯ್ತು 71 ಕೇಸ್‌
Special Operation of Shimoga Police 71 cases were registered in a single night
ajjimaneganesh 
SHIVAMOGGA | MALENADUTODAY NEWS | May 19, 2024 ಮಲೆನಾಡು ಟುಡೆ
ಚುನಾವಣೆ ಹಾಗೂ ವಿವಿಧ ಬಂದೋಬಸ್ತ್‌ ಹಿನ್ನೆಲೆಯಲ್ಲಿ ತಾತ್ಕಾಲಿಕವಾಗಿ ನಿಲ್ಲಿಸಿದ್ದ ಏರಿಯಾ ಡಾಮಿನೇಷನ್‌ ಹಾಗೂ ಕಾಲ್ನಡಿಗೆ ಗಸ್ತನ್ನು ಶಿವಮೊಗ್ಗ ಪೊಲೀಸರು ಮತ್ತೆ ಆರಂಭಿಸಿದ್ದಾರೆ.
ಇದಕ್ಕೆ ಪೂರವಾಗಿ ನಿನ್ನೆ ದಿನಾಂಕಃ 18-05-2024 ರಂದು ಸಂಜೆ ಶಿವಮೊಗ್ಗ ಎ ಉಪ ವಿಭಾಗ ವ್ಯಾಪ್ತಿಯ ಎಂ ಕೆ ಕೆ ರಸ್ತೆ, ಬರ್ಮಪ್ಪ ನಗರ ಕ್ಲಾರ್ಕ್ ಪೇಟೆ, ಶೇಷಾದ್ರಿ ಪುರಂ, ಕೋಟೆ ರಸ್ತೆ, ಟಿಪ್ಪು ನಗರ, ಗೋಪಾಲ ಗೌಡ ಬಡಾವಣೆ, ಪದ್ಮ ಟಾಕೀಸ್ ಹತ್ತಿರ ಶಿವಮೊಗ್ಗ ಬಿ ಉಪ ವಿಭಾಗ ವ್ಯಾಪ್ತಿಯ ಬೊಮ್ಮನಕಟ್ಟೆ, ಶಿವಮೂರ್ತಿ ವೃತ್ತ, ತಿಲಕ್ ನಗರ, ರಾಗಿಗುಡ್ಡ ಏರಿಯಾ ಡಾಮಿನೇಷನ್‌ ಗಸ್ತು ನಡೆಸಿದ್ದಾರೆ.
ಅಲ್ಲದೆ ಅತ್ತ ಶಿಕಾರಿಪುರ ಉಪ ವಿಭಾಗ ವ್ಯಾಪ್ತಿಯ ಶಿಕಾರಿಪುರ ಟೌನ್ ಸಂತೆ ಮಾರ್ಕೆಟ್, ಅಂಬರಗೊಪ್ಪ, ಸೊರಬ ವೃತ್ತ ಆನವಟ್ಟಿ, ಸಾಗರ ಉಪ ವಿಭಾಗ ವ್ಯಾಪ್ತಿಯ ಸಾಗರ ಟೌನ್ ನ ಉಪ್ಪಾರ ಕೇರಿ, ಜನ್ನತ್ ನಗರ, ಚೈನಾ ಗೇಟ್ ಕಾರ್ಗಲ್, ಯಡೆಹಳ್ಳಿ ಆನಂದಪುರ ಮತ್ತು ತೀರ್ಥಹಳ್ಳಿ ಉಪ ವಿಭಾಗ ವ್ಯಾಪ್ತಿಯ ಕುರುವಳ್ಳಿಯಲ್ಲಿ ಆಯಾ ಪೊಲೀಸ್ ಉಪಾಧೀಕ್ಷಕರುಗಳ ನೇತೃತ್ವದಲ್ಲಿ ಪೊಲೀಸ್ ನಿರೀಕ್ಷಕರು, ಪೋಲಿಸ್ ಉಪನಿರೀಕ್ಷಕರು ಮತ್ತು ಸಿಬ್ಬಂದಿಗಳ ತಂಡಗಳು ಆಯಾ ಠಾಣಾ ವ್ಯಾಪ್ತಿಗಳಲ್ಲಿ Area Domination ವಿಶೇಷ ಗಸ್ತು ಮಾಡಿದ್ದಾರೆ.
ಈ ವೇಳೆ Public Nuisance ಮಾಡಿದ ಮತ್ತು ಅನುಮಾನಸ್ಪಾದ ವ್ಯಕ್ತಿಗಳ ವಿರುದ್ದ ಒಟ್ಟು 71 ಲಘು ಪ್ರಕರಣಗಳನ್ನು ದಾಖಲಿಸಿರುತ್ತಾರೆ.
