SHIVAMOGGA | MALENADUTODAY NEWS | ಮಲೆನಾಡು ಟುಡೆ | Dec 4, 2024 ಶಿವಮೊಗ್ಗ DCC ಬ್ಯಾಂಕ್‌ನಿಂದ 3 ಹೊಸ ಶಾಖೆಗಳನ್ನು ತೆರೆಯಲಾಗುತ್ತಿದ್ದು, ಈ ಶಾಖೆಗಳು ಡಿಸೆಂಬರ್‌ 6 ರಂದು ಸೊರಬ ತಾಲೂಕಿನ ಜಡೆಗ್ರಾಮಲ್ಲಿ 12 ರಂದು ಶಿಕಾರಿಪುರ ತಾಲೂಕಿನ ಸುಣ್ಣ ಕೊಪ್ಪದಲ್ಲಿ ಮತ್ತು 18 ರಂದು ಭದ್ರಾವತಿ ತಾಲೂಕಿನ ಕಲ್ಲಿಹಾಳ್‌ ನಲ್ಲಿ ಪ್ರಾರಂಭಿಸಲಾಗುತ್ತದೆ ಎಂದು ಡಿಸಿಸಿ ಬ್ಯಾಂಕ್ ಅಧ್ಯಕ್ಷರಾದ ಆರ್‌ ಎಂ ಮಂಜುನಾಥ್‌ ಗೌಡ ತಿಳಿಸಿದರು.
ಪತ್ರಿಕಾ ಗೋಷ್ಟಿಯಲ್ಲಿ ಮಾತನಾಡಿದ ಅವರು ಈ ಹಿಂದೆ ಭಾರತೀಯ ರಿಸರ್ವ್‌ ಬ್ಯಾಂಕ್ ಬಳಿ 22 ಶಾಖೆಗಳನ್ನು ಸ್ಥಾಪಿಸಲು ಅನುಮತಿ ಕೇಳಿದ್ದೆವು. ಆದರೆ ರಿಸರ್ವ್‌ ಬ್ಯಾಂಕ್ ಸದ್ಯ 3 ಶಾಖೆಗಳನ್ನು ಸ್ಥಾಪಿಸಲು ಅನುಮತಿ ನೀಡಿದೆ. ನವೆಂಬರ್‌ 20 ರ ಒಳಗೆ ಎಲ್ಲಾ ಶಾಖೆಗಳನ್ನು ಪ್ರಾರಂಭಿಸುತ್ತೇವೆ ಆ ಭಾಗದ ರೈತರು ಬ್ಯಾಂಕ್ ನೀಡುವ ಸೌಲಭ್ಯಗಳನ್ನು ಸದುಪಯೋಗ ಪಡಿಸಿಕೊಳ್ಳಬೇಕು ಎಂದರು.
ಡಿಸಿಸಿ ಬ್ಯಾಂಕ್ ಗೆ ನಬಾರ್ಡ್‌ ಅವಶ್ವಕತೆ ಇಲ್ಲ
ನಬಾರ್ಡ್‌ ಬಳಿ 5000 ಕೋಟಿ ಹಣ ಬಿಡುಗಡೆಗೆ ಬೇಡಿಕೆ ಇಡಲಾಗಿತ್ತು. ಆದರೆ ಇದುವರೆಗೆ 2000 ಕೋಟಿ ಮಾತ್ರ ಬಿಡುಗಡೆಯಾಗಿದೆ. ಅದರಲ್ಲಿ 1180 ಕೋಟಿ ಹಣ ನಮ್ಮ ಬ್ಯಾಂಕ್ ಗೆ ಬರಬೇಕಿತ್ತು ಆದರೆ ನಮ್ಮ ಬ್ಯಾಂಕ್ ಗೆ 135 ಕೋಟಿ ಮಾತ್ರ ಬಿಡುಗಡೆ ಮಾಡಲಾಗಿದೆ. ಈ ಪೈಕಿ 35 ಕೋಟಿ ಮಾತ್ರ ಇದುವರೆಗು ಬಂದಿದೆ ಎಂದರು. ಇದರಿಂದಾಗಿ ನಮ್ಮ ಬ್ಯಾಂಕ್ ಗೆ ತುಂಬಾ ಹೊರೆ ಬೀಳಲಿದೆ. ರಾಜ್ಯ ಸರ್ಕಾರ ಕಳೆದ ವರ್ಷ ಕೊಡಬೇಕಿದ್ದ 23 ಕೋಟಿ ಹಣ ಇನ್ನೂ ಬಿಡುಗಡೆ ಮಾಡಲಿಲ್ಲ ಹಾಗೆಯೇ ಕೇಂದ್ರದಿಂದಲೂ ಸಹ 4 ವರ್ಷದಿಂದ 61 ಕೋಟಿ ಹಣ ಬರಬೇಕಿದೆ ಎಂದರು.
ಸರ್ಕಾರ ಪ್ರಾಥಮಿಕ ಮತ್ತು ಡಿಸಿಸಿ ಬ್ಯಾಂಕ್ ಗೆ ಬರಬೇಕಾದ ಹಣವನ್ನು ಈ ರೀತಿಯಲ್ಲಿ ತಡೆಯಬಾರದು ಎಂದ ಅವರು, ಹವಮಾನ ಆಧಾರಿತ ಬೆಳೆ ವಿಮೆಗೆ ಸಂಬಂಧಿಸಿದಂತೆ ಶಿವಮೊಗ್ಗದಲ್ಲಿ 23 ಕೋಟಿ ಪ್ರೀಮಿಯಂ ಕಟ್ಟಲಾಗಿದೆ. ಶುಂಠಿ ಮತ್ತು ಕಾಳುಮೆಣಸಿಗೆ 45.19 ಕೋಟಿ ಬೆಳೆ ವಿಮೆ ಬಂದಿದೆ. ಸರ್ಕಾರ ಆಯ್ಕೆ ಮಾಡಿದ ಇನ್ಸುರೆನ್ಸ್ ಕಂಪನಿ ಪ್ರೀಮಿಯಂ ಕಟ್ಟಿಸಿಕೊಂಡಿದೆ. ವಿಮಾ ಕಚೇರಿ ಸ್ಥಳೀಯವಾಗಿ ಇಲ್ಲ. ಡಿಸಿ, ಕೃಷಿ ಇಲಾಖೆಗೆ ಗೊತ್ತಿಲ್ಲ ಎನ್ನುತ್ತಾರೆ ಎಂದರು. ಸ್ಥಳೀಯವಾಗಿ ಕಂಪನಿಯ ಕಚೇರಿಯನ್ನ ತೆರೆಯಬೇಕು ಎಂದ ಮಂಜುನಾಥ್‌ ಗೌಡರು ರೈನ್ ಗೇಜ್ ಗಳ ಮೂಲಕ ಅಳತೆ ಮಾಡಿ ಬೆಳೆ ವಿಮೆ ಮಾಡಲಾಗುತ್ತಿದೆ. ಎಷ್ಟೋ ಕಡೆ ರೈನ್ ಗೇಜ್ ಗಳೆ ಇಲ್ಲ. ಮುಂದಿನ ವರ್ಷ ರೈನ್ ಗೇಜ್ ಸರಿಯಾದ ವರ್ಕ್ ಮಾಡುತ್ತಿರುವ ಬಗ್ಗೆ ಮಾಹಿತಿ ಪಡೆಯಬೇಕಿದೆ ಎಂದರು.
ಇದೇ ಹಾಲು ಉತ್ಪಾದಕರ ಬಗ್ಗೆ ಮಾತನಾಡಿದ ಡಿಸಿಸಿ ಬ್ಯಾಂಕ್ ಅಧ್ಯಕ್ಷರು ಹಾಲು ಉತ್ಪಾದಕರಿಗೆ ಜಿರೋ ಬ್ಯಾಲೆನ್ಸ್ ನಲ್ಲಿ ಬ್ಯಾಂಕ್ ಅಕೌಂಟ್ ಒಪನ್ ಮಾಡಿ ಎಟಿಎಮ್ ಕಾರ್ಡ್ ವಿತರಿಸಲಾಗುವುದು. ನಾವು ಮನೆ ಬಾಗಿಲಿಗೆ ಸೇವೆ ನೀಡಲು ಸಿದ್ದರಿದ್ದೇವೆ ಅದನ್ನುಸದುಪಯೋಗ ಪಡಿಸಿಕೊಳ್ಳಿ ಎಂದರು.
SUMMARY | Shimoga district government central bank is opening three new branches.
KEYWORDS | Shimoga district government central bank,opening three new branches, dcc bank ,
