ಗ್ರಾಹಕನಿಗೆ ತಿಳಿಸದೇ ಚೀಟಿ ಎತ್ತಿದ್ರು! ಖಾತೆಯಿಂದ ಲಕ್ಷ ಲಕ್ಷ ಟ್ರಾನ್ಸಫರ್ ಮಾಡಿದ್ರು! ದೇವಾ ಹೀಗೂ ಮೋಸನಾ?

SHIVAMOGGA NEWS / Malenadu today/ Nov 27, 2023 | Malenadutoday.com  

SHIVAMOGGA   |  ನಿಮಗೆ ಗೊತ್ತಿಲ್ಲದೇ ನೀವು ಕಟ್ಟಿದ್ದ ಚೀಟಿ ಹಣವನ್ನ ಡ್ರಾ ಮಾಡಿಕೊಂಡು ಉಡಾಯಿಸಿದರೇ ನಿಮ್ಮ ಪರಿಸ್ಥಿತಿ ಏನಾಗಬೇಡ…ಹಾಗೆ ಸುಮ್ಮನೇ ಯೋಚಿಸಿ ನೋಡಿ! ಜೊತೆಯಲ್ಲಿಯೇ ಸ್ವಲ್ಪ ಎಚ್ಚರವಹಿಸಿ.. ಏಕೆಂದರೆ ಇಂತಹದ್ದೊಂದು ಘಟನೆ ನಡೆದಿದೆ. 

ಶಿಕಾರಿಪುರ ದಲ್ಲಿ ಈ ಘಟನೆ ನಡೆದಿದೆ. ಘಟನೆಯಲ್ಲಿ  ಬ್ಯಾಂಕ್ ಮ್ಯಾನೇಜರ್​ ಹಾಗೂ ಓರ್ವ ಮಹಿಳೆ ಮತ್ತು ಓರ್ವ ಪುರುಷನ ವಿರುದ್ಧ ಆರೋಪ ಮಾಡಲಾಗಿದೆ. ಘಟನೆ ಸಂಬಂಧ ಶಿಕಾರಿಪುರ ಟೌನ್​ಪೊಲೀಸ್ ಸ್ಟೇಷನ್​ನಲ್ಲಿ ಎಫ್ಐಆರ್ ದಾಖಲಾಗಿದೆ. 

READ : ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ವಿದ್ಯಾರ್ಥಿನಿ! ಕಾರಣವೇನು?

ಏನಿದು ಕೇಸ್​ 

ಸಂತ್ರಸ್ತರು ಮನೆ ಕಟ್ಟಲು ಜಾಗ ತೆಗೆದುಕೊಂಡಿದ್ದು, ಅದರ ಖರೀದಿಗೆ ಆರೋಪಿಗಳೇ ಸಾಲ ಕೊಡಿಸಿದ್ದರಂತೆ.. ಈ ನಂಬಿಕೆ ಮೇಲೆ ಮನೆ ಕಟ್ಟಲು ಸಾಲ ಕೊಡಿಸುವಂತೆ ಸಂತ್ರಸ್ತರು ಕೋರಿದ್ದಾರೆ. ಇದಕ್ಕೆ ಒಪ್ಪಿದ ಆರೋಪಿಗಳು ಚಿಟ್ಸ್​ ಒಂದರಲ್ಲಿ ಸದಸ್ಯರನ್ನಾಗಿ ಮಾಡಿಸಿ ಸಂತ್ರಸ್ತರಿಂದ ಹಣ ಹೂಡಿಕೆ ಮಾಡಿಸಿದ್ದಾರೆ. 

ಬಳಿಕ ಸಂತ್ರಸ್ತನಿಗೆ ಸಾಲ ಸಿಗುತ್ತದೆ. ಆಸ್ತಿಪತ್ರ ದೀಡ್ ಮಾಡಿಸಬೇಕು ಎಂದು ಹೇಳಿ ಚಿಟ್ಸ್​ ಪಂಡ್​​ನ ಹೆಸರಿಗೆ ಸಂತ್ರಸ್ತರ ಆಸ್ತಿಯನ್ನ ದೀಡ್ ಮಾಡಿಸಿದ್ದಾರೆ. ಬಳಿಕ ಕೆಲವೇ ದಿನಗಳಲ್ಲಿ ಸಾಲ ಸ್ಯಾಂಕ್ಷನ್ ಆಗುತ್ತದೆ ಎಂದು ತಿಳಿಸಿದ್ದಾರೆ. ಅಲ್ಲದೆ ಇದಕ್ಕಾಗಿ ಎರಡು ಜಾಮೀನುದಾರರ ಚೆಕ್​ಗಳನ್ನು ಸಹ ಪಡೆದಿದ್ದರಂತೆ. 

READ : ಸಂಬಂಧಿಗಳ ನಡುವೆಯೇ ತಂದಿಡುತ್ತೆ ಫೇಸ್​ಬುಕ್ ಫೋಸ್ಟ್​? ಇಲ್ಲಿದೆ ಓದಿ CEN ಕೇಸ್​!

ಇಷ್ಟೆಲ್ಲಾ ಆದ ಮೇಲೆ ಕೇಳಿದರೆ ಸಾಲ ಸ್ಯಾಂಕ್ಷನ್ ಆಗಿಲ್ಲ ಎಂದಿದ್ದಾರೆ.ಈ ಬಗ್ಗೆ ಸ್ವತಃ ಸಂತ್ರಸ್ತರು ಚಿಟ್ಸ್ ಸಂಸ್ಥೆಗೆ ಹೋಗಿ ವಿಚಾರಿಸಿದ್ದಾರೆ. ಆಗ ಅಲ್ಲಿ ಇವರ ಅಕೌಂಟ್​ಕ್ಕೆ ಚೀಟಿ ಹಣ ಸ್ಯಾಂಕ್ಷನ್ ಆಗಿರುವುದು ಗೊತ್ತಾಗಿದೆ. ತಕ್ಷಣವೇ ಬ್ಯಾಂಕ್​ಗೆ ಹೋಗಿ ನೋಡಿದರೆ, ಅಲ್ಲಿ ಎರಡು ಅಕೌಂಟ್​ಗಳಿಗೆ ನಿಫ್ಟ್​ ಮೂಲಕ ಹಣ ಟ್ರಾನ್ಸಫರ್ ಆಗಿರುವುದು ಗೊತ್ತಾಗಿದೆ. 

ಸಂತ್ರಸ್ತರಿಗೆ ಇಷ್ಟೆಲ್ಲಾ ಗೊತ್ತಿಲ್ಲದೇ ಹಣವೂ ವರ್ಗಾವಣೆಯಾಗಿದೆ. ತಾನು ಮೋಸ ಹೋಗಿರುವುದು ಗೊತ್ತಾಗಿ ಈ ಸಂಬಂಧ ಶಿಕಾರಿಪುರ ಟೌನ್ ಪೊಲೀಸರಿಗೆ ದೂರು ನೀಡಿದ್ದಾರೆ. ಪ್ರಕರಣ ಸಂಬಂಧ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ