KARNATAKA NEWS / ONLINE / Malenadu today/ Nov 18, 2023 SHIVAMOGGA NEWS
Shivamogga | Malnenadutoday.com | ಶಿವಮೊಗ್ಗದ ಪ್ರತಿಷ್ಟಿತ ಬ್ಯಾಂಕ್ ಫೇಕ್ ಗೋಲ್ಡ್ ಗ್ಯಾಂಗ್ವೊಂದು ಮೋಸ ಮಾಡಿದ ಪ್ರಕರಣದ ಬಗ್ಗೆ ಶಿವಮೊಗ್ಗದ ದೊಡ್ಡಪೇಟೆ ಪೊಲೀಸ್ ಸ್ಟೇಷನ್ ನಲ್ಲಿ ಕೇಸ್ ದಾಖಲಾಗಿತ್ತು, ಐಪಿಸಿ ಸೆಕ್ಷನ್ IPC 1860 (U/s-420,34) ಅಡಿಯಲ್ಲಿ ದಾಖಲಾಗಿರುವ ಕೇಸ್ನಲ್ಲಿ ಇಬ್ಬರು ಲೇಡಿಸ್ ಸೇರಿದಂತೆ ಆರು ಮಂದಿ ವಿರುದ್ಧ ಕೇಸ್ ದರ್ಜ್ ಆಗಿತ್ತು. ಈ ಪ್ರಕರಣದ ಮತ್ತಷ್ಟು ವಿವರ ಇಲ್ಲಿದೆ
ಮಲವಗೊಪ್ಪ ಗ್ರಾಮದಲ್ಲಿರುವ ಪ್ರತಿಷ್ಟಿತ ಬ್ಯಾಂಕ್ನಲ್ಲಿ ಫೇಕ್ ಗೋಲ್ಡ್ ಗ್ಯಾಂಗ್ ಆರೋಪಿಗಳು ಬರೋಬ್ಬರಿ 18 ಅಕೌಂಟ್ಗಳ ಮೂಲಕ ನಕಲಿ ಚಿನ್ನವನ್ನು ಅಡವಿಟ್ಟು ಸರಿಸುಮಾರು 80 ಲಕ್ಷ ರೂಪಾಯಿ ಸಾಲ ಪಡೆದಿರುವ ಬಗ್ಗೆ ಮಾಹಿತಿ ಲಭ್ಯವಾಗಿದೆ. ಈ ಆರೋಪಿಗಳ ಪೈಕಿ ಬ್ಯಾಂಕ್ನ ಅಧಿಕೃತ ಚಿನ್ನ ಪರೀಕ್ಷಕ ಕೂಡ ಒಬ್ಬನಾಗಿದ್ದ.
ಪ್ರಕರಣ ಪತ್ತೆಯಾಗಿದ್ದು ಹೇಗೆ?
ಫೇಕ್ ಗ್ಯಾಂಗ್ ಚಿನ್ನದ ಅಡಮಾನದ ಸಂಬಂಧ ಮತ್ತೆ ಸಾಲ ಕೇಳಲು ಬ್ಯಾಂಕ್ಗೆ ಬಂದಿದ್ದಾರೆ. ಈ ವೇಳೆ ಅಲ್ಲಿ ಬೇರೊಬ್ಬ ಚಿನ್ನ ಪರೀಕ್ಷಕ ಗ್ಯಾಂಗ್ನ ಚಿನ್ನ ಪರೀಕ್ಷೆ ಮಾಡಲು ಮುಂದಾಗಿದ್ದಾರೆ. ಆ ಸಂದರ್ಭದಲ್ಲಿ ಫೇಕ್ ಗ್ಯಾಂಗ್ ನೀಡಿರುವುದು ಅಸಲಿಯಲ್ಲ ನಕಲಿ ಚಿನ್ನ ಎಂಬುದು ಗೊತ್ತಾಗಿದೆ. ಅನುಮಾನ ಬಂದ ಫೇಕ್ ಗ್ಯಾಂಗ್ ಈ ಹಿಂದೆ ನೀಡಿದ ಎಲ್ಲಾ ಚಿನ್ನಗಳನ್ನು ಪರೀಕ್ಷೆಗೆ ಒಳಪಡಿಸಿದಾಗ, ಅಡಮಾನಕ್ಕಿಟ್ಟಿರುವುದು ನಕಲಿ ಚಿನ್ನ ಎಂಬುದು ಗೊತ್ತಾಗಿದೆ.
ಈ ಸಂಬಂಧ ಅಲರ್ಟ್ ಆದ ಬ್ಯಾಂಕ್ ಸಿಬ್ಬಂದಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಅಸಲಿಗೆ ಮತ್ತೆ ಲೋನ್ ಕೇಳಲು ಬಂದ ಗ್ಯಾಂಗ್ಗೆ ಹರೀಶ್ ಇದ್ದಿದ್ದರೇ ಸಮಸ್ಯೆಯಾಗುತ್ತಿರಲಿಲ್ಲ. ಆದರೆ ಚಿನ್ನದ ಪರೀಕ್ಷೆಯನ್ನು ಬೇರೊಬ್ಬರಿಂದ ನಡೆಸಿದ್ದ ಬ್ಯಾಂಕ್ ಸಿಬ್ಬಂದಿಯಿಂದ ಕೃತ್ಯ ಬಯಲಾಗಿದೆ. ಇಲ್ಲವಾದರೆ ಮತ್ತೆ ಕೋಟಿಗಟ್ಟಲೇ ಹಣ ಗ್ಯಾಂಗ್ನ ಪಾಲಾಗುತ್ತಿತ್ತು.