Instagram reels : ಈ ಹಿಂದೆ ಬಿಗ್ ಬಾಸ್ ಖ್ಯಾತಿಯ ರಜತ್ ಹಾಗೂ ವಿನಯ್ ಲಾಂಗ್ ಹಿಡಿದು ವಿಡಿಯೋ ಮಾಡಿ ಪೇಚಿಗೆ ಸಿಲುಕಿ ಜೈಲಿಗೆ ಹೋಗಿ ಬಂದಿದ್ದರು. ನಂತರ ಆ ಕುರಿತಾಗಿ ಸಾರ್ವಜನಿಕವಾಗಿ ಕ್ಷಮೆಯನ್ನೂ ಸಹ ಕೇಳಿದ್ದರು. ಇದರ ನಡುವೆ ಇದೀಗ ಶಿವಮೊಗ್ಗದಲ್ಲಿ ಕೆಲ ಯುವಕರು ಲಾಂಗ್ ಹಿಡಿದು ವಿಡಿಯೋ ಮಾಡಿ ಇನ್ಸ್ಟಾಗ್ರಾಮ್ ನಲ್ಲಿ ಅಪ್ಲೋಡ್ ಮಾಡಿದ್ದು ಇದೀಗ ಪೊಲೀಸರ ಅಥಿತಿಯಾಗಿದ್ದಾರೆ. ಈ ವಿಡಿಯೋ ಮಾಡಿದ ಅರೋಪಿಗಳ ವಿರುದ್ದ ಶಿವಮೊಗ್ಗ ದೊಡ್ಡಪೇಟೆ ಪೊಲೀಸರು ಸುಮೊಟೋ ಕೇಸ್ ದಾಖಲಿಸಿಕೊಂಡಿದ್ದಾರೆ.
Instagram reels : ಎಫ್ಐಆರ್ ನಲ್ಲಿ ಏನಿದೆ
ಏಪ್ರಿಲ್ 22 ಪೊಲೀಸರು ಇನ್ಸ್ಟಾಗ್ರಾಮ್ ಪರಿಶೀಲಿಸುತ್ತಿದ್ದಾಗ ಯುವಕನೊಬ್ಬ ಆತನ ಇನ್ಸ್ಟಾಗ್ರಾಮ್ ಅಕೌಂಟ್ನಲ್ಲಿ ಲಾಂಗ್ ಹಿಡಿದುಕೊಂಡಿರುವ ವಿಡಿಯೋ ಒಂದನ್ನ ಅಪ್ಲೋಡ್ ಮಾಡಿದ್ದರು. ಆ ವಿಡಿಯೋದಲ್ಲಿ 5 ರಿಂದ 6 ಜನ ಹುಡುಗರು ಲಾಂಗ್ ಹಿಡಿದು ಮಾರುತಿ ಒಮಿನಿ ಕಾರಿನಿಂದ ಇಳಿದು ಇತರರಿಗೆ ಬೆದರಿಕೆ ಹಾಕುವಂತಹ ಮಾದರಿಯ ದೃಷ್ಯಗಳಿದ್ದವು. 20 ಸೆಕೆಂಡ್ನ ಈ ರೀಲ್ಸ್ ಪೋಸ್ಟ್ನ್ನು ಆಧರಿಸಿ ಪೊಲೀಸರು ಸುಮೋಟೋ ಕೇಸ್ ದಾಖಲಿಸಿದ್ದಾರೆ. ಅಲ್ಲದೆ ಈ ಸಂಬಂಧ ಓರ್ವ ಆರೋಪಿಯನ್ನು ಅರೆಸ್ಟ್ ಕೂಡ ಮಾಡಿದ್ದಾರೆ.
