radhika subramaniam ai instagram ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಮಾನವ ಬದುಕನ್ನು ಆವರಿಸುತ್ತಿರುವ ಹೊತ್ತಿನಲ್ಲಿ, ಭಾರತೀಯ ಮಾಧ್ಯಮ ಕಂಪನಿ ‘ಕಲೆಕ್ಟಿವ್ ಆರ್ಟಿಸ್ಟ್ಸ್ ನೆಟ್‌ವರ್ಕ್’ ದೇಶದ ಮೊಟ್ಟಮೊದಲ AI ಟ್ರಾವೆಲ್ ಇನ್‌ಫ್ಲುಯೆನ್ಸರ್ ರಾಧಿಕಾ ಸುಬ್ರಮಣಿಯಂ ಅವರನ್ನು ಪರಿಚಯಿಸಿದೆ. ಪಾಸ್‌ಪೋರ್ಟ್ ಅಗತ್ಯವಿಲ್ಲದೆ, ನಿರಂತರವಾಗಿ ಪ್ರಯಾಣದ ಅನುಭವಗಳನ್ನು ಹಂಚಿಕೊಳ್ಳುವ ಸಾಮರ್ಥ್ಯ ಹೊಂದಿರುವ ರಾಧಿಕಾ, ಭಾರತದಾದ್ಯಂತ ಸಂಚರಿಸಿ ಸ್ಥಳೀಯ ಸಂಸ್ಕೃತಿಯನ್ನು ಪರಿಚಯಿಸಲು ವಿನ್ಯಾಸಗೊಳಿಸಲಾಗಿದೆ.ತಮಿಳು ಮತ್ತು ಇಂಗ್ಲಿಷ್ ಎರಡೂ ಭಾಷೆಗಳಲ್ಲಿ ಸಂವಹನ ನಡೆಸುವ ದ್ವಿಭಾಷಾ ಸಾಮರ್ಥ್ಯ ರಾಧಿಕಾ ಅವರಲ್ಲಿದ್ದು, ಯುವ ಸಮುದಾಯವನ್ನು ಅನ್ನು ಸೆಳೆಯುವ ಉದ್ದೇಶದಿಂದ ಸೃಷ್ಟಿಸಲಾಗಿದೆ.
ಈ ಬಗ್ಗೆ ಕಲೆಕ್ಟಿವ್ ಆರ್ಟಿಸ್ಟ್ಸ್ ನೆಟ್‌ವರ್ಕ್‌ನ ಸಂಸ್ಥಾಪಕ ಮತ್ತು ಗ್ರೂಪ್ ಸಿಇಒ ವಿಜಯ್ ಸುಬ್ರಮಣಿಯಂ ಮಾತನಾಡಿ, “ರಾಧಿಕಾ ನಮಗೆಲ್ಲರಿಗೂ ತಿಳಿದಿರುವ ಒಬ್ಬ ಸ್ನೇಹಿತೆಯಂತೆ. ಅವರು ಭಾರತದ ಪ್ರೇಕ್ಷಣೀಯ ಸ್ಥಳಗಳಿಗೆ ವರ್ಚುವಲ್‌ ಆಗಿ ಕರೆದೊಯ್ಯಲಿದ್ದಾರೆ. ಭಾರತದ ವಿವಿಧ ಪ್ರವಾಸಿ ತಾಣಗಳ ಬಗ್ಗೆ ಅಪಾರ ಜ್ಞಾನ ಹೊಂದಿರುವ ರಾಧಿಕಾ, ತನ್ನ ಇಚ್ಚೆಯಂತೆ ಕಾರ್ಯನಿರ್ವಹಿಸುತ್ತಾಳೆ ಹಾಗೆಯೇ ತನ್ನ ಸುತ್ತಲಿನ ಜಗತ್ತಿನಲ್ಲಿ ಆಸಕ್ತಿ ಹೊಂದಿದ್ದಾಳೆ ಎಂದಿದ್ದಾರೆ.
radhika subramaniam ai instagram AI ಟ್ರಾವೆಲ್ ಇನ್‌ಫ್ಲುಯೆನ್ಸರ್ ಎಂದರೇನು
AI ಟ್ರಾವೆಲ್ ಇನ್‌ಫ್ಲುಯೆನ್ಸರ್ ಎಂದರೆ ಜನರೇಟಿವ್ ಡಿಸೈನ್, ಮೆಷಿನ್ ಲರ್ನಿಂಗ್ ಮತ್ತು ನ್ಯಾಚುರಲ್ ಲ್ಯಾಂಗ್ವೇಜ್ ಪ್ರೊಸೆಸಿಂಗ್‌ನಂತಹ AI ಪರಿಕರಗಳನ್ನು ಬಳಸಿ ರಚಿಸಲಾದ ಕಂಪ್ಯೂಟರ್-ರಚಿತ ಮನುಷ್ಯನ್ನು ಹೋಲುವ ಕಾಲ್ಪನಿಕ ವ್ಯಕ್ತಿತ್ವ ಹೊಂದಿದ್ದಾರೆ. ರಾಧಿಕ ಸುಬ್ರಮಣಿಯಂ ಎಲ್ಲಾ ಮನುಷ್ಯರಂತೆ ಸಾಮಾಜಿಕ ಮಾಧ್ಯಮದಲ್ಲಿ ಪ್ರವಾಸಗಳ ಬಗ್ಗೆ ಪೋಸ್ಟ್ ಮಾಡುತ್ತಾಳೆ. ಮತ್ತು ಪ್ರವಾಸಿ ತಾಣಗಳ ಬಗ್ಗೆ ಪ್ರಚಾರ ಮಾಡುತ್ತಾಳೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಈಕೆಯ ಪೋಸ್ಟ್ಗಳು ವೈರಲ್ ಆಗುತ್ತಿದ್ದು, ಎಐ ನ ಈ ಹೊಸ ಅವತಾರ ಯಾವ ರೀತಿ ಪರಿಣಾಮ ಬೀರುತ್ತದೆ ಮತ್ತು ಪ್ರತಿಕ್ರಿಯೆ ಪಡೆಯುತ್ತದೆ ಎಂಬುವುದನ್ನು ಇನ್ನಷ್ಟೇ ನಿರೀಕ್ಷಿಸಬೇಕಿದೆ.
