SHIVAMOGGA | MALENADUTODAY NEWS | ಮಲೆನಾಡು ಟುಡೆ Jan 12, 2025
ಶಿವಮೊಗ್ಗದಲ್ಲಿನ ಇಬ್ಬರು ಪ್ರತ್ರಕರ್ತರು ನಿಧನರಾಗಿದ್ದಾರೆ. ಶಿವಮೊಗ್ಗ ಪಬ್ಲಿಕ್‌ ಟಿವಿ ವರದಿಗಾರ ಶಶಿಧರ್ ಹಾಗೂ ಶಿವಮೊಗ್ಗದ ಖ್ಯಾತ ಚಾಯಾಗ್ರಾಹಕ ಶಿವಮೊಗ್ಗ ನಂದನ್ ಸಾವನ್ನಪ್ಪಿದ್ದಾರೆ.
ಪಬ್ಲಿಕ್‌ ಟಿವಿ ಶಿವಮೊಗ್ಗ ವರದಿಗಾರ ಇನ್ನಿಲ್ಲ
ಪಬ್ಲಿಕ್‌ ಟಿವಿಯ ಪ್ರತಿನಿಧಿಯಾಗಿ ಶಿವಮೊಗ್ಗದಲ್ಲಿ ಕೆಲಸ ಮಾಡುತ್ತಿದ್ದ 39 ವರ್ಷದ ಶಶಿಧರ್.ಕೆ.ವಿ ನಿನ್ನೆ ದಿನ ನಿಧನರಾಗಿದ್ದಾರೆ. ಅನಾರೋಗ್ಯದ ಸಮಸ್ಯೆ ಹೊಂದಿದ್ದ ಅವರು ನಿನ್ನೆ ದಿನ ಮನೆಯಲ್ಲಿ ಕುಸಿದು ಬಿದ್ದಿದ್ದರು. ಆ ಬಳಿಕ ಅವರನ್ನ ಮ್ಯಾಕ್ಸ್‌ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಆದರೆ ಸಂಜೆ ಹೊತ್ತಿಗೆ ಚಿಕಿತ್ಸೆ ಫಲಿಸದೆ ಸಾವನ್ನಪ್ಪಿದ್ದಾರೆ. ಹಾಸನ ಜಿಲ್ಲೆ ಅರಸಿಕೆರೆ ತಾಲೂಕು ಕಲ್ಲಹಳ್ಳಿಯವರಾದ ಅವರ ನಿಧನಕ್ಕೆ ಶಿವಮೊಗ್ಗದ ಎಂಎಲ್‌ಎ ಚನ್ನಬಸಪ್ಪ, ಮುಖಂಡಾರದ ಹೆಚ್‌ಸಿ ಯೋಗೇಶ್‌, ಸಿಎಸ್‌ ಷಡಾಕ್ಷರಿ, ಕೆಇ ಕಾಂತೇಶ್‌ ಸೇರಿದಂತೆ ಹಲವರು ಸಂತಾಪ ವ್ಯಕ್ತಪಡಿಸಿದರು. ಇನ್ನೂ ವಿಷಯ ತಿಳಿಯುತ್ತಲೇ ಮ್ಯಾಕ್ಸ್‌ ಆಸ್ಪತ್ರೆಯ ಬಳಿಗೆ ಶಿವಮೊಗ್ಗದ ಬಹುತೇಕ ಪತ್ರಕರ್ತರು ದೌಡಾಯಿಸಿದರು. ಆನಂತರ ಶಿವಮೊಗ್ಗ ಪ್ರೆಸ್‌ ಟ್ರಸ್ಟ್‌ನ ಬಳಿಯಲ್ಲಿ, ಶಶಿಧರ್‌ರವರ ಪಾರ್ಥೀವ ಶರೀರಕ್ಕೆ ಪತ್ರಕರ್ತರು ಅಂತಿಮನಮನ ಸಲ್ಲಿಸಿದರು. ತದನಂತರೆ ಶಶಿಧರ್ ಅವರ ಪಾರ್ಥೀವ ಶರೀರವನ್ನು ಅವರ ಹುಟ್ಟೂರಿಗೆ ತೆಗೆದುಕೊಂಡು ಹೋಗಲಾಯ್ತು. ಅಲ್ಲಿ ಇಂದು ಶಶಿಧರ್ ರವರ ಅಂತ್ಯಕ್ರಿಯೆ ನಡೆಯಲಿದೆ.
ಆರು ವರ್ಷದಿಂದ ಶಿವಮೊಗ್ಗ ಜಿಲ್ಲಾ ವರದಿಗಾರರಾಗಿ ಪಬ್ಲಿಕ್‌ ಟಿವಿಯಲ್ಲಿ ಕೆಲಸ ಮಾಡುತ್ತಿರುವ ಶಶಿಧರ್ ಈ ಹಿಂದೆ ವಿಜಯಪುರ ಹಾಗೂ ಚಾಮರಾಜನಗರದಲ್ಲಿ ಈಟಿವಿ ಹಾಗೂ ಸುವರ್ಣ ನ್ಯೂಸ್‌ ವರದಿಗಾರರಾಗಿ ಕೆಲಸ ಮಾಡಿದ್ದರು.
ಖ್ಯಾತ ಛಾಯಗ್ರಾಹಕ ಶಿವಮೊಗ್ಗ ನಂದನ್ ಇನ್ನಿಲ್ಲ
ಇನ್ನೊಂದೆಡೆ ಶಶಿಧರ್ ಸಾವಿನ ಸುದ್ದಿಯ ಬೆನ್ನಲ್ಲೆ ಮತ್ತೊಬ್ಬ ಹಿರಿಯ ಪತ್ರಕರ್ತ ಹಾಗೂ ಖ್ಯಾತ ಛಾಯಾಗ್ರಾಹಕ ಶಿವಮೊಗ್ಗ ನಂದನ್ ರವರ ಸಾವಿನ ಸುದ್ದಿ ಪತ್ರಕರ್ತ ವಲಯದಲ್ಲಿ ದುಃಖ ಮಡುಗಟ್ಟುವಂತೆ ಮಾಡಿದೆ. ಇಂಡಿಯನ್ ಎಕ್ಸ್‌ಪ್ರೆಸ್‌ ಪತ್ರಿಕೆಯ ಫೋಟೊಗ್ರಾಫರ್ ಆಗಿದ್ದ ಶಿವಮೊಗ್ಗ ನಂದನ್ (57) ನಿಧನರಾಗಿದ್ದಾರೆ.
ಅನಾರೋಗ್ಯ ಹಿನ್ನೆಲೆ ನಿನ್ನೆ ರಾತ್ರಿ ಅವರನ್ನು ನಂಜಪ್ಪ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅಲ್ಲಿ ಅವರಿಗೆ ಹೃದಯಾಘಾತವಾಗಿದೆ. ಬಳಿಕ ಕೊನೆಯುಸಿರೆಳೆದಿದ್ದಾರೆ. ಶಿವಮೊಗ್ಗ ನಂದನ್ ಅವರ ಪಾರ್ಥೀವ ಶರೀರವನ್ನು ಶಿವಮೊಗ್ಗ ರೈಲ್ವೆ ನಿಲ್ದಾಣ ಸಮೀಪ ಇರುವ ಅವರ ಮನೆಯಲ್ಲಿ ಅಂತಿಮ ದರ್ಶನಕ್ಕೆ ಇರಿಸಲಾಗಿದೆ. ಮೃತರಿಗೆ ಪತ್ನಿ, ಪುತ್ರ ಮತ್ತು ಪುತ್ರಿ ಇದ್ದಾರೆ.
SUMMARY | Indian Express photographer Shivamogga Nandan passes away. Shivamogga Public TV reporter Shashidhar passes away
KEY WORDS |Indian Express photographer Shivamogga Nandan passes away. Shivamogga Public TV reporter Shashidhar passes away
