KARNATAKA NEWS/ ONLINE / Malenadu today/ Sep 12, 2023 SHIVAMOGGA NEWS
ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ಪೇಟೆ ಬಸ್ ನಿಲ್ದಾಣದಲ್ಲಿ ನಿನ್ನೆ (ಮಂಗಳವಾರ) ಅಚ್ಚರಿ ಮೂಡಿಸುವ ಘಟನೆಯೊಂದು ಸಂಭವಿಸಿದೆ. ಬಸ್ ನಿಲ್ದಾಣದಲ್ಲಿ ನಿಲ್ಲಿಸಿದ ಖಾಸಗಿ ಬಸ್ ಒಂದು ಇದ್ದಕ್ಕಿದ್ದಂತೆ ಮುಂದಕ್ಕೆ ಚಲಿಸಿ ಮೆಟ್ಟಿಲಿನಿಂದ ಇಳಿದು ರೋಡಿಗೆ ಬಂದಿದೆ. ಈ ಘಟನೆ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಘಟನೆ ಕುತೂಹಲ ಮೂಡಿಸುತ್ತಿದೆ.
ನಿನ್ನೆ ಮಧ್ಯಾಹ್ನ ಈ ಘಟನೆ ಸಂಭವಿಸಿದೆ. ತೀರ್ಥಹಳ್ಳಿಯ ಮುಖ್ಯ ಬಸ್ ನಿಲ್ದಾಣದಲ್ಲಿ ಖಾಸಗಿ ಬಸ್ ನಿಂತಿತ್ತು. ಡ್ರೈವರ್ ಬಸ್ ನಿಲ್ಲಿಸಿ ಕೆಳಕ್ಕಿಳಿದಿದ್ದರು. ಇದಾದ ಕೆಲವೇ ಹೊತ್ತಿನಲ್ಲಿ ಬಸ್ ಇದ್ದಕ್ಕಿದ್ದಂತೆ ಮುಂದಕ್ಕೆ ಚಲಿಸಿದೆ. ನೇರವಾಗಿ ಮುಂದಕ್ಕೆ ಬಂದ ಬಸ್, ಬಸ್ ಸ್ಟ್ಯಾಂಡ್ ಮೆಟ್ಟಿಲಿನ ಮೇಲೆ ಇಳಿದಿದೆ. ಅಲ್ಲಿಂದ ರೋಡಿಗೆ ಇಳಿದು ಸಿರಿಬೈಲ್ ಲಾಡ್ಜ್ ಬದಿಗೆ ಹೋಗಿ ನಿಂತಿದೆ.
ಇನ್ನೂ ಬಸ್ ಚಲಿಸುತ್ತಿದ್ದಂತೆ, ಅಲ್ಲಿದ್ದ ಇಬ್ಬರು ಮಹಿಳಾ ಪ್ರಯಾಣಿಕರು ಹೌಹಾರಿದ್ದಾರೆ. ಇನ್ನೂ ರೋಡಿಗೆ ಬಸ್ ಇಳಿಯುತ್ತಿದ್ದಂತೆ ಜನರು ಬೇರೆ ಬೇರೆ ಕಡೆ ಚದುರಿದ್ದಾರೆ. ಬಸ್ ನಿಲ್ದಾಣದ ಕೆಳಗೆ ಆಟೋ ನಿಲ್ದಾಣವಿತ್ತು. ಅದೃಷ್ಟಕ್ಕೆ ಯಾರಿಗೂ ಅಪಾಯವಾಗಿಲ್ಲ.
ಮೊದಲು ಬಸ್ ಚಾಲನೆಗೊಂಡಿದ್ದು ಡ್ರೈವರ್ ನಿಂದಲೇ ಎಂದು ಜನರು ಅಂದುಕೊಂಡಿದ್ದರು. ಆನಂತರ ನೋಡುವಾಗ ಬಸ್ನಲ್ಲಿ ಚಾಲಕ ಇರಲಿಲ್ಲ. ತದನಂತರ ವಿಚಾರ ಮಾಡಿ ನೋಡಿದಾಗ, ಬಸ್ನ ಹ್ಯಾಂಡ್ ಬ್ರೇಕ್ ಹಾಕದೇ ಡ್ರೈವರ್ ತೆರಳಿದ್ದರು. ಹೀಗಾಗಿ ಬಸ್ ಮುಂದಕ್ಕೆ ಮೂವ್ ಆಗಿ, ರಸ್ತೆಗೆ ಇಳಿದಿದೆ ಎಂಬುದು ಗೊತ್ತಾಗಿದೆ. ಇನ್ನೂ ಈ ದೃಶ್ಯ ಸ್ಥಳೀಯ ಅಂಗಡಿಯೊಂದರ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ದೃಶ್ಯ ಇಲ್ಲಿದೆ ಗಮನಿಸಿ
ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ಬಸ್ ನಿಲ್ದಾಣದಲ್ಲಿ ಚಾಲಕನಿಲ್ಲದೆ ಮುಂದಕ್ಕೆ ಚಲಿಸಿ ರೋಡಿಗಿಳಿದ ಖಾಸಗಿ ಬಸ್ #shivamogga #tirthahalli pic.twitter.com/C4a4xZ0MeA
— malenadutoday.com (@CMalenadutoday) September 13, 2023
ಇನ್ನಷ್ಟು ಸುದ್ದಿಗಳು
ಬಾರ್ನಲ್ಲಿ ಎಣ್ಣೆ ಕೊಡ್ಲಿಲ್ಲ ಎಂದು ಸಿಬ್ಬಂದಿಯನ್ನ ಅಟ್ಟಾಡಿಸಿ ಹಲ್ಲೆ! ಬಿಹೆಚ್ ರೋಡ್ನಲ್ಲಿ ನಿನ್ನೆ ನಡೆದಿದ್ದೇನು?
ಸಚಿವರ ಶಾಕ್/ 48 ಗಂಟೆಯಲ್ಲಿ ಬದಲಾಯ್ತು ಶಿವಮೊಗ್ಗ AIRPORT ನಲ್ಲಿದ್ದ ಈ ವ್ಯವಸ್ಥೆ!