Shivamogga bjp ticket/ಶಿವಮೊಗ್ಗ ಬಿಜೆಪಿ ಟಿಕೆಟ್ ಅವರ್ ಬಿಟ್ಟು ಇವರ್ ಬಿಟ್ಟು ಇವರಿಗಾ? ಕತೂಹಲ ಮೂಡಿಸುತ್ತಿದೆ ಕೆ.ಎಸ್.ಈಶ್ವರಪ್ಪರವರ ನಡೆ!

Who will get the BJP ticket from Shivamogga city constituency

Malenadu Today

Apr 17, 2023 - 01:23

MALENADUTODAY.COM/ SHIVAMOGGA / KARNATAKA WEB NEWS

ಕರ್ನಾಟಕ ಚುನಾವಣೆ 2023

ಶಿವಮೊಗ್ಗ ನಗರ ಬಿಜೆಪಿ ಟಿಕೆಟ್ ಯಾರಿಗೆ ಎನ್ನುವುದು ತೀವ್ರ ಕುತೂಹಲ ಮೂಡಿಸ್ತಿದೆ. ನಿನ್ನೆಯಿಡಿ ಬಿಜೆಪಿ ಹಾಗು ಇತರೇ ಸೋಶಿಯಲ್ ಮೀಡಿಯಾಗಳಲ್ಲಿ ಶಿವಮೊಗ್ಗ ಮಹಾ ನಗರ ಪಾಲಿಕೆ ಯ ಸದಸ್ಯ ಚನ್ನಬಸಪ್ಪ ರವರ ಹೆಸರು ಹರಿದಾಡಿತ್ತು. ಮತ್ತೊಂದಡೆ 10 ಪರ್ಸೆಂಟ್ ಟಿಕೆಟ್ ನನಗೆ ಸಿಗುವುದು ಎಂದು ಬಿಜೆಪಿಯ ಮುಖಂಡ ಜ್ಯೋತಿಪ್ರಕಾಶ್ ಹೇಳಿದ್ದರು

Read / Karnataka election 2023/ ಶಿವಮೊಗ್ಗ ಜಿಲ್ಲೆ ಏಪ್ರಿಲ್ 15 ರಂದು ಎಷ್ಟು ನಾಮಪತ್ರ ಸಲ್ಲಿಕೆಯಾಯ್ತು? ವಿವರ ಇಲ್ಲಿದೆ .

ಬಿಜೆಪಿ ಮೀಟಿಂಗ್ ನಲ್ಲಿ ಕೇಳಿಬಂತು ಕಾಂತೇಶ್ ಹೆಸರು

ಈ ಮಧ್ಯೆ ಇವತ್ತು ಬಿಜೆಪಿ ಕಚೇರಿಯಲ್ಲಿ ನಡೆದ ಸಭೆಯೊಂದರಲ್ಲಿ ಈಶ್ವರಪ್ಪನವರ ಪುತ್ರ ಕೆ.ಇ.ಕಾಂತೇಶ್ರವರ ಹೆಸರು ಕೇಳಿಬಂದಿದೆ. ಸಭೆಯಲ್ಲಿ ಕೆ.ಇ.ಕಾಂತೇಶ್ರನ್ನ ಬೆಂಬಲಿಸಬೇಕು. ಆಶೀರ್ವದಿಸಬೇಕು ಎಂಬಂತಹ ಚರ್ಚೆಗಳು ನಡೆದಿವೆ ಎನ್ನಲಾಗುತ್ತಿದೆ. ಇನ್ನೂ ಈ ಬಗ್ಗೆ ಮಾಜಿ ಸಚಿವ ಕೆ.ಎಸ್.ಈಶ್ವರಪ್ಪ ಇದುವರೆಗೂ ಯಾವುದೆ ಪ್ರತಿಕ್ರಿಯೆ ನೀಡಿಲ್ಲ. ಬಹುತೇಕ ಇವತ್ತು ಸಂಜೆಯ ಹೊತ್ತಿಗೆ ಬಿಜೆಪಿಯ ಪಟ್ಟಿ ರಿಲೀಸ್ ಆಗಲಿದ್ದು, ಅದರಲ್ಲಿ ಶಿವಮೊಗ್ಗ ನಗರ ಕ್ಷೇತ್ರದ (shivamogga assembly constituency) ಅಭ್ಯರ್ಥಿ ಯಾರೊಂದು ಗೊತ್ತಾಗಲಿದೆ.

Read / ಶಿವಮೊಗ್ಗ ಕಾಂಗ್ರೆಸ್ ಕಚೇರಿ ಎದುರೂಹೈಡ್ರಾಮಾ/ ಟೈರ್ಗೆ ಬೆಂಕಿ/ ಗ್ರಾಮಾಂತರದಲ್ಲಿ ಸಿಡಿದ ನಾರಾಯಣ ಸ್ವಾಮಿ!? ಕಾರಣ?

ಕೆ.ಇ.ಈಶ್ವರಪ್ಪನವರೇ ಫೈನಲ್

ಸದ್ಯ ಬಿಜೆಪಿಯಲ್ಲಿ ಬಂಡಾಯದ ಅಪಸ್ವರ ಜೋರಾಗಿ ಕೇಳಿಬರುತ್ತಿದೆ. ಅದರ ಡ್ಯಾಮೇಜ್ ಕಂಟ್ರೋಲ್ ಮಾಡುವುದು ನಾಯಕರಿಗೆ ಹರಸಾಹಸದ ಕೆಲಸವಾಗಿದೆ. ಆದರೆ ಶಿವಮೊಗ್ಗದಲ್ಲಿ ಕೆ.ಎಸ್.ಈಶ್ವರಪ್ಪರಿಗೆ ಹೈಕಮಾಂಡ್ ಚುನಾವಣಾ ರಾಜಕೀಯ ನಿವೃತ್ತಿ ಘೋಷಿಸುವಂತೆ ತಿಳಿಸಿದ್ದರೂ ಸಹ ಅವರು ಅಸಮಾಧಾನ ಹೊರಗೆ ಹಾಕದೆ ಪಕ್ಷ ತನ್ನ ತಾಯಿ ಎಂದಿದ್ದಾರೆ. ಹಾಗಿದ್ದರೂ ಶಿವಮೊಗ್ಗ ನಗರದಲ್ಲಿ ಬೇರೊಬ್ಬರಿಗೆ ಟಿಕೆಟ್ ಲಭ್ಯವಾದರೇ, ಅವರನ್ನು ಗೆಲ್ಲಿಸುವ ಪ್ರಯತ್ನದಲ್ಲಿ ಈಶ್ವರಪ್ಪನವರ ಪ್ರಯತ್ನ ಸಂಪೂರ್ಣವಾಗಿ ಇರಲಾರದು ಎಂಬಂತಹ ಅನುಮಾನ ಹೈಕಮಾಂಡ್ನಲ್ಲಿದೆ ಎನ್ನಲಾಗ್ತಿದೆ. ಇದೇ ಕಾರಣಕ್ಕೆ ಈಶ್ವರಪ್ಪನವರು ಬೆಂಬಲಿಸುವಂತಹ ಅಭ್ಯರ್ಥಿಯನ್ನು ಕಣಕ್ಕಿಳಿಸುವ ಯೋಚನೆಯಲ್ಲಿ ಬಿಜೆಪಿ ವರಿಷ್ಟರು ಸರಣಿ ಸಭೆಗಳನ್ನು ನಡೆಸ್ತಿದ್ದಾರೆ. ಈ ಚರ್ಚಿತ ಸಭೆಗಳಲ್ಲಿ ಹಲವು ಹೆಸರುಗಳು ಸದ್ದು ಮಾಡುತ್ತಿದ್ದು, ಅವರ್ ಬಿಟ್ಟು ಇವರ್ ಬಿಟ್ಟು ಇವರ್ಯಾರು ಎನ್ನುವ ಹಾಗೆ ಅಭ್ಯರ್ಥಿಯಾರು ಎಂಬುದು ಇದೀಗ ತೀವ್ರ ಕುತೂಹಲ ಮೂಡಿಸ್ತಿದೆ.