ಸಿಂಗಲ್​ ಫೋಟೋ ಕೂಡ ಸಿಗದ, ನಕ್ಸಲ್​ ಬಿಜಿಕೆ ಈಗ ಹೇಗಿದ್ದಾನೆ ಗೊತ್ತಾ!? today exclusive

ಸಿಂಗಲ್​ ಫೋಟೋ ಕೂಡ ಸಿಗದ, ನಕ್ಸಲ್​ ಬಿಜಿಕೆ ಈಗ ಹೇಗಿದ್ದಾನೆ ಗೊತ್ತಾ!? ಬಂಧನ ಅಧಿಕೃತಗೊಳಿಸಿದ ಕೇರಳ ಪೊಲೀಸ್​ ! ಕೇರಳ ಕೋರ್ಟ್​ ನ ಬಳಿಯಲ್ಲಿ ಆರೋಪಿಗಳ ಘೋಷಣೆ! ದಕ್ಷಿಣ ಭಾರತದ ಟಾಪ್​ ಮೋಸ್ಟ್​ ನಕ್ಸಲ್​ ನಾಯಕರಲ್ಲಿ ಒಬ್ಬನಾಗಿದ್ದ ಬಿಜಿ ಕೃಷ್ಣ ಮೂರ್ತಿ ಬಂಧನದ ಬಗ್ಗೆ ಮಲೆನಾಡು ಟುಡೇ ಮೊದಲನೇದಾಗಿ ಸುದ್ದಿ ಬರೆದಿತ್ತು. ಸದ್ಯ ಈ ಸಂಬಂಧ ಬಿಜಿ ಕೃಷ್ಣಮೂರ್ತಿ ಹಾಗೂ ಸಾವಿತ್ರಿ ಬಂಧನವನ್ನು ಕೇರಳ ಪೊಲೀಸರು ಅಧಿಕೃತಗೊಳಿಸಿದ್ದು ಕೇರಳದ ಕಣ್ಣೂರಿನ ತಲಸೈರೆ ಕೋರ್ಟ್​ಗೆ ಪ್ರೊಡ್ಯೂಸ್​ ಮಾಡಿದೆ.

ಈ ವೇಳೆ ಬಿಜಿಕೆ ಘೋಷಣೆಗಳನ್ನ ಕೂಗಿದ ಘಟನೆ ಕೂಡ ನಡೆಯಿತು. ಇನ್ನೂ ಆರೋಪಿಗಳನ್ನ ವಿಚಾರಣೆಗೊಳಪಡಿಸಿದ ಕೋರ್ಟ್​ ಮೂವತ್ತು ದಿನಗಳ ಕಾಲ ರಿಮ್ಯಾಂಡ್​ಗೆ ಒಳಪಡಿಸಿದೆ. ಅಲ್ಲದೆ ಕಮಾಂಡೋ ಭದ್ರತೆ ನೀಡಲು ತಿಳಿಸಿದೆ. ಡಿಸೆಂಬರ್​ 9 ರವರೆಗೂ ರಿಮ್ಯಾಂಡ್​ ಇರಲಿದೆ.

ಶೃಂಗೇರಿ ಮೂಲದ ಬಿಜಿಕೆ ತಮಿಳುನಾಡಿನ ಕುಪ್ಪು ದೇವರಾಜ್​ ಎನ್​ಕೌಂಟರ್​ ಬಳಿಕ ದಕ್ಷಿಣ ಭಾರತದ ನಕ್ಸಲ್​ ನಾಯಕನಾಗಿದ್ದ. ಕೋರ್​ ಕಮಿಟಿ ಮೆಂಬರ್​ ಆಗಿದ್ದ ವೆಸ್ಟರ್ನ್​ ಘಾಟ್​ ಜೋನಲ್​ ನ ಸೆಕ್ರೆಟ್ರಿ ಕೂಡ ಆಗಿದ್ದ. ಇನ್ನೂ ಸಾವಿತ್ರಿಯು ಕಬಿನಿ ದಳ ಕಮಾಂಡರ್​ ಆಗಿದ್ದ

ಸುಳಿವು ನೀಡಿದ ರಾಘವೇಂದ್ರ

ಸುಮಾರು 2 ದಶಕಗಳ ಕಾಲ ಕಣ್ಮರೆಯಲ್ಲಿಯೇ ಇದ್ದ ಬಿಜಿಕೆಯನ್ನು ಹಿಡಿಯಲು ಕರ್ನಾಟಕ ಪೊಲೀಸರು ಸಹ ಸಾಕಷ್ಟು ಶ್ರಮವಹಿಸಿದ್ದರು. ಆದರೆ ಆತನ ಸುಳಿವು ಹಾಗೂ ಆತನ ಮುಖಚಹರೆ ಸ್ಪಷ್ಟವಾಗುತ್ತಿರಲಿಲ್ಲ.

ಈ ನಡುವೆ ಕೇರಳ ಪೊಲೀಸರಿಗೆ ಕಳೆದ ನಾಲ್ಕೈದು ದಿನಗಳ ಅವಧಿಯಲ್ಲಿ ನಕ್ಸಲ್​ ವಿಚಾರದಲ್ಲಿ ದೊಡ್ಡ ಬ್ರೇಕ್​ ಸಿಕ್ಕಿತ್ತು. ಲಿಜೇಶ್​ ಅಲಿಯಾಸ್​ ರಾಮು ಎಂಬಾತ ಕಳೆದ ಅಕ್ಟೋಬರ್​ ಅಂತ್ಯದಲ್ಲಿ ಕೇರಳ ಪೊಲೀಸರ ಮುಂದೆ ಶರಣಾಗಿದ್ದ. ಅಲ್ಲದೆ ರಾಘವೇಂದ್ರ ಎಂಬಾತನನ್ನ ಕೇರಳ ಪೊಲೀಸರು 2 ದಿನಗಳ ಹಿಂದಷ್ಟೆ ಬಂಧಿಸಿದ್ದರು.

ಇವರಿಬ್ಬರ ವಿಚಾರಣೆ ವೇಳೆ ಹೇಳಿಕೊಂಡಂತೆ ಕಬಿನಿ ದಳದಲ್ಲಿ ಡೆಪ್ಯೂಟಿ ಕಮಾಂಡರ್​ ಆಗಿದ್ದ ಲಿಜೇಶ್​ ಅಲಿಯಾಸ್​ ರಾಮು ಆರೋಪಿಗಳ ಬಗ್ಗೆ ಮಾಹಿತಿ ನೀಡಿದ್ದ. ಇನ್ನೂ ಕಳೆದ ಕೆಲವು ವರ್ಷಗಳಿಂದ ನಕ್ಸಲ್​ ಗುಂಪಿನ ಕೊರಿಯರ್ ಬಾಯ್​ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ ರಾಘವೇಂದ್ರ ಬಿಜಿಕೆ ಹಾಗೂ ಸಾವಿತ್ರಿ ಸೇರಿದಂತೆ ಹಲವರ ಬಗ್ಗೆ ಮಾಹಿತಿ ನೀಡಿದ್ದ.

ಈ ಮಾಹಿತಿಯನ್ನ ಆಧರಿಸಿ ಕೇರಳ ಪೊಲೀಸರು ವೈನಾಡುವಿನ ಸುಲ್ತಾನ್​ ಬತ್ತೇರಿಯಲ್ಲಿ ಬಿಜಿಕೆಯನ್ನ ಬಂಧಿಸಿದ್ದಾರೆ. ಅಲ್ಲದೆ ಈತನ ಜೊತೆಗಿದ್ದ ಸಾವಿತ್ರಿಯನ್ನು ಅರೆಸ್ಟ್​ ಮಾಡಿದ್ದಾರೆ.

ಸಾವಿತ್ರಿ ಕಬಿನಿ ದಳದ ಕಮಾಂಡರ್ ಆಗಿದ್ದು, ವೈನಾಡು ಕೋಜಿಕೋಡ್​ನಲ್ಲಿ ಸಕ್ರಿಯವಾಗಿರುವ ಈ ದಳದ ಮುಖ್ಯಸ್ಥ ವಿಕ್ರಂಗೌಡನ ಪತ್ನಿ ಕೂಡ ಹೌದು,.