ಸತ್ತಿಲ್ಲ ಬದುಕಿದ್ದೇನೆ ಎಂದು ವಿಡಿಯೋ ಹರಿಬಿಟ್ಟ ಪೂನಂ ಪಾಂಡೆ! ನಿನ್ನೆಯ ಸಾವಿನ ಸುದ್ದಿಗೆ ಕಾರಣವೇನು ಗೊತ್ತಾ?
Poonam Pandey shared a video saying that she is alive and not dead! Do you know what caused the death news yesterday?
Shivamogga | Feb 3, 2024 | ಸೋಶಿಯಲ್ ಮೀಡಿಯಾ ಸ್ಟಾರ್ ಪೂನಮ್ ಪಾಂಡೆ ಸತ್ತಿಲ್ಲ. ಬದುಕಿದ್ದಾಳೆ. ಈ ಬಗ್ಗೆ ಆಕೆಯೆ ತನ್ನ ಇನ್ಸ್ಟಾಗ್ರಾಮ್ ಅಕೌಂಟ್ನಲ್ಲಿ ವಿಡಿಯೋವೊಂದು ಹರಿಬಿಟ್ಟಿದ್ದಾಳೆ. ಇದೀಗ ಆಕೆಯ ಹೊಸ ವಿಡಿಯೋ ವೈರಲ್ ಆಗಿದ್ದು, ನಿನ್ನೆ ಸಾವಿನ ಸುದ್ದಿಯನ್ನು ಹರಿಬಿಟ್ಟಿದ್ದಕ್ಕೆ ಆಕೆ ಕ್ಷಮೆಯನ್ನ ಸಹ ಕೇಳಿದ್ದಾಳೆ. ಅಲ್ಲದೆ ಇದು ತನ್ನದೇ ಕೃತ್ಯ, ಉದ್ದೇಶ ಪೂರ್ವಕವಾಗಿ ಸ್ಟೇಟ್ಮೆಂಟ್ ಹಾಕಿದ್ದು ಎಂದಿದ್ದಾಳೆ.
ಸರ್ವಿಕಲ್ ಕ್ಯಾನ್ಸರ್ನಿಂದ ಆಕೆಯನ್ನು ಕಳೆದುಕೊಂಡಿದ್ದೇವೆ ಎಂಬ ಹೇಳಿಕೆ ಇದ್ದ ಪೋಸ್ಟ್ ವೊಂದು ನಿನ್ನೆ ಇನ್ಸ್ಟಾಗ್ರಾಮ್ನಲ್ಲಿ ಅಪ್ಲೋಡ್ ಆಗಿತ್ತು. ಈ ಸಂಬಂಧ ರಾಷ್ಟ್ರೀಯ ಮಾಧ್ಯಮಗಳು ಆಕೆಯ ಮ್ಯಾನೇಜರ್ ಬಳಿ ಸ್ಪಷ್ಟನೆ ಕೇಳಿ ಸುದ್ದಿ ಮಾಡಿದ್ದವು. ಇವತ್ತು ಬೆಳಗ್ಗೆ ಪೂನಂ ತನ್ನ ವಿಡಿಯೋವೊಂದನ್ನ ಇನ್ಸ್ಟಾಗ್ರಾಂ ಅಕೌಂಟ್ನಲ್ಲಿ ಪೋಸ್ಟ್ ಮಾಡಿದ್ದಾಳೆ. ಅಲ್ಲದೆ ವಿಡಿಯೋದಲ್ಲಿ ನಾನು ಪೂನಮ್, ಮೊದಲಿಗೆ ನಿಮ್ಮೆಲ್ಲರ ಕ್ಷಮೆ ಕೇಳುತ್ತೇನೆ. ಯಾರಿಗಾದರೂ ನೋವು ಉಂಟುಮಾಡಿದ್ದರೂ ಅದಕ್ಕೆ ದಯಮಾಡಿ ಕ್ಷಮಿಸಿ, ನಾನೇ ಸ್ವತಃ ನನ್ನ ಸಾವಿನ ಸುದ್ದಿಯನ್ನು ಹರಿಬಿಟ್ಟಿದ್ದೆ. ಇದಕ್ಕೆ ಕಾರಣವೂ ಇತ್ತು ಎಂದಿದ್ದಾಳೆ.
ಸರ್ವಿಕಲ್ ಕ್ಯಾನ್ಸರ್ ಬಗ್ಗೆ ಯಾರೊಬ್ಬರು ಯೋಚಿಸಿರಲಿಲ್ಲ. ಆದರೆ ಪೂನಂ ಪಾಂಡೆ ಅಂತಹ ಒಂದು ವ್ಯಾದಿಯಿಂದ ಸಾವನ್ನಪ್ಪಿದ್ದಾಳೆ ಎಂಬ ಸುದ್ದಿಯ ಮೂಲಕ ಸರ್ವಿಕಲ್ ಕ್ಯಾನ್ಸರ್ ಬಗ್ಗೆ ಜಾಗೃತಿ ಮೂಡಿಸಲು ಪ್ರಯತ್ನಿಸಿದೆ. ನಿನ್ನೆ ಹಲವಾರು ಮಂದಿ ಸರ್ವಿಕಲ್ ಕ್ಯಾನ್ಸರ್ ಬಗ್ಗೆ ತಿಳಿದುಕೊಂಡಿದ್ದಾರೆ. ಈ ನಿಟ್ಟಿನಲ್ಲಿ ಯಾರಿಗಾದರೂ ಬೇಸರವಾಗಿದ್ದರೇ ಕ್ಷಮಿಸಿ ಎಂದಿದ್ದಾಳೆ.
View this post on Instagram