ಅಡಕೆ ತೋಟದಲ್ಲಿ ಗಾಂಜಾ ಕೃಷಿ | ಟೇಪ್‌ ಹಿಡಿದು ಅಳೆದು ಲಕ್ಷ ಲಕ್ಷ ಮೌಲ್ಯ ಗಿಡ ಸೀಜ್‌ ಮಾಡಿದ ಪೊಲೀಸರು !

SHIVAMOGGA | MALENADUTODAY NEWS | Jun 12, 2024 ಮಲೆನಾಡು ಟುಡೆ 

ಶಿವಮೊಗ್ಗ ಪೊಲೀಸರ ಮೇಜರ್‌ ಗಾಂಜಾ ಡ್ರೈವ್‌ ನಡೆಸ್ತಿದ್ದಾರೆ. ಇತ್ತೀಚೆಗೆ ಎಸ್‌ಪಿ ಮಿಥುನ್‌ ಕುಮಾರ್‌ ಗಾಂಜಾ ಸರಭರಾಜು , ಮಾರಾಟ ಮತ್ತು ಅದನ್ನು ಸೇವಿಸ್ತಿರುವವರ ಬಗ್ಗೆ ಮಾಹಿತಿ ಕೊಡಿ ಎಂದು ಖುದ್ದು ಸಂದೇಶ ರವಾನಿಸಿದ್ದರು. ಇದರ ಬೆನ್ನಲ್ಲೆ ಪೊಲೀಸರು ಅಡಿಕೆ ತೋಟವೊಂದರಲ್ಲಿ ಬೆಳದಿದ್ದ ಗಾಂಜಾಗಿಡಗಳನ್ನು ಪೊಲೀಸರು ರೇಡ್‌ ನಡೆಸಿ ವಶಕ್ಕೆ ಪಡೆದಿದ್ದಾರೆ. ಈ ಸಂಬಂಧ ಪೊಲೀಸ್‌ ಪ್ರಕಟಣೆ ಹೀಗಿದೆ. 

 ದಿನಾಂಕ:11-06-2024 ರಂದು ಮಧ್ಯಾಹ್ನ ಹುತ್ತಳ್ಳಿ ಗ್ರಾಮದ ವಾಸಿ ಗುರುಮೂರ್ತಿಯು ತನ್ನ ವಾಸದ ಮನೆಯ ಹಿಂಭಾಗದ ಅಡಿಕೆ ತೋಟದಲ್ಲಿ ಅಕ್ರಮವಾಗಿ ಗಾಂಜಾ ಗಿಡಗಳನ್ನು ಬೆಳೆದಿದ್ದಾನೆ ಎಂದು ಖಚಿತ ಮಾಹಿತಿಯೊಂದು ಪೊಲೀಸರಿಗೆ ಲಭ್ಯವಾಗಿತ್ತು. 

ಈ ಹಿನ್ನೆಲೆಯಲ್ಲಿ ಮಿಥುನ್ ಕುಮಾರ್ ಜಿ.ಕೆ ಐಪಿಎಸ್, ಮಾನ್ಯ ಪೊಲೀಸ್ ಅಧೀಕ್ಷಕರು ಶಿವಮೊಗ್ಗ  ಟೀಂವೊಂದನ್ನ ಸಜ್ಜುಗೊಳಿಸಿದ್ದಾರೆ. ಆ ಬಳಿಕ ಗಜಾನನ ವಾಮನ ಸುತರ, ಪೊಲೀಸ್ ಉಪಾಧೀಕ್ಷಕರು, ತೀರ್ಥಹಳ್ಳಿ ಉಪ ವಿಭಾಗ ರವರ ನೇತೃತ್ವದ ಸಿಬ್ಬಂಧಿಗಳ ತಂಡ, ಮಾಹಿತಿ ಲಭ್ಯವಾದ ಸ್ಥಳಕ್ಕೆ ಹೋಗಿ ದಾಳಿ ನಡೆಸಿದೆ

ಅಲ್ಲದೆ ಅಡಿಕೆ ಗಿಡಗಳ ಮದ್ಯೆ ಬೆಳೆದಿದ್ದ ಅಂದಾಜು ಮೌಲ್ಯ 2,50,000/-  ರೂಗಳ 9 ಕೆಜಿ 524 ಗ್ರಾಂ ತೂಕದ  ಒಟ್ಟು 14 ಹಸಿ ಗಾಂಜಾ ಗಿಡಗಳನ್ನು  ಅಮಾನತ್ತು ಪಡಿಸಿಕೊಂಡು,  ಆರೋಪಿತನ ವಿರುದ್ಧ ತೀರ್ಥಹಳ್ಳಿ ಪೊಲೀಸ್ ಠಾಣೆ ಗುನ್ನೆ ಸಂಖ್ಯೆಃ 0148/2024  ಕಲಂ 8C, 20 (a) (i) NDPS ಕಾಯ್ದೆ ರೀತ್ಯಾ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದೆ. 

Shivamogga police conducted a major ganja drive following SP Mithun Kumar's message urging the public to provide information about ganja supply, sale, and consumption. Acting on a tip-off, the police raided an areca nut farm in Huttalli village and seized 14 ganja plants weighing 9 kg 524 grams, estimated to be worth Rs. 2,50,000.