ರಾತ್ರಿ ದೊಡ್ಡಪೇಟೆ ಸ್ಟೇಷನ್ಗೆ ಇಲಿಯಾಸ್ ನಗರ ನಿವಾಸಿಗಳ ದೌಡು! ಯುವತಿ ವಿಚಾರಣೆ ! ಕಾರಣವೇನು?
Residents of Ilyas Nagar rush to Doddapet station at night! The young woman's interrogation! What is the reason?
Shivamogga Mar 20, 2024 ಆನ್ಲೈನ್ ಗೇಮ್ ಆ್ಯಪ್ನಲ್ಲಿ ಹಣ ಹಾಕಿ ಮೋಸವಾಗಿದೆ ಎಂದು ಆರೋಪಿಸಿ ನಿನ್ನೆ ದಿನ ಶಿವಮೊಗ್ಗದ ದೊಡ್ಡಪೇಟೆ ಪೊಲೀಸ್ ಸ್ಟೇಷನ್ ಗೆ ಇಲಿಯಾಸ್ ನಗರ ನಿವಾಸಿಗಳು ದೌಡಾಯಿಸಿದ ಘಟನೆ ನಡೆದಿದೆ. ಪ್ರಕರಣ ಸಂಬಂಧ ಯುವತಿಯೊಬ್ಬರನ್ನ ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಆನ್ಲೈನ್ ವಂಚನೆ ಸಂಬಂಧ ಪೊಲೀಸರಿಗೆ ದೂರು ನೀಡದ ನಿವಾಸಿಗಳು ಈ ಸಂಬಂಧ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ.
ಆನ್ಲೈನ್ ಗೇಮ್ ಆಪ್ನಲ್ಲಿ ಹಣ ತೊಡಗಿಸಿದರೆ ಡಬಲ್ ಆಗುತ್ತದೆ ಎಂದು ಜನರನ್ನು ನಂಬಿಸಲಾಗಿದೆ ಎಂಬುದು ಜನರ ಆರೋಪ. ಈ ಸಂಬಂಧ ಕೆಲವರು ಹಣ ಹಾಕಿ ಮೋಸಕ್ಕೆ ಒಳಗಾಗಿದ್ದು, ಆ ಸಂಬಂಧ ನಿವಾಸಿಗಳು ಸ್ಟೇಷನ್ಗೆ ಭೇಟಿಕೊಟ್ಟು ತಮ್ಮ ವಿಚಾರವನ್ನು ತಿಳಿಸಿದ್ದಾರೆ..
ಮೊದಮೊದಲು ಹಣ ಹೂಡಿದವರಿಗೆ ಹೆಚ್ಚಿನ ಹಣ ನೀಡಲಾಗಿದ್ದು, ಇದನ್ನು ನಂಬಿದ ಹಲವರು ಹೂಡಿಕೆ ಮಾಡಿದ್ದಾರೆ ಎನ್ನಲಾಗಿದೆ. ಆದರೆ, ಹೂಡಿಕೆ ಮಾಡಿದ ಹಣ ಡಬಲ್ ಆಗುವುದರ ಬದಲು, ಕಡಿತಗೊಂಡಿದೆ. ಈ ಹಿನ್ನೆಲೆಯಲ್ಲಿ ತಾವು ಮೋಸದ ಜಾಲಕ್ಕೆ ಬಲಿ ಆಗಿರುವುದು ಗೊತ್ತಾಗಿದೆ ಪೊಲೀಶರ ಮೊರೆಹೋಗಿದ್ದಾರೆ. ಸದ್ಯ ಪ್ರಕರಣ ಸಿಇಎನ್ ಠಾಣೆಗೆ ವರ್ಗಾವಣೆ ಗೊಂಡಿದೆ.