ಅಪಾರ್ಟ್ಮೆಂಟ್ನಲ್ಲಿ ರಿಲಯೆನ್ಸ್ & ಟಾಟಾ ಗೋಲ್ಡ್ ಬಿಸ್ಕೆಟ್ ಕಳ್ಳತನ|15 ಲಕ್ಷಕ್ಕೂ ಹೆಚ್ಚು ಮೌಲ್ಯದ ವಜ್ರಾಭರಣ ಕಳವು | ಬೆಡ್ರೂಂ ಘಟನೆಗೆ ಕಾರಣವೇ ನಿಗೂಢ
Diamond jewellery worth over Rs 15 lakh, including Reliance & Tata Gold biscuits, stolen from apartment
Shivamogga Apr 17, 2024 ಶಿವಮೊಗ್ಗ ನಗರದ ಶಿವಮೊಗ್ಗ ಗ್ರಾಮಾಂತರ ಪೊಲೀಸ್ ಸ್ಟೇಷನ್ ಲಿಮಿಟ್ಸ್ನಲ್ಲಿ ವಿಚಿತ್ರ ರೀತಿಯಲ್ಲಿ ಮನೆಗಳ್ಳತನ ಪ್ರಕರಣವೊಂದು ನಡೆದಿದೆ. ವಜ್ರ, ಚಿನ್ನ, ಬೆಳ್ಳಿ ಹಾಗೂ ಕ್ಯಾಶ್ ಇದ್ದ ಸೂಟ್ಕೆಸ್ವೊಂದು ಅಪಾರ್ಟ್ಮೆಂಟ್ನಲ್ಲಿರುವ ಮನೆಯೊಂದರಲ್ಲಿ ಕಳ್ಳತನವಾಗಿದ್ದು ಈ ಸಂಬಂಧ ಕೇಸ್ ಸಹ ದಾಖಲಾಗಿದೆ.
ಏನಿದು ಪ್ರಕರಣ
ಗ್ರಾಮಾಂತರ ಪೊಲೀಸ್ ಸ್ಟೇಷನ್ ವ್ಯಾಪ್ತಿಯ ಗುರುಪುರದಲ್ಲಿರುವ ಅಪಾರ್ಮೆಂಟ್ನಲ್ಲಿ ವಾಸವಿರುವ ಕುಟುಂಬವೊಂದು ತಮ್ಮಲ್ಲಿನ ಚಿನ್ನಾಭರಣ ಹಾಗೂ ಹಣವನ್ನು ಸೂಟ್ಕೆಸ್ವೊಂದರಲ್ಲಿ ಭದ್ರವಾಗಿಟ್ಟಿದ್ದರು. ಕಳೆದ 13-03-2024 ರಂದು ತಮ್ಮ ಮನೆಯ ಬೆಡ್ರೂಂನಲ್ಲಿ ಸೂಟ್ಕೆಸ್ ಇರುವುದನ್ನ ಕುಟುಂಬಸ್ಥರು ಖಚಿತಪಡಿಸಿಕೊಂಡಿದ್ದರು. ಆದರೆ 13-04-2024 ರಂದು ಏತಕ್ಕೋ ಬೇಕಾಗಿ ಸೂಟ್ಕೆಸ್ನ್ನ ಹುಡುಕಿದರೆ ಬೆಡ್ರೂಂನಲ್ಲಿ ಅದು ಪತ್ತೆಯಾಗಿಲ್ಲ. ಈ ಒಂದು ತಿಂಗಳ ಅವಧಿಯಲ್ಲಿ ಏನಾಯ್ತೋ ಏನೋ ಗೊತ್ತಿಲ್ಲ. ಆದರೆ ಸುಮಾರು 15 ಲಕ್ಷಕ್ಕೂ ಅಧಿಕ ಮೌಲ್ಯ ಚಿನ್ನ, ವಜ್ರ, ಬೆಳ್ಳಿ ಮತ್ತು ಕ್ಯಾಶ್ ಕಳ್ಳತನವಾಗಿದೆ. ಇದೀಗ ಕುಟುಂಬಸ್ಥರು ಶಿವಮೊಗ್ಗ ಗ್ರಾಮಾಂತರ ಪೊಲೀಸ್ ಸ್ಟೇಷನ್ ಮೊರೆಹೋಗಿದ್ದು ದೂರು ಕೊಟ್ಟಿದ್ದಾರೆ.