KARNATAKA NEWS/ ONLINE / Malenadu today/ Nov 16, 2023 SHIVAMOGGA NEWS
Shivamogga | Malnenadutoday.com | ನಿನ್ನೆ ಮುಂಬೈನ ಸ್ಟೇಡಿಯಂನಲ್ಲಿ ನಡೆದಿದ್ದು, ಸೆಮಿಫೈನಲ್ ಅಲ್ಲಾ , ಬದಲಾಗಿ ಶಮಿ ಫೈನಲ್ ಎಂದು ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ವರ್ಡ್ ಹರಿದಾಡುತ್ತಿದೆ. ಆದರೆ ಮೊಹಮ್ಮದ್ ಶಮಿ ಎನ್ನುವ ಅದ್ಭುತ ವ್ಯಕ್ತಿ ಮತ್ತೆ ಸಂಕಷ್ಟ , ಟೀಕೆ, ಅವಮಾನ ಎದುರಿಸುವಂತಹ ಒಂದು ಘಟನೆ ನಿನ್ನೆ ನಡೆದಿತ್ತು. ಕಣ್ತಪ್ಪಿನಿಂದ ಕೈತಪ್ಪಿದ ಆ ಒಂದು ತಪ್ಪಿಗೆ ಆತ ದೊಡ್ಡ ಟೀಕೆಯನ್ನು ಎದುರಿಸಬೇಕಾಗಿತ್ತು. ಹಾಗಿದ್ದರೂ ನೋವನ್ನೆ ತಿಂದುಂಡು ಟೀಂ ಇಂಡಿಯಾವನ್ನು ಫೈನಲ್ನ ಮೆಟ್ಟಿಲು ಮುಟ್ಟಿಸಿದ ಶಮಿ..ತನ್ನ ಆಕಸ್ಮಿಕ ತಪ್ಪನ್ನು ಏಳು ವಿಕೆಟ್ನ ಗೊಂಚಲಿನೊಂದಿಗೆ ನಿವಾಳಿಸಿ ಬಿಸಾಡಿಸಿದ್ದಾರೆ..
ಏನದು?
ಕ್ರಿಕೆಟ್ನಲ್ಲಿ ಬ್ಯಾಟ್ಸ್ಮನ್ಗಳ ರೆಕಾರ್ಡ್ಗಳು ಹುಡಿಯಾಗುವುದು ಲೆಕ್ಕವೇ ಅಲ್ಲ..ಏಕೆಂದರೆ ಐವತ್ತು ಓವರ್ಗಳಲ್ಲಿ ಒಬ್ಬ ಆಟಗಾರ ಜೀವಮಾನದ ಸಾಧನೆಗಳನ್ನು ಮಾಡಲು ಸ್ಟೇಡಿಯಂನ ಉದ್ದಗಲದಷ್ಟೆ ಅವಕಾಶಗಳು ಇರುತ್ತದೆ. ಆವುಗಳನ್ನು ದಿಟ್ಟವಾಗಿ ಬಳಸಿಕೊಳ್ಳುವುದೇ ದೊಡ್ಡ ಸಾಧನೆ..
ನಿನ್ನೆಯು ಇಂತಹ ಹಲವು ದಾಖಲೆಗಳು ದ್ವಂಸಗೊಂಡವು..ಕ್ರಿಕೆಟ್ ದೇವರು ಸಚಿನ್ರ ದಾಖಲೆಯನ್ನು ವಿರಾಟ್ ಕೊಹ್ಲಿ ಮೀರಿದ ಮರುಕ್ಷಣ ಇಡೀ ದೇಶ ಕೊಹ್ಲಿಯನ್ನ ಮನಸಾರೆ ಹೊಗಳಿತ್ತು.. ಕ್ರಿಕೆಟ್ ದೇವರ ಮುಂದೆ ಕೊಹ್ಲಿ ತನ್ನ ಸಾಧನೆಯನ್ನು ಇಟ್ಟು ತಲೆಬಾಗಿಸಿದ್ದರು.. ಇನ್ನೊಂದೆಡೆ ಶ್ರೇಯಸ್ ಅಯ್ಯರ್ ಸೆಂಚುರಿಯು ದಾಖಲೆ ಬರೆಯಿತು.
ಆದರೆ ಬ್ಯಾಟ್ಸ್ಮನ್ಗಳಿಗೆ ಇರುವಷ್ಟು ಅವಕಾಶ ಬೌಲರ್ಗಳಿಗೆ ಇರುವುದಿಲ್ಲ. ಸೀಮಿತ ಹತ್ತು ಓವರ್ಗಳಲ್ಲಿಯೇ ತನ್ನೆಲ್ಲಾ ರೆಕಾರ್ಡ್ಗಳನ್ನ ದಾಖಲಿಸಬೇಕು ಒಬ್ಬ ಬೌಲರ್. ಈ ನಡುವೆ ಏನೆ ಹೆಚ್ಚು ಕಮ್ಮಿಯಾದರೂ ಅಲ್ಲಿ ರೆಕಾರ್ಡ್, ರೆಕಾರ್ಡ್ ಆಗದು. ಅಂತಹ ಸನ್ನಿವೇಶದಲ್ಲಿಯೇ ಶಮಿ ನಿರ್ಮಿಸಿದ್ದು ಕೆಜಿಎಫ್ ಸ್ಟೈಲ್ನ ದಾಖಲೆ..
ಯಶ್, ಸಿನಿಮಾದಲ್ಲಿ ಒಂದು ಡೈಲಾಗ್ ಹೊಡೆಯುತ್ತಾರೆ. ನಾನು ಹೊಡೆದವರೆಲ್ಲಾ ಗ್ಯಾಂಗ್ಸ್ಟರ್ಗಳೆ ಎಂಬಂತಹ ಮಾತದು. ನಿನ್ನೆ ಶಮಿಯು ಅಷ್ಟೆ, ಆತ ತೆಗೆದ ವಿಕೆಟ್ಗಳೆಲ್ಲಾ ಕಿವೀಸ್ನ ಹೊಡೆಬಡಿಯ ದಾಂಡಿಗರೇ ಆಗಿದ್ದರು. ಇದರ ನಡುವೆ ಶಮಿಗೆ ಒಂದು ಕ್ಯಾಚ್ ಜೀವಮಾನದ ಕಳಂಕ ತಂದಿಡುವ ಸಾಧ್ಯತೆ ಎದುರಾಗಿತ್ತು.. ನಿರ್ಣಾಯಕ ಪಂದ್ಯದಲ್ಲಿ ಕೈ ಬಿಟ್ಟರು ಕ್ಯಾಚ್ ಎನ್ನುವುದೇ ಸಾಕಾಗಿತ್ತು ಕೆಲಸವಿಲ್ಲದೇ ಕುಳಿತಿರುವ ಟೀಕಾಕಾರರಿಗೆ .. ಆದರೆ ಶಮಿ ಬಾಯ್ ಅದ್ಯಾವುದಕ್ಕೂ ಅವಕಾಶ ನೀಡಲಿಲ್ಲ..
READ :ನಾಳೆಯಿಂದ ಶಿವಮೊಗ್ಗದಲ್ಲಿ ಕ್ರಿಕೆಟ್ ಹಬ್ಬ! Under 15 ಮಹಿಳಾ ಕ್ರಿಕೆಟ್ ಪಂದ್ಯಾವಳಿಯ ವಿವರ ಇಲ್ಲಿದೆ!
28 ಓವರ್ ನ ನಾಲ್ಕನೆ ಬಾಲ್ ಅದು, ಜಸ್ಪ್ರಿತ್ ಬುಮ್ರಾ ಎಸೆದ ಚೆಂಡನ್ನ ನ್ಯೂಜಿಲೆಂಡ್ನ ಆಟಗಾರ ಮೇಲಕ್ಕೆತ್ತಿ ಹೊಡೆದಿದ್ದ. ಆಕಾಶವನ್ನು ಚುಂಬಿಸ್ತಿದ್ದ ಚೆಂಡು ನೇರವಾಗಿ ಮೊಹಮ್ಮದ್ ಶಮಿ ಇದ್ದ ಜಾಗದಲ್ಲಿ ಬೀಳುತ್ತಿತ್ತು. ಅದನ್ನು ಹಿಡಿಯುವ ಬರದಲ್ಲಿ ಶಮಿಯ ಕೈಯಿಂದ ಚೆಂಡು ಜಾರಿ ಕೆಳಕ್ಕೆ ಬಿದ್ದಿತ್ತು. ಇದನ್ನ ನೋಡಿದ ಬುಮ್ರಾ ಮುಖ ಮುಚ್ಚಿಕೊಂಡಿದ್ದರು..
180 ಸ್ಕೋರ್ ಆದರೂ ಕೇವಲ 2 ವಿಕೆಟ್ ಕಳೆದುಕೊಂಡಿದ್ದ ಕಿವೀಸ್ ನಮ್ದೆ ಗೆಲುವು ಅನ್ನುವಷ್ಟರ ಮಟ್ಟಿಗೆ ಪಂದ್ಯವನ್ನ ತನ್ನೆಡೆಗೆ ಸೆಳೆದುಕೊಂಡಿತ್ತು. ವಿಲಿಯಮ್ಸ್ಸನ್ ಹೊಡೆದಿದ್ದ ಬಾಲ್ನ ಕ್ಯಾಚ್ ಡ್ರಾಪ್ ಮಾಡಿದ್ದರು ಶಮಿ. ಇಡೀ ಸ್ಟೇಡಿಯಂ ತೆಗೆದುಕೊಂಡಿದ್ದ ನಿಟ್ಟುಸಿರನ್ನ ….ನೋ…ಎನ್ನುತ್ತಲೇ ಬಿಟ್ಟಿತ್ತು… ಟೀಂ ಇಂಡಿಯಾ ಆಟಗಾರರು ಶಮಿಯನ್ನ ಒಮ್ಮೆ ನೋಡಿ ಮುಖದಲ್ಲಿಯೇ ಬೇಸರ ವ್ಯಕ್ತಪಡಿಸಿದ್ದರು..
ನಿನ್ನೆ ವಾಂಖೆಡೆಯಲ್ಲಿ ಶಮಿ ಏಳರ ಸೇಡು (ದೋನಿ ಜರ್ಸಿ ನಂಬರ್) ತೀರಿಸಿಕೊಳ್ಳದೇ ಹೋಗಿದ್ದರೆ, ಆತನನ್ನು ಟೀಕಾಸ್ವಾಮಿಗಳು ಖಳನಾಯಕನ ಸ್ಥಾನದಲ್ಲಿ ನಿಲ್ಲಿಸುತ್ತಿದ್ದರು. ಆದರೆ ಕಷ್ಟಗಳನ್ನೆ ನುಂಗಿ ನೀರು ಕುಡಿದಿರುವ ಶಮಿಗೆ ಬಿಟ್ಟ ಕ್ಯಾಚ್ ಕೂಡ ಹೊಸ ರೆಕಾರ್ಡ್ಗೆ ದಾರಿ ಮಾಡಿಕೊಟ್ಟಿತ್ತು.
ಕ್ಯಾಚ್ ಬಿಟ್ಟಿದ್ದ ಶಮಿ, ನ್ಯೂಜಿಲೆಂಡ್ನ ಆಟಗಾರರನ್ನ, ಅಕ್ಷರಶಃ ದಾಳಿಕೋರರನ್ನು ಹತ್ತಿಕ್ಕುವ ಹಾಗೆ ಹತ್ತಿಕ್ಕಿದರು. ಆದರೆ ಎದುರಾಳಿಗೆ ಅವಮಾನವಾಗುವಂತೆ ಎಲ್ಲಿಯು ನಡೆದುಕೊಳ್ಳದ ಶಮಿ,, ಜಸ್ಟ್ ತನ್ನ ಮಾಮೂಲಿ ಸಿಗ್ನೇಚರ್ ಸ್ಟೈಲ್ನಲ್ಲಿಯೇ ವಿಕೆಟ್ ತೆಗೆದ ವಿಕ್ಟರಿಯನ್ನ ಸೂಚಿಸಿದ್ದರು. ಅಪಾಯಕಾರಿ ಬ್ಯಾಟ್ಸ್ಮನ್ಗಳನ್ನ ಪೆವಿಲಿಯನ್ಗೆ ಕಳುಹಿಸಿದ ಶಮಿಯ ಬೌಲಿಂಗ್ನಲ್ಲಿ ಟೀಂ ಇಂಡಿಯಾ ಆಟಗಾರರು ಹಾಗೂ ಇಡೀ ಸ್ಟೇಡಿಯಂನ ಜನರು ಹುಚ್ಚೆದ್ದು ಕುಣಿದಿದ್ದರು.
ಅಂದಹಾಗೆ ನಿನ್ನೆ ವಿಕೆಟ್ ಕಿತ್ತು ಹಾರಿಹೋಗುವಂತಹ ರೋಮಾಂಚಕ ಸೌಂಡ್ ಕೇಳಿಬರಲಿಲ್ಲ. ಆದರೆ ರವೀಂದ್ರ ಜಡೇಜಾ ಎಲ್ಲಾದರೂ ಹೊಡೆಯಿರಿ, ಅಲ್ಲಿ ನಾನಿರುವೆ ಅಂತಾ ಕ್ಯಾಚ್ ಹಿಡಿಯುತ್ತಿದ್ರು.. ಆತನಲ್ಲಿ ಅದೇನು ಚಮತ್ಕಾರ ಇದೆಯೋ ಗೊತ್ತಿಲ್ಲ. ಆದರೆ ಗೆಲುವಿನ ಸಾಧನೆಗೆ ಯಾವಾಗಲೂ ಟೀಂ ಇಂಡಿಯಾದ ಮೊದಲ ಮೆಟ್ಟಿಲಾಗುತ್ತಾ ಬಂದಿದ್ದಾನೆ..ಮೊಹಮ್ಮದ್ ಶಮಿಯ ಸಾಧನೆಯ ಕ್ಯಾಚ್ ಹಿಡಿದ ಜಡ್ಡುರದ್ದು ಸಹ ಒಂಥರಾ ರೆಕಾರ್ಡ್…