indian railway news ಮೈಸೂರು ತಾಳಗೊಪ್ಪ, ಮೈಸೂರು ಶಿವಮೊಗ್ಗ ಟೌನ್, ಸೇರಿದಂತೆ ಇತರೆ ರೈಲುಗಳ ಪ್ರಮುಖ ಅಪ್ಡೇಟ್ | ಏನದು
ಇತ್ತೀಚೆಗೆ ಹಬ್ಬನಗಟ್ಟ ಮತ್ತು ಅರಸೀಕೆರೆ ನಡುವಿನ ರೈಲು ಮಾರ್ಗದಲ್ಲಿ ಬ್ಲಾಕ್ ಮತ್ತು ನಿರ್ವಹಣಾ ಕಾರ್ಯಗಳನ್ನು ಕೈಗೊಳ್ಳಲಾಗಿದ್ದರಿಂದ ಹಲವು ರೈಲು ಸೇವೆಗಳಲ್ಲಿ ವ್ಯತ್ಯಯ ಉಂಟಾಗಿತ್ತು. ಈ ಅವಧಿಯಲ್ಲಿ ಕೆಲವು ರೈಲುಗಳನ್ನು ರದ್ದುಪಡಿಸಲಾಗಿತ್ತು, ಇನ್ನು ಕೆಲವು ಸೇವೆಗಳು ಭಾಗಶಃ ರದ್ದುಗೊಂಡಿದ್ದವು ಮತ್ತು ಇನ್ನು ಕೆಲವು ನಿಯಂತ್ರಿತ ವೇಳಾಪಟ್ಟಿಯೊಂದಿಗೆ ಸಂಚರಿಸುತ್ತಿದ್ದವು.ಆದರೆ, ಇದೀಗ ಈ ಎಲ್ಲಾ ತಾತ್ಕಾಲಿಕ ಅಡಚಣೆಗಳು ಕೊನೆಗೊಂಡಿದ್ದು, ರೈಲು ಸೇವೆಗಳು ಎಂದಿನಂತೆ ಮರುಚಾಲನೆಗೊಳ್ಳಲಿವೆ ಎಂದು ನೈಋತ್ಯ ರೈಲ್ವೆ ಇಲಾಖೆ ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದೆ.
ರೈಲು ಸಂಖ್ಯೆ 56267 (ಅರಸೀಕೆರೆ – ಮೈಸೂರು ಪ್ಯಾಸೆಂಜರ್): ಈ ರೈಲು ಮೇ 10 ರಿಂದಲೇ ತನ್ನ ನಿಯಮಿತ ಸಮಯದಲ್ಲಿ ನಿಗದಿತ ಮಾರ್ಗದಲ್ಲಿ ಸಂಚರಿಸಲು ಪ್ರಾರಂಭಿಸಿದೆ.
ರೈಲು ಸಂಖ್ಯೆ 16206 (ಮೈಸೂರು – ತಾಳಗುಪ್ಪ ಎಕ್ಸ್‌ಪ್ರೆಸ್): ಈ ರೈಲು ಸಹ ಮೇ 10 ರ ಪ್ರಯಾಣದಿಂದ ಇನ್ನು ಮುಂದೆ ಪೂರ್ಣ ಪ್ರಮಾಣದಲ್ಲಿ ಕಾರ್ಯನಿರ್ವಹಿಸಲಿದೆ.
ರೈಲು ಸಂಖ್ಯೆ 16205 (ತಾಳಗುಪ್ಪ – ಮೈಸೂರು ಎಕ್ಸ್‌ಪ್ರೆಸ್): ಈ ರೈಲು ಕೂಡ ಮೇ 10 ರಿಂದ ಮತ್ತೆ ನಿಗದಿತ ವೇಳೆಯಲ್ಲಿ ಸಂಚರಿಸಲು ಸಿದ್ಧವಾಗಿದೆ.
ರೈಲು ಸಂಖ್ಯೆ 16225 (ಮೈಸೂರು – ಶಿವಮೊಗ್ಗ ಟೌನ್ ಎಕ್ಸ್‌ಪ್ರೆಸ್): ಈ ರೈಲನ್ನು ಮೊದಲಿಗೆ ಮೈಸೂರು – ಅರಸೀಕೆರೆ ನಡುವೆ ಭಾಗಶಃ ರದ್ದುಪಡಿಸಲಾಗಿತ್ತು. ಈಗ ಇದು ಸಂಪೂರ್ಣ ಮಾರ್ಗದಲ್ಲಿ ಓಡಾಡಲಿದ್ದು, ಪ್ರಯಾಣಿಕರಿಗೆ ಲಭ್ಯವಿರುತ್ತದೆ.
ರೈಲು ಸಂಖ್ಯೆ 56266 (ಮೈಸೂರು – ಅರಸೀಕೆರೆ ಪ್ಯಾಸೆಂಜರ್): ಈ ರೈಲು ಮೊದಲು ಮಧ್ಯಮಾರ್ಗದಲ್ಲಿ ನಿಯಂತ್ರಿತಗೊಳ್ಳುತ್ತಿತ್ತು, ಆದರೆ ಇದೀಗ ಇದು ಪೂರ್ಣ ಪ್ರಮಾಣದಲ್ಲಿ ನಿಗದಿತ ಸಮಯದಲ್ಲಿ ಓಡಾಡಲಿದೆ.
indian railway news ಈ ಪ್ರಕಟಣೆಯಿಂದಾಗಿ ಪ್ರಯಾಣಿಕರಿಗೆ, ವಿಶೇಷವಾಗಿ ಶಿವಮೊಗ್ಗ ಜಿಲ್ಲೆಗೆ ಪ್ರಯಾಣಿಸುವವರಿಗೆ, ಭಾರಿ ಅನುಕೂಲವಾಗಿದ್ದು, ರೈಲು ಸಂಚಾರದಲ್ಲಿನ ಅಡೆತಡೆಗಳು ನಿವಾರಣೆಯಾಗಿವೆ.
