KARNATAKA NEWS/ ONLINE / Malenadu today/ Sep 30, 2023 SHIVAMOGGA NEWS’
ಶಿವಮೊಗ್ಗ ಜಿಲ್ಲೆಯಲ್ಲಿ ಹಾದು ಹೋಗುವ ರಾಷ್ಟ್ರೀಯ ಹೆದ್ದಾರಿ 169 ಎ (National Highway 169 A) ನಲ್ಲಿ ಇದ್ದಕ್ಕಿದಂತೆ ಮರವೊಂದು ಹೊತ್ತಿಕೊಂಡು ಉರಿದಿದೆ. ಇಡೀ ಮರವೂ ಬೆಂಕಿಯಿಂದ ಕೆಂಡದುಂಡೆಯಂತೆ ಧಗಧಗಿಸುವ ದೃಶ್ಯವು ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ತೀರ್ಥಹಳ್ಳಿ ತಾಲ್ಲೂಕು ತೂದೂರು ಬಳಿಯಲ್ಲಿ ಈ ಘಟನೆ ಸಂಭವಿಸಿದೆ. ಇಲ್ಲಿನ ರಸ್ತೆ ಬದಿಯಲ್ಲಿ ಹುಣಸೆ ಮರವೊಂದು ಒಣಗಿತ್ತು. ಅದಕ್ಕೆ ನಿನ್ನೆ ಹೈವೋಲ್ಟೆಜ್ ವಿದ್ಯುತ್ ತಂತಿ ತಗುಲಿ ಸ್ಪಾರ್ಕ್ ಆಗಿದೆ. ಪರಿಣಾಮ ಮರಕ್ಕೆ ಬೆಂಕಿ ಹಿಡಿದಿದೆ. ಬಳಿಕ ಇಡೀ ಮರ ಸುಡಲು ಆರಂಭಿಸಿದೆ. ಬೀಸುತ್ತಿದ್ದ ಗಾಳಿ ಬೆಂಕಿ ಕಿಡಿ ಹಾರುತ್ತಿದ್ದ ದೃಶ್ಯ ಕತ್ತಲಲ್ಲಿ ಓಕುಳಿ ಹಾರಿದಂತೆ ಕಾಣುತ್ತಿತ್ತು.
#shivamogga ತೂದೂರು ಸಮೀಪ ಹೊತ್ತಿಕೊಂಡು ಉರಿದ ಮರದ ದೃಶ್ಯ pic.twitter.com/nQQHNmOElG
— malenadutoday.com (@CMalenadutoday) September 30, 2023
ಬೆಳಗಿನ ಜಾವ ನಾಲ್ಕು ಗಂಟೆ ಸುಮಾರಿಗೆ ಘಟನೆ ಸಂಭವಿಸಿದ್ದು, ಸಂಚಾರಕ್ಕೂ ಸಹ ಸ್ವಲ್ಪ ಸಮಸ್ಯೆಯಾಗಿತ್ತು. ಅದೇ ಮಾರ್ಗವಾಗಿ ಹೋಗುತ್ತಿದ್ದವರು ದೃಶ್ಯವನ್ನು ಮೊಬೈಲ್ನಲ್ಲಿ ರೆಕಾರ್ಡ್ ಮಾಡಿದ್ದಾರೆ. ವಿಷಯ ತಿಳಿದು ಸ್ಥಳಕ್ಕೆ ಬಂದ ಅಗ್ನಿಶಾಮಕ ಸಿಬ್ಬಂದಿ ಕೆಲವೇ ನಿಮಿಷದಲ್ಲಿ ಬೆಂಕಿ ನಂದಿಸಿದ್ದಾರೆ.
ಇನ್ನಷ್ಟು ಸುದ್ದಿಗಳು