ಶಿವಮೊಗ್ಗದಲ್ಲಿ ಸದ್ಯ ಶಿಕಾರಿಪುರ, ಸಾಗರ, ತೀರ್ಥಹಳ್ಳಿ, ಭದ್ರಾವತಿ, ಶಿವಮೊಗ್ಗ ಪೊಲೀಸ್ ಉಪವಿಭಾಗಗಳು ಹಾಗೂ ಡಿಎಅರ್ ಉಪವಿಭಾಗಗಳು ಕಾರ್ಯ ನಿರ್ವಹಿಸುತ್ತಿವೆ. ಇದರ ಬೆನ್ನಲ್ಲೆ ಶಿವಮೊಗ್ಗ ಜಿಲ್ಲೆಗೆ ಮತ್ತೊಂದು ಸಬ್ ಡಿವಿಜನ್ ಜಾರಿಯಾಗಿದೆ.
ಇದನ್ನು ನೋಡಿ : ಅಯ್ಯಪ್ಪನ ಸನ್ನಿಧಿ ಶಬರಿಮಲೆಯಲ್ಲಿ ರಶ್ ಹೇಗಿದೆ ಗೊತ್ತಾ/ ವಿಡಿಯೋ ನೋಡಿ
ಹೌದು ಶಿವಮೊಗ್ಗ ಪೊಲೀಸ್ ಉಪವಿಭಾಗವನ್ನ ಇಬ್ಬಾಗ ಮಾಡಲಾಗುತ್ತಿದೆ. ಈ ಪೈಕಿ ಕುಂಸಿ, ಶಿವಮೊಗ್ಗ ಗ್ರಾಮಾಂತರ ಮತ್ತು ತುಂಗಾನಗರ ಮತ್ತು ಹೊಳೆಹೊನ್ನೂರು ಪೊಲೀಸ್ ಸ್ಟೇಷನ್ಗಳನ್ನು ಒಳಗೊಂಡಂತೆ ಹೊಸದೊಂದು ಉಪವಿಭಾಗ ರಚನೆಯಾಗಲಿದೆ.
ಉಪವಿಭಾಗದಿಂದ ಲಾಭವೇನು?
ಶಿವಮೊಗ್ಗದಲ್ಲಿ ಒಂದೇ ಉಪವಿಭಾಗ ಇದ್ದಿದ್ದರಿಂದ ಓರ್ವ ಡಿವೈಎಸ್ಪಿ ಇಡೀ ಉಪವಿಭಾಗವನ್ನು ನೋಡಿಕೊಳ್ಳಬೇಕಿತ್ತು. ಪ್ರತಿಯೊಂದನ್ನ ಮೇಲ್ವಿಚಾರಣೆ ಮಾಡುವುದು ಕಷ್ಟವಾಗುತ್ತಿತ್ತು. ವಿಸ್ತೃತ ಮತ್ತು ಹೆಚ್ಚುತ್ತಿದ್ದ ಕ್ರೈಂಗಳು ಈ ಉಪವಿಭಾಗದ ಕೆಲಸ ನಿರ್ವಹಣೆಗೆ ಅಡ್ಡಿಯಾಗುತ್ತಿತ್ತು. ಈ ಹಿನ್ನೆಲೆಯಲ್ಲಿ ಉಪವಿಭಾಗವನ್ನು ಇಬ್ಬಾಗ ಮಾಡಿ ಸರಾಗ ಕಾನೂನು ಸುವ್ಯವಸ್ಥೆ ನಿರ್ವಹಣೆಗೆ ಅನುಕೂಲ ಮಾಡಿಕೊಡಬೇಕು ಎಂಬ ಮಾತುಗಳು ಕೇಳಿಬಂದಿತ್ತು. ಈ ಹಿನ್ನೆಲೆಯಲ್ಲಿ ಇದೀಗ ಸರ್ಕಾರ ಶಿವಮೊಗ್ಗ ಉಪವಿಭಾಗ-2 ಜಾರಿ ಮಾಡಲಾಗಿದೆ
ಇದನ್ನು ನೋಡಿ : ಶಿವಮೊಗ್ಗದಲ್ಲಿ ಮಾಂಡೌಸ್ ಚಂಡಮಾರುತದ ಎಫೆಕ್ಟ್ ಹೇಗಿದೆ ಗೊತ್ತಾ? ವಿಡಿಯೋ ನೋಡಿ
ಈ ಸಂಬಂಧ ಕರ್ನಾಟಕ ಸರ್ಕಾರದ ನಡಾವಳಿಗಳಲ್ಲಿ ಭ್ರಷ್ಟಾಚಾರ ನಿಗ್ರಹ ದಳಕ್ಕೆ ಮಂಜೂರಾಗಿರುವ ಹುದ್ದೆಗಳನ್ನು ಬಳಸಿಕೊಂಡು, ಹೊಸದಾಗಿ ಪೊಲೀಸ್ ಉಪ-ವಿಭಾಗ ಮತ್ತು ಸಂಚಾರಿ ಪೊಲೀಸ್ ಠಾಣೆಯನ್ನು ಸೃಜಿಸುವ ಕುರಿತು ಆದೇಶ ಎಂಬ ವಿಷಯದಡಿಯಲ್ಲಿ ಹೇಳಲಾಗಿದೆ. ಮತ್ತು ತತ್ಸಂಬಂಧ ಆದೇಶ ಜಾರಿಯನ್ನು ಮಾಡಲಾಗಿದೆ.
ಇನ್ನಷ್ಟು ಸುದ್ದಿಗಳಿಗಾಗಿ : ನಮ್ಮ ವಾಟ್ಸ್ಯಾಪ್ ಗ್ರೂಪ್ಗೆ ಕ್ಲಿಕ್ ಮಾಡಿ : Whatsapp link