karnataka state police : ಪೊಲೀಸ್ ಇಲಾಖೆಯಿಂದ ಡ್ರಗ್ ಫ್ರೀ ಕರ್ನಾಟಕ ಆ್ಯಪ್ ಲಾಂಚ್ | ಏನಿದರ ವಿಶೇಷತೆ
karnataka state police : ರಾಜ್ಯಾಧ್ಯಂತ ಅನೇಕ ಪ್ರದೇಶಗಳಲ್ಲಿ ಮಾದಕ ವಸ್ತುಗಳ ಸೇವನೆ ಹಾಗೂ ಮಾರಾಟ ಹೆಚ್ಚುತ್ತಲೇ ಇದೆ. ಈ ಹಿನ್ನೆಲೆ ಪೊಲೀಸರು ಅನೇಕ ಕಠಿಣ ಕಾನೂನು ಕ್ರಮಗಳನ್ನು ಕೈಗೊಂಡರೂ ಸಹ ಇಂತಹ ಅನೈತಿಕ ಘಟನೆಗಳಿಗೆ ಕಡಿವಾಣ ಹಾಕವು ಕಷ್ಟಸಾಧ್ಯವಾಗಿದೆ. ಇದರ ನಡುವೆ ಕರ್ನಾಟಕ ಪೊಲೀಸ್ ಇಲಾಖೆಯು ಇದೀಗ ಡ್ರಗ್ ಫ್ರೀ ಕರ್ನಾಟಕ ಎಂಬ ಆ್ಯಪ್ ಅಭಿವೃದ್ದಿ ಪಡಿಸಿ ಲಾಂಚ್ ಮಾಡಿದೆ. ಈ ಆ್ಯಪ್ನ ಮೂಲಕ ಸಾರ್ವಜನಿಕರು ತಮ್ಮ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ನಡೆಯುತ್ತಿರುವ ಮಾದಕ ವಸ್ತುಗಳ ಮಾರಾಟ ಸೇರಿದಂತೆ ಇತರ ಅನೈತಿಕ ಚಟುವಟಿಕೆಗಳ ಬಗ್ಗೆ ಗೌಪ್ಯವಾಗಿ ದೂರನ್ನು ನೀಡಬಹುದಾಗಿದೆ.
ಗೂಗಲ್ ಪ್ಲೇಸ್ಟೋರ್ಗೆ ಹೋಗಿ ಡ್ರಗ್ ಫ್ರೀ ಕರ್ನಾಟಕ ಎಂದು ಸರ್ಚ್ ಮಾಡಿದರೆ ಆ್ಯಪ್ ಸಿಗುತ್ತದೆ. ನಂತರ ಅದನ್ನು ಡೌನ್ಲೋಡ್ ಮಾಡಿ ಸಾರ್ವಜನಿಕರು ತಮ್ಮ ಸುತ್ತಮುತ್ತಲು ನಡೆಯುತ್ತಿರುವ ಅನೈತಿಕ ಚಟುವಟಿಕೆಗಳ ಬಗ್ಗೆ ಅದರಲ್ಲಿ ದೂರನ್ನು ನೀಡಬಹುದು. ದೂರನ್ನು ಪರಿಶೀಲಿಸಿದ ಪೊಲೀಸರು ಅವರ ಮೇಲೆ ಕಾನೂನು ರೀತಿಯ ಕ್ರಮ ಕೈಗೊಂಡು, ವ್ಯಸನ ಮುಕ್ತ ಚಿಕಿತ್ಸೆ ನೀಡುವ ಕಾರ್ಯವನ್ನ ಮಾಡುತ್ತಾರೆ. ಸಾರ್ವಜನಿಕರು ನೀಡಿರುವ ಮಾಹಿತಿಯನ್ನು ಪೊಲೀಸ್ ಇಲಾಖೆ ಗೌಪ್ಯವಾಗಿ ಇಡಲಿದೆ.
“‘ಡ್ರಗ್-ಫ್ರೀ ಕರ್ನಾಟಕ’ ಆಪ್ ಮೂಲಕ ಮಾದಕ ವ್ಯಸನದ ವಿರುದ್ಧ ಹೋರಾಟಕ್ಕೆ ಹೊಸ ಹೆಜ್ಜೆ!”
SAY NO TO DRUGS @DgpKarnataka pic.twitter.com/1gRbFwnMVn— SP Shivamogga (@Shivamogga_SP) June 10, 2025