MALENADUTODAY.COM | SHIVAMOGGA | #KANNADANEWSWEB
ಶಿವಮೊಗ್ಗ ವಿಮಾನ ನಿಲ್ದಾಣದಲ್ಲಿ ನಿನ್ನೆ ಏರ್ಫೋರ್ಸ್ನ ಮತ್ತೊಂದು ವಿಮಾನ ಲ್ಯಾಂಡ್ ಆಗಿದೆ. ಮೊದಲು ಸಲ ಬಂದಿಳಿದಿದ್ದ ವಿಮಾನಕ್ಕಿಂತಲೂ ಈ ವಿಮಾನ ಇನ್ನಷ್ಟು ಅತ್ಯಾದುನಿಕ ಹಾಗೂ ಹೈ ಸೆಕ್ಯುರಿಟಿ ವಿಮಾನವಾಗಿತ್ತು. ಇನ್ನೊಂದು ವಿಶೇಷ ಅಂದರೆ, Shivamogga Airportಗೆ ನಿನ್ನೆ ಬಂದಿಳಿದ ವಿಮಾನದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭದ್ರತಾ ಪಡೆಯ ಮೊದಲ ತಂಡ ಆಗಮಿಸಿದೆ
READ : ತೀರ್ಥಹಳ್ಳಿ ರಸ್ತೆಯಲ್ಲಿ ಪಲ್ಟಿಯಾಗಿ ಉಲ್ಟಾ ನಿಂತ ಮಾರುತಿ 800 ಕಾರು
ಸ್ಪೆಷಲ್ ಪ್ರೊಟೆಕ್ಷನ್ ಗ್ರೂಪ್ (SPG) ತಂಡ ಶಿವಮೊಗ್ಗ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದು, ಏರ್ಫೋರ್ಟ್ನಲ್ಲಿ ಇದೇ 27 ರಂದು ನಡೆಯಲಿರುವ ಕಾರ್ಯಕ್ರಮಗಳ ಭದ್ರತೆಯನ್ನು ನೋಡಿಕೊಳ್ಳಲಿದೆ. ಮೂಲಗಳ ಪ್ರಕಾರ, ಏರ್ಫೋರ್ಸ್ ಕ್ಯಾರಿಯರ್ ವಿಮಾನದಲ್ಲಿ ದೆಹಲಿಯಿಂದ ಬಂದ ಎಸ್ಪಿಜಿ ಟೀಂನೊಂದಿಗೆ ನಾಲ್ಕು ವಿಶೇಷ ಕಾರುಗಳು ಸಹ ಬಂದಿದೆ.
ಈ ತಂಡ ಪ್ರಧಾನಿ ಬಂದು ಬೆಳಗಾವಿಗೆ ಹೋಗುವರೆಗೂ ಏರ್ಫೋರ್ಟ್ ಹಾಗೂ ಕಾರ್ಯಕ್ರಮ ನಡೆಯಲಿರುವ ಸುತ್ತಮುತ್ತಲಿನ ಪ್ರದೇಶದ ಭದ್ರತೆಯನ್ನು ಕೈಗೊಳ್ಳಲಿದೆ. ಈ ಟೀಂಗೆ ಶಿವಮೊಗ್ಗ ಜಿಲ್ಲಾಡಳಿತ ಹಾಗೂ ಶಿವಮೊಗ್ಗ ಪೊಲೀಸ್ ಇಲಾಖೆ ಸಾಥ್ ನೀಡಲಿದೆ.