ಅಮೆರಿಕಾದಿಂದ ಬಂತು ಟಪಾಲ್’| ದಾಖಲಾಯ್ತು ಸಾಲು ಸಾಲು FIR | ಮೊಬೈಲ್ಗಳಿಂದಲೇ ಆಗ್ತಾರೆ ಅರೆಸ್ಟ್! ಏನಿದು?
Details of FIRs registered through Cyber Tip Line at Shimoga CEN Police Station ಶಿವಮೊಗ್ಗ ಸಿಇಎನ್ ಪೊಲೀಸ್ ಸ್ಟೇಷನ್ನಲ್ಲಿ ಸೈಬರ್ ಟಿಪ್ ಲೈನ್ ಮೂಲಕ ದಾಖಲಾದ ಎಫ್ಐಆರ್ಗಳ ವಿವರ
KARNATAKA NEWS/ ONLINE / Malenadu today/ Nov 2, 2023 SHIVAMOGGA NEWS
SHIVAMOGGA | ಅಪ್ರಾಪ್ತ ವಯಸ್ಸಿನವರ ವಿಚಾರದಲ್ಲಿ ಸಾಕಷ್ಟು ಎಚ್ಚರಿಕೆಯಿಂದ ಇರಬೇಕು. ಅಂತಹವರ ಅಶ್ಲೀಲ ಚಿತ್ರವನ್ನು ಸಂಗ್ರಹಿಸುವುದು, ವರ್ಗಾಯಿಸುವುದು, ಹಂಚುವುದು ಅಪರಾಧ. ಮೇಲಾಗಿ ಈ ಕೃತ್ಯಗಳನ್ನ ಗಮನಿಸಲು ಅಮೆರಿಕಾದ ಸಂಸ್ಥೆಯೊಂದು ಆನ್ಲೈನ್ನ ಮೇಲೆ ಕಣ್ಣಿಟ್ಟಿರುತ್ತದೆ. ಅಮೆರಿಕಾದಿಂದ ಶಿವಮೊಗ್ಗದ ಸಿಇಎನ್ ಠಾಣೆಗೆ ಇಂತಹದ್ದೊಂದು ಏರಿಯಾದ ಇಂತಹ ನಿವಾಸಿ ಅಂತಹ ಕೃತ್ಯವೆಸಗಿದ್ದಾನೆ. ಆತನ ವಿರುದ್ಧ ಕ್ರಮ ಕೈಗೊಳ್ಳಿ ಎಂದು ಸಿಡಿ ಸಾಕ್ಷ್ಯದ ಸಮೇತ ಅಮೆರಿಕಾದ ಸಂಸ್ಥೆ ಸೈಬರ್ ಟಿಪ್ ಲೈನ್ ವಿವರಗಳನ್ನು ಕಳುಹಿಸಿಕೊಡುತ್ತದೆ.
ಈ ಹಿಂದೇ ಇದೇ ರೀತಿಯಲ್ಲಿ ಸೈಬರ್ ಟಿಪ್ ಲೈನ್ನಿಂದ ಬಂದಿದ್ದ ಪ್ರಕರಣವನ್ನು ಭೇದಿಸಿದ ಇನ್ಸ್ಪೆಕ್ಟರ್ ಗುರುರಾಜ್ಗೆ ಅತ್ಯುತ್ತಮ ತನಿಖಾಧಿಕಾರಿ ಪ್ರಶಸ್ತಿ ಲಭ್ಯವಾಗಿತ್ತು. ಇದೀಗ ಮತ್ತೆ ಅಂತಹ ನಾಲ್ಕು ಪ್ರಕರಣಗಳು ಶಿವಮೊಗ್ಗಕ್ಕೆ ರವಾನೆಯಾಗಿದ್ದು, ಟಿಪ್ ಲೈನ್ ಸಂಸ್ಥೆ ಎಸ್ಪಿ ಕಚೇರಿಗೆ ಟಪಾಲ್ ಕಳುಹಿಸಿದೆ. ಈ ಟಪಾಲ್ ಸಿಇಎನ್ ಪೊಲೀಸ್ ಸ್ಟೇಷನ್ಗೆ ರವಾನೆಯಾಗಿದ್ದು,ಎಫ್ಐಆರ್ಗಳು ದಾಖಲಾಗಿದೆ.
ಶಿವಮೊಗ್ಗ ಸಿಟಿಯ ಪ್ರತಿಷ್ಟಿತ ಬಡಾವಣೆಯಲ್ಲಿರುವ ನಿವಾಸಿಗಳ ವಿರುದ್ಧ ಈ ಎಫ್ಐಆರ್ ದಾಖಲಾಗಿದ್ದು, ಆರೋಪಿಗಳ ವಿರುದ್ಧ Section: INFORMATION TECHNOLOGY ACT 2000 (U/s-67(B)); PROTECTION OF CHILDREN FROM SEXUAL OFFENCES ACT 2012 (U/s-15) ಅಡಿಯಲ್ಲಿ ಕೇಸ್ ದಾಖಲಾಗಿದೆ. ಪ್ರಕರಣ ಗಂಭೀರವಾಗಿದ್ದು ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ