ಶಿವಮೊಗ್ಗ : ಕಾಯಿಲೆ ಹಿಡಿದ ಕೋಳಿಮರಿ ಸಪ್ಲೆ ಮಾಡಿದ ಕಾರಣಕ್ಕೆ ಸಂಸ್ಥೆಯೊಂದಕ್ಕೆ ಶಿವಮೊಗ್ಗ ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗ ದಂಡ ಹಾಕಿದೆ. ಅನಾರೋಗ್ಯಕರ ಕೋಳಿಮರಿಗಳನ್ನು ಪೂರೈಸಿ ಗ್ರಾಹಕರಿಗೆ ನಷ್ಟ ಉಂಟುಮಾಡಿದ್ದ ಕಾರಣಕ್ಕಾಗಿ ದೂರುದಾರರಿಗೆ ಸೂಕ್ತ ಪರಿಹಾರ ನೀಡುವಂತೆ, ಬೆಂಗಳೂರಿನ ಕೋಮರ್ಲ ಹ್ಯಾಚರಿಸ್ ಸಂಸ್ಥೆಗೆ ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗವು ಸೂಚಿಸಿದೆ.
ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗದ ಆದೇಶದಲ್ಲಿ ಏನಿದೆ/Unhealthy Chicks
ಶಿವಮೊಗ್ಗದ ನಿವಾಸಿ ತಬಸ್ಸುಮ್ ಸುಲ್ತಾನ್ ಎಂಬವರು 2024 ರ ಡಿಸೆಂಬರ್ 1 ರಂದು ಬೆಂಗಳೂರಿನ ಸಂಸ್ಥೆಯಿಂದ ಒಟ್ಟು 4896 ಬ್ರಾಯ್ಲರ್ ಕೋಳಿಮರಿಗಳನ್ನು 1,63,200 ರೂಪಾಯಿ ಪಾವತಿಸಿ ಖರೀದಿಸಿದ್ದರು. ಡಿಸೆಂಬರ್ 25 ರಂದು ಕೋಳಿಮರಿಗಳನ್ನು ಪೂರೈಕೆ ಮಾಡಿದ ಸಂದರ್ಭದಲ್ಲಿಯೇ ಸುಮಾರು 145 ಮರಿಗಳು ಮೃತಪಟ್ಟಿದ್ದವು. ಈ ಬಗ್ಗೆ ಸಂಸ್ಥೆಯ ಗಮನಕ್ಕೆ ತಂದಾಗ ಸತ್ತ ಮರಿಗಳ ವೆಚ್ಚವನ್ನು ಮರುಪಾವತಿಸುವುದಾಗಿ ತಿಳಿಸಿದ್ದರಂತೆ. ಇನ್ನೂ ಕೋಳಿ ಮರಿಗಳನ್ನ ಪೂರೈಸಿದ ಬಳಿಕ ಅವುಗಳು ಔಷಧೋಪಚಾರಗಳನ್ನು ನೀಡಿದರೂ ಸಾವನ್ನಪ್ಪಿವೆ. ಮೂರು ವಾರಗಳ ಅವಧಿಯಲ್ಲಿ ಸುಮಾರು 900 ಕೋಳಿಮರಿಗಳು ಮೃತಪಟ್ಟಿದ್ದವು. ಇದಲ್ಲದೆ ಬದುಕುಳಿದ ಮರಿಗಳ ಪೈಕಿ 250 ಮರಿಗಳು ನಿರೀಕ್ಷಿತ ತೂಕವನ್ನು ಹೊಂದಿರಲಿಲ್ಲ ಎಂಬುದು ದೂರುದಾರರ ಆರೋಪ. ಇನ್ನೂ ಈ ವಿಚಾರದಲ್ಲಿ ಕೇವಲ 360 ಮರಿಗಳಿಗೆ ಸಂಬಂಧಿಸಿದಂತೆ 12,240 ರೂಪಾಯಿಗಳನ್ನು ಮಾತ್ರ ಸಂಸ್ಥೆ ಮರುಪಾವತಿ ಮಾಡಿತ್ತು. ಆನಂತರ ಸಂಸ್ಥೆಯವರು ಅವರ ಫೋನ್ ನಂಬರ್ ಅನ್ನು ಬ್ಲಾಕ್ ಮಾಡುವ ಮೂಲಕ ಬೇಜವಾಬ್ದಾರಿತನ ಪ್ರದರ್ಶಿಸಿದ್ದರು. ಇದರಿಂದ ಬೇಸತ್ತ ಗ್ರಾಹಕರು ಸಂಸ್ಥೆಯ ಸೇವಾ ನ್ಯೂನತೆಯ ವಿರುದ್ಧ ಗ್ರಾಹಕ ಆಯೋಗದ ಮೆಟ್ಟಿಲೇರಿದ್ದರು.
ಶಿವಮೊಗ್ಗ: ಅನಾರೋಗ್ಯಕರ ಕೋಳಿಮರಿ ಪೂರೈಕೆ ಮಾಡಿದ ಸಂಸ್ಥೆಗೆ ಗ್ರಾಹಕ ಆಯೋಗದಿಂದ ದಂಡ Shimoga Consumer Commission Fines Bangalore Hatchery for Supplying Unhealthy Chicks
ಪ್ರಕರಣದ ವಿಚಾರಣೆ ನಡೆಸಿದ ಆಯೋಗದ ಅಧ್ಯಕ್ಷ ಶಿವಣ್ಣ ಹಾಗೂ ಸದಸ್ಯ ಬಿ.ಡಿ. ಯೋಗಾನಂದ ಭಾಂಡ್ಕ ಅವರನ್ನೊಳಗೊಂಡ ಪೀಠವು ಉಭಯ ಕಡೆಯ ವಾದ ಪ್ರತಿವಾದಗಳನ್ನು ಆಲಿಸಿತು. ಗ್ರಾಹಕರಿಗೆ ಉಂಟಾದ ನಷ್ಟಕ್ಕೆ ಸಂಸ್ಥೆಯೇ ಹೊಣೆ ಎಂದು ತೀರ್ಪು ನೀಡಿದೆ. ದೂರುದಾರರಿಗೆ ವಾರ್ಷಿಕ ಶೇಕಡಾ 9 ರಷ್ಟು ಬಡ್ಡಿಯೊಂದಿಗೆ 25,000 ರೂಪಾಯಿಗಳ ಪರಿಹಾರ ಮೊತ್ತವನ್ನು ಆದೇಶ ಹೊರಬಿದ್ದ 45 ದಿನಗಳ ಒಳಗೆ ಪಾವತಿಸಬೇಕು ಎಂದು ಸೂಚಿಸಿದೆ. ಒಂದು ವೇಳೆ ನಿಗದಿತ ಅವಧಿಯಲ್ಲಿ ಹಣ ಪಾವತಿಸದಿದ್ದರೆ ಬಡ್ಡಿ ದರವನ್ನು ಶೇಕಡಾ 12 ಕ್ಕೆ ಏರಿಸಲಾಗುವುದು ಎಂದು ಎಚ್ಚರಿಸಿದೆ. ಇದರೊಂದಿಗೆ ದೂರು ದಾಖಲಿಸಲು ತಗುಲಿದ ವೆಚ್ಚವಾಗಿ 10,000 ರೂಪಾಯಿಗಳನ್ನು ದೂರುದಾರರಿಗೆ ನೀಡುವಂತೆ ಸಂಸ್ಥೆಗೆ ಆದೇಶ ನೀಡಿದೆ.
ಶಿವಮೊಗ್ಗ: ಅನಾರೋಗ್ಯಕರ ಕೋಳಿಮರಿ ಪೂರೈಕೆ ಮಾಡಿದ ಸಂಸ್ಥೆಗೆ ಗ್ರಾಹಕ ಆಯೋಗದಿಂದ ದಂಡ Shimoga Consumer Commission Fines Bangalore Hatchery for Supplying Unhealthy Chicks
ಗ್ರಾಹಕ ಆಯೋಗ ಆದೇಶ, ಶಿವಮೊಗ್ಗ ಸುದ್ದಿ, ಕೋಳಿಮರಿ ಸಾವು, ಕೋಮರ್ಲ ಹ್ಯಾಚರಿಸ್, Consumer Forum Order, Shimoga News, Poultry Farming Loss, Komarla Hatcheries,
ಮಲೆನಾಡು ಟುಡೆ ಡಿಜಿಟಲ್ ನ್ಯೂಸ್ ಮೀಡಿಯಾ ದ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಸುದ್ದಿಗಳಿಂದ ಸ್ತಳೀಯ ವಿಶೇಷ ವಿಡಿಯೋ ಸುದ್ದಿಗಳನ್ನು ನೀವು ನೋಡಬಹುದು…ಇಲ್ಲಿದೆ ಅವುಗಳ ಲಿಂಕ್ Facebook , whatsapp , whatsapp chanel instagram, youtube, telegram , ನಮ್ಮದು ಅಧಿಕೃತವಾದ ಮತ್ತು ಉತ್ಪ್ರೇಕ್ಷೆಗಳಲ್ಲಿದ ನೈಜ ಸುದ್ದಿಯ ಸಂಸ್ಥೆ. ನಮ್ಮ ಬಗ್ಗೆ google business, ನಲ್ಲಿ ಮಾಹಿತಿ ಪಡೆಯಬಹುದು. ಅಲ್ಲದೆ malenadu today epaper malenadutoday web ನಲ್ಲಿ ಆಯಾ ದಿನದ ಈ ಪೇಪರ್ಗಳನ್ನು ಕ್ಲಿಕ್ ಮಾಡಿ ಓದಬಹುದು.