ಉಡುಪಿಯಿಂದ ಬಂದು ಹಾವೇರಿಗೆ ಹೊರಟಿದ್ದ ದಂಪತಿಗೆ ಕಾದಿತ್ತು ಶಾಕ್! / ಶಿವಮೊಗ್ಗ ಬಸ್ ನಿಲ್ದಾಣದಲ್ಲಿ ಕಳುವಾಯ್ತು ಒಂದುವರೆ ಲಕ್ಷ ಮೌಲ್ಯದ ಚಿನ್ನ& ದುಡ್ಡು

A couple who had come from Udupi and were on their way to Haveri were in for a shock! Gold worth Rs 1.5 lakh stolen from Shimoga bus stand

Apr 7, 2023 - 20:15

ಶಿವಮೊಗ್ಗ ನಗರ ದ ಕೆಎಸ್ಆರ್ಟಿಸಿ ಬಸ್ ನಿಲ್ದಾಣ ಮತ್ತೆ ಕಳವು ಪ್ರಕರಣದಿಂದಾಗಿ ಸುದ್ದಿಯಲ್ಲಿದೆ. ಈ ಸಲ ಬಸ್ ನಿಲ್ಧಾಣದಲ್ಲಿ ಸುಮಾರು ಒಂದುವರೆ ಲಕ್ಷ ಮೌಲ್ಯ ನಗದು ಹಾಗೂ ಆಭರಣ ಕಳ್ಳತನವಾಗಿದೆ.

ಏನಾಯ್ತು!

ಏಪ್ರಿಲ್ ಮೂರರಂದು ನಡೆದ ಘಟನೆ ಸಂಬಂಧ ದಿನಾಂಕ: 06-04-2023 ರಂದು ಸಂಜೆ 04 ಗಂಟೆಗೆ ದೊಡ್ಡಪೇಟೆ ಪೊಲೀಸ್ ಸ್ಟೇಷನ್ನಲ್ಲಿ ದೂರು ದಾಖಲಾಗಿದೆ. ಠಾಣೆಯಲ್ಲಿ ದಾಖಲಾಗಿರುವ ದೂರಿನ ಪ್ರಕಾರ, ಹಾವೇರಿ ಜಿಲ್ಲೆಯ ಹಿರೇಕೆರೂರು ತಾಲೂಕಿನ ಹಂಸಭಾವಿ ಗ್ರಾಮದ ಪದ್ಮಾವತಿ ಮತ್ತು ಮುರುಳೀಧರ್ ರಾವ್ ದಂಪತಿ ಉಡುಪಿಯಿಂದ ವಾಪಸ್ ಆಗುತ್ತಿದ್ದರು.

ಪೂಜಾ ಕಾರ್ಯಕ್ರಮಕ್ಕೆ ಉಡುಪಿಗೆ ಹೋಗಿದ್ದ ದಂಪತಿ, ಶಿವಮೊಗ್ಗಕ್ಕೆ ಬಂದು ಇಲ್ಲಿಂದ ಹಾವೇರಿಗೆ ಹೋಗುವವರಿದ್ದರು. ಹೀಗಾಗಿ ಉಡುಪಿಯಿಂದ ಖಾಸಗಿ ಬಸ್ಸಿನಲ್ಲಿ ಶಿವಮೊಗ್ಯಕ್ಕೆ ಬೆಳಗ್ಗೆ ಬಂದ ದಂಪತಿ, ಶಿವಮೊಗ್ಗದಲ್ಲಿ ಕೆ.ಎಸ್‌.ಆರ್.ಟಿ.ಸಿ ಬಸ್ ನಿಲ್ದಾಣದಲ್ಲಿ ಹಂಸಬಾವಿಗೆ ಹೋಗುವ ಬಸ್ನ್ನ ಏರಿ ಕುಳಿತಿದ್ದಾರೆ.

ಈ ವೇಳೆ ಟಿಕೆಟ್ ಮಾಡಿಸಲು ಪದ್ಮಾರವರು ವ್ಯಾನಿಟಿ ಬ್ಯಾಗ್ ಗೆ ಕೈ ಹಾಕಿದರೆ, ಅದರಲ್ಲಿದ್ದ ಹಣ ಮತ್ತು ಒಡವೆ ಇದ್ದ ಪರ್ಸ್ ಕಾಣೆಯಾಗಿತ್ತು. ಅಲ್ಲಿದ್ದವರನ್ನೆಲ್ಲಾ ವಿಚಾರಿಸಿದರೂ ಯಾವೊಂದು ಮಾಹಿತಿ ಸಿಗದ ಹಿನ್ನೆಲೆಯಲ್ಲಿ ಪೊಲೀಸರಿಗೆ ದೂರು ನೀಡಿದ್ದಾರೆ.

ಕಳವಾಗಿದ್ದು ಏನು?

ಕಳುವಾಗಿದ್ದ ಪರ್ಸನಲ್ಲಿದ್ದ ಬಂಗಾರದ ಸರವಿದ್ದು ಸುಮಾರು 33 ಗ್ರಾಂ ಇದ್ದು ಅಂದಾಜು ಬೆಲೆ 132000/- ರೂ ಗಳಾಗಬಹುದು. ಇನ್ನೂ ವ್ಯಾನಿಟಿ ಬ್ಯಾಗ್ ನಲ್ಲಿ 15 ಸಾವಿರ ರೂ ಕ್ಯಾಶ್ ಇತ್ತು.