K.S.Eshwarappa / ಹೈಕಮಾಂಡ್ ಟಿಕೆಟ್ ಸೀಕ್ರೆಟ್! ಕೆ.ಎಸ್.ಈಶ್ವರಪ್ಪ ಮತ್ತು ಕುಟುಂಬ ಕುರಿತು ಹೊರಬಿತ್ತು ಮತ್ತೆರಡು ಇಂಟ್ರಸ್ಟಿಂಗ್ ಸುದ್ದಿ!

K.S.Eshwarappa / High Command Ticket Secret! Two more interesting news about KS Eshwarappa and his family

Malenadu Today

Apr 18, 2023 - 19:32 Updated: Apr 18, 2023 - 19:36

MALENADUTODAY.COM/ SHIVAMOGGA / KARNATAKA WEB NEWS

ಕರ್ನಾಟಕ ಚುನಾವಣೆ-2023

ರಾಜ್ಯ ವಿಧಾನಸಭಾ ಚುನಾವಣೆ (Karnataka Election 2023) ಯಲ್ಲಿ ಶಿವಮೊಗ್ಗ ನಗರ ಕ್ಷೇತ್ರದ ಬಿಜೆಪಿ ಟಿಕೆಟ್ ಯಾರಿಗೆ ಅನ್ನೋದು ಇನ್ನು ಸಹ ನಿಕ್ಕಿಯಾಗಿಲ್ಲ. ಈ ನಿಟ್ಟಿನಲ್ಲಿ ಬಿಜೆಪಿ ಹೈಕಮಾಂಡ್, ಕೊನೆಕ್ಷಣದವರೆಗೂ ಸಸ್ಪೆನ್ಸ್ ಕಾಯ್ದುಕೊಳ್ತಿದೆ. ಬಂಡಾಯ ಶಮನ ಮಾಡೋದಕ್ಕೋ ಅಥವಾ ಎದುರಾಳಿಗೆ ತಂತ್ರಗಾರಿಕೆ ಮಾಡಲು ಅವಕಾಶ ನೀಡಬಾರದು ಎಂಬ ಕಾರಣಕ್ಕೋ ಏನೋ ಗೊತ್ತಿಲ್ಲ.

ಟಿಕೆಟ್ ವಿಚಾರದಲ್ಲಿ ತುಟಿಕ್ಪಿಟಿಕ್ ಎನ್ನುತ್ತಿಲ್ಲ ಬಿಜೆಪಿ ಪಕ್ಷ. ಸ್ಥಳೀಯ ನಾಯಕರಿಗೂ ಬಿಜೆಪಿ ಅಭ್ಯರ್ಥಿ ಯಾರು ಎನ್ನುವುದು ಗೊತ್ತಾಗದೇ! ಈ ಕಡೆ ಕೇಳಿದವರಿಗೆ ಉತ್ತರ ಕೊಡಲು ಆಗದೇ ತಮ್ಮ ಪಕ್ಷವೇ ಹಾಗೆ ! ಪಕ್ಷದ ಸಿಕ್ರೆಟು, ಶಿಸ್ತು ಇತ್ಯಾದಿ ಅಂತಾ ಮಾತು ಬದಲಾಯಿಸ್ತಿದ್ದಾರೆ.

ಅಷ್ಟರಮಟ್ಟಿಗೆ ಹೈಕಮಾಂಡ್ ಸ್ಥಳೀಯ ಬಿಜೆಪಿಯನ್ನೆ ಗೊಂದಲದಲ್ಲಿ ಇರಿಸಿದೆ. Read / Shivamogga police / ಆನ್ಲೈನ್ ಕ್ರಿಕೆಟ್ ಬೆಟ್ಟಿಂಗ್ ಅಡ್ಡೆ ಮೇಲೆ ಶಿವಮೊಗ್ಗ ಪೊಲೀಸರ ರೇಡ್ ! ಹೊಸಮನೆ ಸತೀಶ್ ಸೇರಿ ಮೂವರ ಅರೆಸ್ಟ್! 25 ಲಕ್ಷ ರೂಪಾಯಿ ಸೀಜ್

ಒಂದು ಕಣ್ಣಿಗೆ ಬೆಣ್ಣೆ ಒಂದು ಕಣ್ಣಿಗೆ ಸುಣ್ಣ

ಈ ಮಧ್ಯೆ ಕೆ.ಎಸ್.ಈಶ್ವರಪ್ಪನವರ ಪರವಾಗಿ ಕೂಗೊಂದು ಕೇಳಿಬರುತ್ತಿದೆ. ಕುಟುಂಬ ರಾಜಕಾರಣಕ್ಕೆ ಅವಕಾಶ ಇಲ್ಲ ಎನ್ನುತ್ತಿದ್ದ ಬಿಜೆಪಿ ಹಲವು ಕ್ಷೇತ್ರಗಳಲ್ಲಿ ಹಾಲಿ ಸದಸ್ಯರ ಕುಟುಂಬಸ್ಥರಿಗೆ ಟಿಕೆಟ್ ನೀಡಿದೆ

ಬಿ.ಎಸ್. ಯಡಿಯೂರಪ್ಪ ‌ಅವರ ಪುತ್ರ ಬಿ.ವೈ. ವಿಜಯೇಂದ್ರ, ಕಟ್ಟಾ ಸುಬ್ರಹ್ಮಣ್ಯ ನಾಯ್ಡು ಮಗ ಕಟ್ಟಾ ಜಗದೀಶ್‌, ಆನಂದಸಿಂಗ್ ಬದಲಿಗೆ ಅವರ ಪುತ್ರ ಸಿದ್ಧಾರ್ಥ್‌ ಸಿಂಗ್‌ ಹೀಗೆ ರಾಜಕಾರಣಿಗಳ ಪುತ್ರರಿಗೆ ಟಿಕೆಟ್ ಕೊಟ್ಟಿರುವ ಹೈಕಮಾಂಡ್ ಕೆ.ಎಸ್.ಈಶ್ವರಪ್ಪನವರ ವಿಚಾರದಲ್ಲಿ ಮಾತ್ರ ಅವರ ಪುತ್ರನಿಗೆ ಏಕೆ ಟಿಕೆಟ್ ಕೊಡುತ್ತಿಲ್ಲ.

ಸದ್ಯ ಇದು ಈಶ್ವರಪ್ಪನವರ ಅಭಿಮಾನಿಗಳ ಪ್ರಶ್ನೆ. ಇದಕ್ಕಾಗಿ ಒಂದು ಕಣ್ಣಿಗೆ ಬೆಣ್ಣೆ ಇನ್ನೊಂದು ಕಣ್ಣಿಗೆ ಸುಣ್ಣ ಎಂದು ಪೋಸ್ಟರ್ ಹಂಚುತ್ತಿದ್ದಾರೆ.

ಸದ್ಯ ವಾಟ್ಸ್ಯಾಪ್ ಹಾಗೂ ಇತರೇ ಸೋಶಿಯಲ್ ಮೀಡಿಯಾದಲ್ಲಿ ಈ ಪೋಸ್ಟರ್ ಹರಿದಾಡ್ತಿದೆ. Read / Karnataka election/ ಸೊರಬದಲ್ಲಿ ಅಣ್ತಮ್ಮರ ಆಸ್ತಿ ಏಷ್ಟು!? ಬೇಳೂರು ಗೋಪಾಲಕೃಷ್ಣರಿಗೆ ಸ್ವಂತ ಭೂಮಿಯಿಲ್ವಾ!? ಆಮ್ ಆದ್ಮಿಯವರ ಆಸ್ತಿಯೆಷ್ಟು!

ಏನಿದೆ ಅದರಲ್ಲಿ!

ಭ್ರಷ್ಟಚಾರ ಹಗರಣದಲ್ಲಿ ಜೈಲು ಸೇರಿದ್ದ ಯಡಿಯೂರಪ್ಪ, ಕಟ್ಟಾ ಸುಬ್ರಮಣ್ಯ ನಾಯ್ಡು ಹಾಗೂ ಆನಂದ್‌ ಸಿಂಗ್‌ ಮಕ್ಕಳಿಗೆ ಈ ಬಾರಿಯ ಚುನಾವಣೆಯಲ್ಲಿ ಟಿಕೇಟ್ ಕೊಡಬಹುದು.

ಆದರೆ, ಯಾವುದೇ ಜೈಲು ಶಿಕ್ಷೆ ಅನುಭವಿಸದ, ಸದಾ ಪಕ್ಷದ ಸಂಘಟನೆಯಲ್ಲಿ ನಿರತರಾಗಿರುವ ಬಿಜೆಪಿ ಪಕ್ಷದ ಹಿರಿಯ ನಾಯಕ, ಹಿಂದುಳಿದ ವರ್ಗದ ನೇತಾರ, ಹಿಂದೂ ಹುಲಿ ಕೆ.ಎಸ್‌. ಈಶ್ವರಪ್ಪನವರ ಮಗನಿಗೆ ಮಾತ್ರ ಯಾವುದೇ ಕಾರಣ ನೀಡದೆ ಶಿವಮೊಗ್ಗ ನಗರದ ಟಿಕೇಟ್ ನೀಡುತ್ತಿಲ್ಲ.!

ಹೇಗಿದೆ ಬಿಜೆಪಿ ವರಿಷ್ಠರ ಈ ತಾರತಮ್ಯ ನೀತಿ..?! #ಒಂದು ಕಣ್ಣಿಗೆ ಬೆಣ್ಣೆ., ಒಂದು ಕಣ್ಣಿಗೆ ಸುಣ್ಣ… ಎಂದು ಪೋಸ್ಟರ್ ನಲ್ಲಿ ಬರೆಯಲಾಗಿದೆ.

ಕೊನೆದಾಗಿ ಸೊಸೆ ಹೆಸರು ಟಿಕೆಟ್ ಲಿಸ್ಟ್ ನಲ್ಲಿ

ಇನ್ನೊಂದೆಡೆ ಶಿವಮೊಗ್ಗ ಬಿಜೆಪಿ ಟಿಕೆಟ್ ಅವರಿಗೆ ಇವರಿಗೆ ಅಂತಾ ಸಾಲು ಸಾಲು ಹೆಸರುಗಳು ಕಳೆದೊಂದು ವಾರದಿಂದಲೂ ಟ್ರೋಲ್ ಟ್ರೆಂಡ್ ವೈರಲ್ ಆಗುತ್ತಲೇ ಇವೆ. ಇನ್ನೇನು ನನಗೆ ಟಿಕೆಟ್ ಅಂತಿದ್ದವರಿಗೂ ಹೈಕಮಾಂಡ್ನ ಮೌನ ಏದುಸಿರು ಬರುವಂತೆ ಮಾಡುತ್ತಿದೆ.

ಇದರ ನಡುವೆ ಬೆಂಗಳೂರಿನ ಮಾಧ್ಯಮವೊಂದು ಈಶ್ವರಪ್ಪನವರ ಸೊಸೆಗೂ ಟಿಕೆಟ್ ಎಂದು ಸುದ್ದಿಯೊಂದನ್ನ ಹರಿಬಿಟ್ಟಿದೆ. ಕೆ.ಇ.ಕಾಂತೇಶ್ರ ಪತ್ನಿ ಶಾಲಿನಿಯವರಿಗೆ ಹೈಕಮಾಂಡ್ ಟಿಕೆಟ್ ಕೊಡುತ್ತೆ ಎಂಬ ಸುದ್ದಿ ಮಾಧ್ಯಮವೊಂದರಲ್ಲಿ ಬಂದಿದ್ದು, ಅದರ ಖಚಿತತೆ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ

Read / #siddaramaiah #rcbfan ಸಿದ್ದರಾಮಯ್ಯ/ ಮ್ಯಾಚ್ ನೋಡಿ ಬಂದ ವಿಪಕ್ಷ ನಾಯಕ ಈ ಸಲ ಕಪ್ ಯಾರದ್ದು ಅಂದ್ರು ನೋಡಿ!