ಆನಂದಪುರದ ಸಮೀಪ ಕಾಡಾನೆಗಳ ಓಡಾಟ | ವಿಡಿಯೋಗಾಗಿ ಈ ಸಾಹಸ ಮಾಡಲೇಬೇಡಿ

SHIVAMOGGA | MALENADUTODAY NEWS | ಮಲೆನಾಡು ಟುಡೆ Dec 27, 2024 ‌‌ 

ಶಿವಮೊಗ್ಗದ ಪುರದಾಳು ಭಾಗದಲ್ಲಿ ಕಾಣಿಸಿಕೊಂಡಿದ್ದ ಕಾಡಾನೆಗಳು ಕಳೆದ ಮೂರು ನಾಲ್ಕು ದಿನಗಳಿಂದ ಚೋರಡಿ ತುಪ್ಪೂರು ಭಾಗದಲ್ಲಿ ಓಡಾಡುತ್ತಿದೆ. ಈ ನಡುವೆ ಆನಂದಪುರದ ಲಕ್ಕವಳ್ಳಿ ಹಾಗೂ ಮೂಡಗಲು ಗ್ರಾಮದಲ್ಲಿ ಕಾಡಾನೆಗಳು ರೈತರ ಹೊಲಗಳಲ್ಲಿ ಓಡಾಡುತ್ತಿರುವ ದೃಶ್ಯವೊಂದು ಸ್ಥಳೀಯರ ಮೊಬೈಲ್‌ ಕ್ಯಾಮರಾಗಳಲ್ಲಿ ಸೆರೆಯಾಗಿದೆ. 

ಎರಡು ಕಾಡಾನೆಗಳು ಮರಿಯೊಂದಿಗೆ ಲಕ್ಕವಳ್ಳಿ ಗ್ರಾಮದ ಕಡೆ ತೆರಳುತ್ತಿದ್ದ ದೃಶ್ಯವನ್ನು , ತೋಟಕ್ಕೆ ನೀರು ಹರಿಸಲು ಹೋದವರು ತಮ್ಮ ಮೊಬೈಲ್‌ಗಳಲ್ಲಿ ಸೆರೆ ಹಿಡಿದಿದ್ದಾರೆ. 

ಇಲ್ಲಿನ ನಿವಾಸಿ ಲಕ್ಷ್ಮಣಪ್ಪ ಎಂಬವರ ಮನೆಯ ಮುಂದೆ ಕಾಡಾನೆಗಳು ಹಾದು ಹೋಗಿರುವುದು ಸ್ಥಳೀಯರಲ್ಲಿ ಇನ್ನಷ್ಟು ಆತಂಕಕ್ಕೆ ಕಾರಣವಾಗಿದ್ದು, ಕಾಡಾನೆಯನ್ನು ದೂರ ಓಡಿಸುವಂತೆ ಅರಣ್ಯ ಸಿಬ್ಬಂದಿಯ ಬಳಿ ಮನವಿ ಮಾಡಿದ್ದಾರೆ. ಈ ನಡುವೆ ಆನೆಗಳ ವಿಡಿಯೋ ಮಾಡಲು ಯುವಕರು ಅವುಗಳ ಹತ್ತಿರ ಹೋಗುತ್ತಿರುವ ದೃಶ್ಯಗಳು ಮೊಬೈಲ್‌ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಈ ರೀತಿ ತಪ್ಪು ಮಾಡಬೇಡಿ, ಅಪಾಯದ ಸಂದರ್ಭದಲ್ಲಿ ಕಾಡಾನೆಗಳು ಮಾರಕವಾಗಿ ಪ್ರತಿಕ್ರಿಯಿಸುವ ಸಾಧ್ಯತೆ ಇರುತ್ತದೆ. ಹಾಗಾಗಿ ಎಚ್ಚರವಹಿಸುವಂತೆ ಅರಣ್ಯ ಇಲಾಖೆ ತಿಳಿಸಿದೆ

SUMMARY | group of wild elephants roaming around near Anandpur in Sagar taluk of Shimoga district was captured on a mobile camera.

KEY WORDS |  a group of wild elephants roaming, Anandpura , Sagar taluk , Shimoga district  mobile camera.