ವಿಶೇಷ ವರದಿ: ಪ್ರತಾಪ್ ತೀರ್ಥಹಳ್ಳಿ, ಕಂಟೆಂಟ್ ಪ್ರೊಡ್ಯೂಸರ್, ಮಲೆನಾಡುಟುಡೆ
ಬೇದಿ…ಹಿಡ್ಡು.. ಮು….ಇನ್ನೂ ಹಸಿ ಆಗೆ ಇದೆ…. ಬೇಕಾದ್ರೆ ಮುಟ್ಟಿ ನೋಡ್ರಿ…ನೀನ್ ಬೆಳ್ಳಗಿದ್ಯಾ ಕೊಟ್ರೆ ತಗಂತಾರೆ ಕಣೋ…ಆಚೆ ತಿರಕ್ಕಂಡ್ ಮಲಗದ್ರಿ!…ಹೀಗೆ ಅಪ್ಪಟ ಮಲ್ನಾಡ್ ನಾಟಿ ಭಾಷೆ..ನೆಲದ ಅನುಭವದ ಮಾತಿಗೆ, ಹಸಿ ಮಾತಿನ ಪದಗಳ ಸ್ಪರ್ಶಕೊಟ್ಟ ಕರಾವಳಿ ಸಿನಿಮಾಗಳು ಸೂಪರ್ ಹಿಟ್ ಆಗಿರೋದನ್ನ ನೀವೆಲ್ಲಾ ನೋಡೆ ಇದ್ದೀರಿ.. ಅವುಗಳನ ನಾಟಿತನವನ್ನು ಎಂಜಾಯ್ ಮಾಡಿಯು ಇದ್ದೀರಿ..
ನಕ್ಕು ನಗಿಸುವ ಟ್ರೈಲರ್
ಈ ಅನುಭವಕ್ಕೆ ಮಲ್ನಾಡ್ ನ ಮಾತು, ಜೀವನ, ಅನುಭವಗಳನ್ನ ತೋರಿಸಲು ಬರುತ್ತಿದೆ ಪಾಠಾಶಾಲಾ.. ಮಲ್ನಾಡ್ ನ ಮೂಲದ ಸಿನಿಮಾಗಳು ಹಿಂದೆಯು ಬಂದಿವೆ. ಅವುಗಳು ಮೆಚ್ಚುಗೆಯನ್ನು ಸಹ ಪಡೆದುಕೊಂಡಿದೆ. ಆದರೆ ಇದೀಗ ಟೈಲರ್ ಬಿಟ್ಟಿರುವ ಪಾಠಾಶಾಲಾ ಸಿನಿಮಾ ಟ್ರೈಲರ್ ನ ತುಣಕನಲ್ಲಿಯೇ ಮಲೆನಾಡಿಗರ ಹಸಿ ಹರಟೆಯ ತುಂಟುತನದ ಕಿರುನಗೆಯನ್ನ ತೋರಿಸುತ್ತಿದೆ. ಅಂಟಿಗೆ ಪಿಂಟಿಗೆ ಹಾಡು, ಜಿಟಿ ಜಿಟಿ ಮಳೆ, ತೋಟದ ಕೋವಿ, ಕಾಡು, ಕಾಫಿ, ಕಥೆಗಳನ್ನು ತೆರೆಯ ಮೇಲೆ ತರುವ ಪ್ರಯತ್ನವೇ ನಿರ್ದೇಶಕ ಹೆದ್ದೂರು ಮಂಜುನಾಥ್ ಶೆಟ್ಟಿ ಅವರ ಪಾಠಶಾಲಾ ಚಿತ್ರ.
ಕನ್ನಡ ಚಿತ್ರರಂಗದಲ್ಲಿ ವಿಭಿನ್ನ ಪ್ರಯತ್ನಗಳನ್ನು ಮಾಡುವ ನಿರ್ದೇಶಕರಲ್ಲಿ ಹೆದ್ದೂರು ಮಂಜುನಾಥ್ ಶೆಟ್ಟಿ ಕೂಡ ಒಬ್ಬರು. ಇದೀಗ ಅವರು ಮಲೆನಾಡಿನ ಜನಜೀವನವನ್ನು ಅನಾವರಣಗೊಳಿಸುವ ಪಾಠಶಾಲಾ ಎಂಬ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಚಿತ್ರವು ನವೆಂಬರ್ 28 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲುಸಿದ್ಧವಾಗಿದೆ. ಚಿತ್ರದ ಟ್ರೈಲರ್ ಬಿಡುಗಡೆಯಾಗಿ ಎಲ್ಲೆಡೆ ಸದ್ದು ಮಾಡುತ್ತಿದೆ.
ಟೈಲರ್ ಒಂದು ರೀತಿಯಲ್ಲಿ ಮಲೆನಾಡಿನ ವಿಶೇಷತೆಯನ್ನು ತೋರಿಸುವ ಅಂತರಾಷ್ಟ್ರೀಯ ಪ್ರೋಮೋಥರ ಕಾಣುತ್ತಿದೆ. ತೀರ್ಥಹಳ್ಳಿಯ ಸೇತುವೆ. 90ರ ದಶಕದ ಮಕ್ಕಳು ಸುರಿಯುವ ಮಳೆಯಲ್ಲಿಯು ನಡೆಯುವ ಹೆಣ್ಣಮಕ್ಕಳ ಪಂಚಾಯ್ತಿ. ನೆರೆ ಬಿದ್ದ ನದಿ ನಡದಲ್ಲಿ ಕಂಬಳಿ ಕುಪ್ಪೆ ಹೊತ್ತವರ ಆಟ, ಮಕ್ಕಳಾಟದಿಂದ ಹಿಡಿದು ದೊಡ್ಡವರಾಟದ ವರೆಗೂಟ್ರೈಲರ್ ಒಂದು ಭಾಷೆಯ ಲೈಫ್‌ ಸ್ಟೈಲ್ ಆಗಿ ಕಾಣುತ್ತಿವೆ.
Paatashala Trailer 3.20 ನಿಮಿಷದ ಟೈಲರ್‌ನಲ್ಲಿ ತೀರ್ಥಹಳ್ಳಿಯ ಸುತ್ತಮುತ್ತಲಿನ ಹಸಿರು ಮರಗಳು, ಹರಿವ ಝರಿಗಳು, ಫಾಲ್ಸ್‌ಗಳು ಸೇರಿದಂತೆ ಅನೇಕ ದೃಶ್ಯಗಳನ್ನು ನೈಜವಾಗಿ ಸೆರೆಹಿಡಿಯಲಾಗಿದೆ. ಟೈಲರ್ ಕಾಮಿಡಿಯಿಂದ ಪ್ರಾರಂಭವಾಗಿ, ಅರಣ್ಯಾಧಿಕಾರಿಗಳು ಹಾಗೂ ಸ್ಥಳೀಯ ವ್ಯಕ್ತಿಗಳ ನಡುವಿನ ಸಂಘರ್ಷದಿಂದ ಕೊನೆಗೊಳ್ಳುತ್ತದೆ.
ಅಂಟಿಗೆ ಪಿಂಟಿಗೆಯಿಂದ ಆರಂಭವಾಗುವ ಟೈಲರ್ ಮೊದಲು ಗಂಭೀರ ಎನಿಸಿದರೂ ಆನಂತರ ಕಾಮಿಡಿಗೆ ಶಿಫ್ಟ್ ಆಗುತ್ತದೆ. ಇದರ ನಡುವೆ ಕಾಡು ಹಾಗೂಫಾರೆಸ್ಟ್ನೋರು, ಜನರ ನಡುವಿನ ಸಂಘರ್ಷದ ವಿಟಿ ಅಂತೆನಿಸುತ್ತದೆ. ಇದರ ನಡುವೆ ಟೈಲರ್ ನಲ್ಲಿ ಬಂದು ಹೋಗುವರೆಲ್ಲರನ್ನು ಗುರುತ ಹಿಡಿಬಹುದು, ಇವರು ಇವರಲ್ಲೇನ್ರಿ..ಅದೇ ಕಮ್ಮರಡಿಯವರು, ಕುರುವಳ್ಳಿಯವರು. ಹೀಗೆ ತೀರ್ಥಹಳ್ಳಿಯ ಕಡೆಯವರೆಲ್ಲರೂ ಸಿನಿಮಾದಲ್ಲಿದ್ದಾರಂತೆ..ಎರಡು ಎರಡು ತಿಂಗಳು ಟ್ರೈನಿಂಗ್ ಕೊಟ್ಟು ಸ್ಥಳೀಯರಿಂದಲೇ ಸು ಫ್ರಾಮ್ ಸೋ ಥರ ಆಕ್ಟಿಂಗ್ ಮಾಡಿಸಲಾಗಿದೆಯಂತೆ..
Paatashala Trailer ಸದ್ಯ ಆನಂದ್ ಆಡಿಯೋ ಯೂಟ್ಯೂಬ್ ಚಾನಲ್ ನಲ್ಲಿ ರಿಲೀಸ್ ಆಗಿರುವ ಪಾಠಶಾಲಾ ಟ್ರೈಲರ್ ಒಂದು ಸಲ ನೋಡಿದರೆ, ಮತ್ತೊಮ್ಮೆ ಖಂಡಿತ ನೋಡಬೇಕೆನಿಸುತ್ತದೆ. ಅದರಲ್ಲಿಯು ಮಲೆನಾಡಿನ ಅಪ್ಪಟ ಕನ್ನಡದ ನಾಟಿ ಮಾತುಗಳನ್ನ ಕೇಳಿದ್ದೇಲೆ ಸಿನಿಮಾ ನೋಡದೆ ಸೈ ಅಂತಾ ಹೇಳುವುದರಲ್ಲಿ ಅನುಮಾನವೇ ಇಲ್ಲ. ಉಳದಂತೆ ಈ ಚಿತ್ರಕ್ಕೆ ನಿರ್ದೇಶಕ ಹೆದ್ದೂರು ಮಂಜುನಾಥ್ ಶೆಟ್ಟಿ ಸೇರಿದಂತೆ 8 ಜನಾ ಬಂಡವಾಳ ಹೂಡಿದ್ದಾರೆ. ಚಿತ್ರದಲ್ಲಿ ಶೇಕಡಾ 75ರಷ್ಟು ಸ್ಥಳೀಯ ಕಲಾವಿದರೇ ನಟಿಸಿದ್ದು, ಬಾಲಾಜಿ ಮನೋಹರ್, ಕಿರಣ್, ನಟನಾ ಪ್ರಶಾಂತ್ ಮತ್ತು ಅಯ್ಯನ ಮನೆ ಖ್ಯಾತಿಯ ಅಕ್ಷಯ್ ನಾಯಕ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ನಮ್ಮ ಕುರುವಳ್ಳಿ ನಾಗರಾಜ್ ಕೂಡ ಒಂದ್ ವಿಶೇಷ ಪಾತ್ರದಲ್ಲಿದ್ದಾರೆ. ಹಾಗಾಗಿ ಪಾಠಾಶಾಲಾ ತೀರ್ಥಹಳ್ಳಿ ಕಡೆಯವರ ಸಿನಿಮಾ ಅಂತಾ ಹೇಳ್ತಾ ಹೆಗ್ಗಳಿಕೆಯನ್ನ ಹೆಗಲ್ ಮೇಲೆ ಹಾಕ್ಕೊಂಡು ಓಡಾಡೋಕೆ ಅಡ್ಡಿಯಿಲ್ಲ.
Paatashala Trailer watch malnad special Trailer
ಮಲೆನಾಡು ಟುಡೆ ಡಿಜಿಟಲ್ ನ್ಯೂಸ್ ಮೀಡಿಯಾ ಶಿವಮೊಗ್ಗವನ್ನೂ ಕೇಂದ್ರಿಕರಿಸಿಕೊಂಡು ಸ್ಥಳೀಯ ವಿಷಯಗಳಿಂದ ಸಕಲ ವಿಚಾರಗಳನ್ನು ಜನರಿಗೆ ಮುಟ್ಟಿಸುವ ಮಾಹಿತಿ ಸಂಸ್ಥೆಯಾಗಿದೆ. ನೀವು ನಮ್ಮನ್ನು Facebook whatsapp whatsapp chanel instagram youtube telegram google business malenadu today epaper malenadutoday web ನಲ್ಲಿ ಬೆಂಬಲಿಸಬಹುದು.. ಸಾದ್ಯವಾದಷ್ಟು ನಮ್ಮ ಪ್ರಯತ್ನಕ್ಕೆ ನಿಮ್ಮ ಬೆಂಬಲವನ್ನು ನೀಡಿ..ಇಲ್ಲಿ ನಿಮ್ಮ ಸಹಕಾರವೇ ಮುಖ್ಯ!
