Mark intro teaser : ಕಿಚ್ಚ ಸುದೀಪ್ ಅಭಿನಯದ ಬಹು ನಿರೀಕ್ಷಿತ ಚಿತ್ರ ಮಾರ್ಕ್’ನ ಇಂಟ್ರೊ ಟೀಸರ್ ನಿನ್ನೆ ಬಿಡುಗಡೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗ್ತಾ ಇದೆ.
1 ನಿಮಿಷ 13 ಸೆಕೆಂಡ್ ಇರುವ ಈ ಟೀಸರ್ ನೋಡುವಾಗ ಇದೊಂದು ಪಕ್ಕಾ ಮಾಸ್ ಮೂವಿ ಎಂಬುದು ತಿಳಿದುಬರುತ್ತದೆ. ಟೀಸರ್ನ ಆರಂಭದಲ್ಲಿ ಗ್ಯಾಂಗ್ಸ್ಟರ್‌ಗಳಿಗೆಲ್ಲ ಬಾಸ್ ಆಗಿರುವ ವಿಲನ್ ಒಬ್ಬ, ಕಿಚ್ಚ ಸುದೀಪ್ಗೆ ಸುಪಾರಿ ಕೊಡುವ ದೃಶ್ಯವಿದೆ. ಆನಂತರ ಹೊಸ ಹೇರ್ ಸ್ಟೈಲ್ನಲ್ಲಿ, ಅತ್ಯುತ್ತಮ ಬಿಜಿಎಂ ನೊಂದಿಗೆ ಫೈಟ್ ಮೂಲಕ ಕಿಚ್ಚನ ಎಂಟ್ರಿ ಆಗುತ್ತದೆ. ಈ ಎಲ್ಲಾ ಅಂಶಗಳು ಮಾರ್ಕ್ ಚಿತ್ರವು ಒಂದು ಪಕ್ಕಾ ಮಾಸ್ ಎಂಟರ್‌ಟೈನರ್ ಎಂಬುದನ್ನು ತೋರಿಸುತ್ತವೆ.
ಈ ಹಿಂದೆ ಸುದೀಪ್ ಅಭಿನಯದ ‘ಮ್ಯಾಕ್ಸ್’ ಚಿತ್ರವನ್ನು ನಿರ್ದೇಶಿಸಿದ್ದ ಶಿವ ಕಾರ್ತಿಕೇಯ ಅವರೇ ಈ ಚಿತ್ರಕ್ಕೂ ಆಕ್ಷನ್-ಕಟ್ ಹೇಳಿದ್ದಾರೆ. ‘ಮ್ಯಾಕ್ಸ್’ ಚಿತ್ರದಲ್ಲಿ ಒಂದು ರಾತ್ರಿ ನಡೆಯುವ ದೃಶ್ಯಗಳನ್ನು ಪ್ರಮುಖ ಎಳೆಯನ್ನಾಗಿಟ್ಟುಕೊಂಡು ಯಶಸ್ಸು ಕಂಡಿದ್ದ ನಿರ್ದೇಶಕರು, ‘ಮಾರ್ಕ್’ ಚಿತ್ರದಲ್ಲಿಯೂ ಸಹ ಅದೇ ತಂತ್ರವನ್ನು ಉಪಯೋಗಿಸುತ್ತಿದ್ದಾರೆ ಎಂಬುದು ಟೀಸರ್ ನೋಡಿದಾಗ ತಿಳಿದುಬರುತ್ತದೆ. ಈ ಹಿಂದಿನ ಚಿತ್ರದಲ್ಲಿ ಸುದೀಪ್ ಇನ್‌ಸ್ಪೆಕ್ಟರ್‌ ಅರ್ಜುನ್‌ ಮಹಾಕ್ಷಯ್‌ ಎಂಬ ಪಾತ್ರದಲ್ಲಿ ನಟಿಸಿದ್ದರು. ಆದರೆ ಈ ‘ಮಾರ್ಕ್’ ಚಿತ್ರದಲ್ಲಿ ಮಾಸ್ ಫೈಟಿಂಗ್ ದೃಶ್ಯಗಳು ಹೆಚ್ಚಾಗಿ ಇದ್ದು, ಇದು ಯಾವರೀತಿ ಮೂವಿ ಎಂದು ಕಾದು ನೋಡಬೇಕಿದೆ.
ಇನ್ನು ಟೀಸರ್ನಲ್ಲಿ ಬಹು ದೊಡ್ಡ ತಾರಾಬಳಗವನ್ನೇ ನೋಡಬಹುದು. ಗೋಪಾಲ್ ಕೃಷ್ಣ ದೇಶ್ಪಾಂಡೆ, ತಮಿಳಿನ ಪ್ರಸಿದ್ದ ಹಾಸ್ಯನಟ ಯೋಗಿ ಬಾಬು, ಡ್ರ್ಯಾಗನ್ ಮಂಜು ಸೇರಿದಂತೆ ಇನ್ನಿತರೇ ಕಲಾವಿದರು ಕಾಣಿಸಿಕೊಂಡಿದ್ದಾರೆ.
ಮಾರ್ಕ್ ಚಿತ್ರವು ಡಿಸೆಂಬರ್ 25 ರಂದು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ರಿಲೀಸ್ ಆಗುತ್ತಿದ್ದು, ‘ಮ್ಯಾಕ್ಸ್’ ಚಿತ್ರದಂತೆಯೇ ಬಾಕ್ಸ್ ಆಫೀಸ್ನಲ್ಲಿ ಮೋಡಿ ಮಾಡುತ್ತಾ ಎಂಬುದನ್ನು ಕಾದು ನೋಡಬೇಕಿದೆ.
