ಎಲೆಕ್ಷನ್​ ಗಲಾಟೆಯಲ್ಲಿ ಕೊಲೆ! ಕೊನೆಗೆ ಕೋರ್ಟ್ ಕೊಟ್ಟ ಶಿಕ್ಷೆಯೇನು ಗೊತ್ತಾ?

MALENADUTODAY.COM  |SHIVAMOGGA| #KANNADANEWSWEB

ಶಿವಮೊಗ್ಗ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ ಹೊಳೆಬೆನವಳ್ಳಿಯಲ್ಲಿ  05-05-2017  ರಂದು ಹತ್ಯೆಯೊಂದು ನಡೆದಿತ್ತು. ಸದ್ಯ ಈ ಪ್ರಕರಣದ ಸಂಬಂದ ಶಿವಮೊಗ್ಗ ಕೋರ್ಟ್​ ತೀರ್ಪು ನೀಡಿದ್ದು, ಆರೋಪಿಗಳಿಗೆ ಶಿಕ್ಷೆ ವಿಧಿಸಿದೆ. 

ನಡೆದಿದ್ದೇನು? 

ಹೊಳೆಬೆನವಳ್ಳಿ ಗ್ರಾಮದ ವಾಸಿ ಮಹೇಶ್ ನಾಯ್ಕ ಎಂಬವರ ಜೊತೆ ಈತನ ಪರಿಚಯಸ್ಥರಾದ ಕುಮಾರ ನಾಯ್ಕ, ಫೀರ್ಯಾನಾಯ್ಕ, ಚಿನ್ನಾ ನಾಯ್ಕ  ಮತ್ತು ಮಧು ಚುನಾವಣೆ ವಿಚಾರಕ್ಕೆ ಜಗಳವಾಡಿದ್ದರು.  ಗ್ರಾಮ ಪಂಚಾಯತಿ ಚುನಾವಣೆಯಲ್ಲಿ ಸ್ಪರ್ಧೆ ಮಾಡುವ ವಿಚಾರವಾಗಿ ಇವರ ನಡುವೆ ಗಲಾಟೆಯಾಗಿತ್ತು. ಇದೇ ಕಾರಣಕ್ಕೆ  ದಿನಾಂಕಃ 05-05-2017  ರಂದು ಮಧ್ಯಾಹ್ನ ಮಹೇಶ್ ನಾಯ್ಕ್​ ಬೈಕ್ ನಲ್ಲಿ ಹೊಳೆಬೆನವಳ್ಳಿ ಸಣ್ಣ ತಾಂಡಾದ ಚಾನೆಲ್ ಮೇಲೆ ಹೋಗುತ್ತಿದ್ದಾಗ, ಉಳಿದವರು ಮಹೇಶ್​ನನ್ನ ಅಡ್ಡಗಟ್ಟಿ ಆತನ ಕುತ್ತಿಗೆ ಮತ್ತು ಮೈ ಕೈಗೆ ಹಲ್ಲೆ ಮಾಡಿ ಕೊಲೆ ಮಾಡಿದ್ದರು. ಈ ಸಂಬಂಧ ಮಹೇಶ್ ನಾಯ್ಕ್​ನ ಪತ್ನಿ ದೂರು ನೀಡಿದ್ದರು. 143, 302 ಸಹಿತ 149 ಐಪಿಸಿ ಅಡಿ ಕೇಸ್ ಆಗಿತ್ತು. 

READ |  ಶಿವಮೊಗ್ಗ ನಗರದಲ್ಲಿ ಬಿಜೆಪಿಗೆ ಆಯನೂರು ಮಂಜುನಾಥ್​ರೇ ರೆಬೆಲ್​?! ಟಿಕೆಟ್​ ಕೊಟ್ಟರೆ ಬಿಜೆಪಿಯಿಂದ, ಟಿಕೆಟ್ ಕೊಡದಿದ್ದರೆ ಬಿಜೆಪಿಯಿಂದ ಬಂಡಾಯ ಅಭ್ಯರ್ಥಿಯಾಗಿ ಸ್ಪರ್ಧೆ ಸಾಧ್ಯತೆ!?

ಅಂದಿನ ಶಿವಮೊಗ್ಗ ಗ್ರಾಮಾಂತರ ಪೊಲೀಸ್ ಸ್ಟೇಷನ್ ಸಿಪಿಐ ಕೇಸ್ ತನಿಖ ನಡೆಸಿ ಕೋರ್ಟ್​ಗೆ ಚಾರ್ಜ್​ ಶೀಟ್ ಸಲ್ಲಿಸಿದ್ರು. ಸರ್ಕಾರದ ಪರವಾಗಿ  ಸರ್ಕಾರಿ ಅಭಿಯೋಜಕ ಪುಷ್ಪಾರವರು ವಾದ ಮಂಡಿಸಿದ್ರು. ಇದೀಗ ವಿಚಾರಣೆ ಮುಗಿದು 2ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ತೀರ್ಪು ನೀಡಿದೆ. 

ತೀರ್ಪಿನಲ್ಲಿ ಏನಿದೆ. 

1) ಕುಮಾರ್ ನಾಯ್ಕ, 36  ವರ್ಷ, ಹೊಳೆಬೆನವಳ್ಳಿ, ಶಿವಮೊಗ್ಗ,

2) ಫೀರ್ಯಾ ನಾಯ್ಕ, 38  ವರ್ಷ,  ಹೊಳೆಬೆನವಳ್ಳಿ, ಶಿವಮೊಗ್ಗ,

3) ಚಿನ್ನಾ ನಾಯ್ಕ, 32  ವರ್ಷ, ಹೊಳೆಬೆನವಳ್ಳಿ, ಶಿವಮೊಗ್ಗ

4) ಮಧುಕುಮಾರ @ ಮಧು, 19  ವರ್ಷ, ಮುಸ್ಸೇನಾಳ್ ಗ್ರಾಮ

 143, 302 ಸಹಿತ 149 ಐಪಿಸಿ ಕಾಯ್ದೆ ಅಡಿಯಲ್ಲಿ ಆರೋಪ ದೃಡಪಟ್ಟ ಹಿನ್ನೆಲೆಯಲ್ಲಿ ಮೇಲ್ಕಂಡ ಆರೋಪಿಗಳಿಗೆ ಜೀವಾವಧಿ ಶಿಕ್ಷೆ ಮತ್ತು 23,500 /- ರೂ ದಂಡ, ದಂಡವನ್ನು ಕಟ್ಟಲು ವಿಫಲರಾದರೆ ಹೆಚ್ಚುವರಿಯಾಗಿ 03 ವರ್ಷ ಸಾದಾ ಕಾರವಾಸ ಶಿಕ್ಷೆ ನೀಡಲಾಗಿದೆ. 

READ | ಶಿವಮೊಗ್ಗ ಬಸ್​ಸ್ಟ್ಯಾಂಡ್​ನಲ್ಲಿ ಶಾರೀಖ್! ಶಂಕಿತ ಆರೋಪಿಗಳನ್ನು ಇಲ್ಲಿ ಕರೆತಂದು ವಿಚಾರಿಸುತ್ತಿರುವುದೇಕೆ? ಇಲ್ಲಿದೆ ವರದಿ

ನಮ್ಮ ವಾಟ್ಸ್ಯಾಪ್ ಗ್ರೂಪ್ ಲಿಂಕ್ ಇದು  ಕ್ಲಿಕ್ ಮಾಡಿ