ಲೈಟ್ ಕಂಬ, ಪಂಪ್​ ಹೌಸ್​ಗೆ ಡಿಕ್ಕಿಯಾಗಿ ಪಲ್ಟಿಯಾದ ಕಾರು

SHIVAMOGGA |  Jan 12, 2024  |  ಶಿವಮೊಗ್ಗ ಜಿಲ್ಲೆ ಹೊಸನಗರ ತಾಲ್ಲೂಕು ರಿಪ್ಪನ್​ಪೇಟೆ ಸಮೀಪ ನಿನ್ನೆ ರಾತ್ರಿ ಕಾರೊಂದು ಅಪಘಾತಕ್ಕೀಡಾಗಿದೆ. ಇಲ್ಲಿನ ಹೊಸನಗರ ರಸ್ತೆಯಲ್ಲಿ ಘಟನೆ ಸಂಭವಿಸಿದೆ. 

ಡ್ರೈವರ್ ಕಂಟ್ರೋಲ್​ ತಪ್ಪಿದ ಕಾರು ನೇರವಾಗಿ ರಸ್ತೆಪಕ್ಕದ ವಿದ್ಯುತ್ ಕಂಬಕ್ಕೆ ಡಿಕ್ಕಿಯಾಗಿದ್ದಷ್ಟೆ ಅಲ್ಲದೆ ಕುಡಿಯುವ ನೀರು ಪೂರೈಕೆಯ ಪಂಪ್​ ಹೌಸ್​ಗೆ ಗುದ್ದಿ ಬಳಿಕ ಒಂದು ಪಲ್ಟಿಯಾಗಿದೆ. ಒಂದು ಸೈಡ್ ವಾಲಿ ನಿಂತ ಕಾರಿನಲ್ಲಿ ಚಾಲಕನಿಗೆ ಪೆಟ್ಟಾಗಿದ್ದು ಪ್ರಾಣಾಪಾಯದಿಂದ ಬಚಾವ್ ಆಗಿದ್ದಾನೆ. 

ಇನ್ನೂ ಘಟನೆ ಹೇಗೆ ನಡೀತು ಅನ್ನೋದನ್ನ ಹೇಳುವುದಾಯ್ತು ಅಂದರೆ, ರಾತ್ರಿ ಹೊಸನಗರ ಕಡೆಗೆ ಹೋಗುತ್ತಿದ್ದ ಮಾರುತಿ ಸ್ವಿಫ್ಟ್​ ಕಾರು ಅದಾಗಿತ್ತು. ತಾವರೆಕೆರೆ  ಹತ್ರ ಕಾರು ಕಂಟ್ರೋಲ್​ ತಪ್ಪಿದೆ. ಅಡ್ಡಾದಿಡ್ಡಿ ಚಲಿಸಿದ ಕಾರು, ಲೈಟ್​ ಕಂಬಕ್ಕೆ ಮೊದ್ಲು ಗುದ್ದಿದೆ. ಆನಂತರ ಪಂಪ್​ ಹೌಸ್​ಗೆ ಡಿಕ್ಕಿಯಾಗಿದೆ. ಆಮೇಲೆ ಪಲ್ಟಿಯಾಗಿ ರಸ್ತೆ ಬದಿಗೆ ಬಿದ್ದಿದೆ. 

ಅದೃಷ್ಟ ಚೆನ್ನಾಗಿತ್ತು ಡಿಕ್ಕಿಯಾದ ರಭಸಕ್ಕೆ ಕರೆಂಟ್ ಹೋಗಿದೆ. ಹಾಗಾಗಿ ಯಾವುದೇ ಅಪಾಯ ಆಗ್ಲಿಲ್ಲ ಎಂದು ಸ್ಥಳೀಯರು ತಿಳಿಸಿದ್ದಾರೆ.