ಸಾಗರ ಟೌನ್​ ಸ್ಟೇಷನ್​ ಲಿಮಿಟ್ಸ್​ನಲ್ಲಿ ಪಿಸ್ತೂಲ್​ ಹಿಡಿದು ಯುವಕರ ಕಿರಿಕ್! ಪ್ರಕರಣಕ್ಕೆ ಟ್ವಿಸ್ಟ್!

Shivamogga Feb 12, 2024 | ಶಿವಮೊಗ್ಗ ಜಿಲ್ಲೆ ಸಾಗರ ಪೇಟೆ ಯಲ್ಲಿ ಪಿಸ್ತೂಲ್ ಹಿಡಿದು ಪುಂಡಾಟ ಮೆರೆದ ಪ್ರಕರಣಕ್ಕೆ ಟ್ವಿಸ್ಟ್​ ಸಿಕ್ಕಿದೆ. ಮಕ್ಕಳು ಆಡುವ ಆಟದ ಸಾಮಾನಿನ ಪಿಸ್ತೂಲ್​ ಹಿಡಿದುಕೊಂಡಿದ್ದರ ಬಗ್ಗೆ ಪೊಲೀಸ್ ಇಲಾಖೆ ವರದಿ ಮಾಡಿದೆ. 

ಮೊನ್ನೆ ರಾತ್ರಿ ಸಾಗರ ಪೇಟೆಯ ಜೆಪಿ ರೋಡ್​ನಲ್ಲಿ ಕುಡಿದಿದ್ದ ಯುವಕನೊಬ್ಬ ಪಿಸ್ತೂಲ್​ ಹಿಡಿದು ಬೆದರಿಸ್ತಿದ್ದ ದೃಶ್ಯ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿತ್ತು. ಆ ವೇಳೆ ಆತನ ಜೊತೆಗಿದ್ದ ಯುವಕರು ಅವನ ಮೇಲೆ ಹಲ್ಲೆ ಮಾಡಿದ್ದರು. ಈ ದೃಶ್ಯವು ಸಹ ಕ್ಯಾಮರಾದಲ್ಲಿ ಸೆರೆಯಾಗಿತ್ತು.ಎರಡು ದೃಶ್ಯಗಳು ವೈರಲ್ ಆದ ಬೆನ್ನಲ್ಲೆ, ಪೊಲೀಸ್ ಇಲಾಖೆ ಎಚ್ಚೆತ್ತುಕೊಂಡಿದೆ. 

ಪ್ರಕರಣ ಸಂಬಂಧ  ದಿನಾಂಕ: 12-02-2024   ಸೀತಾರಂ, ಪಿಐ ಸಾಗರ ಟೌನ್ ಪೊಲೀಸ್ ಠಾಣೆ ಮತ್ತು ಸಿಬ್ಬಂಧಿಗಳ ತಂಡವು  ಸದರಿ ವಿಡಿಯೋವನ್ನು ಪರಿಶೀಲಿಸಿದೆ.

ಅಲ್ಲದೆ ವಿಡೀಯೋದಲ್ಲಿದ್ದ ಯುವಕರನ್ನು ಪತ್ತೆ ಹಚ್ಚಿ ವಿಚಾರಣೆ ನಡೆಸಿದೆ. ದರ್ಶನ್ ಹಾಗೂ ನವೀನ್​ ಎಂಬಿಬ್ಬರು ಈ ಕೃತ್ಯದಲ್ಲಿ ಭಾಗಿಯಾಗಿದ್ದರು ಎಂಬುದು ವಿಚಾರಣೆ ವೇಳೆ ತಿಳಿದುಬಂದಿದೆ. ಇವರಿಬ್ಬರು ಪರಸ್ಪರ ಗಲಾಟೆ ಮಾಡಿಕೊಂಡಿದ್ದು, ಆ ಸಂದರ್ಭದಲ್ಲಿ ದರ್ಶನ್‌ ಎಂಬಾತನು ಮಕ್ಕಳ ಆಟಿಕೆಯ ನಕಲೀ ಏರ್ ಪಿಸ್ತೂಲ್ ಅನ್ನು ತೋರಿಸಿರುವುದು ವಿಚಾರಣೆಯಿಂದ ಗೊತ್ತಾಗಿದೆ. ಸದ್ಯ ಘಟನೆ ಸಂಬಂಧ  ಸಾಗರ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತದೆ.