ರಾಂಗ್​ ರೂಟಲ್ಲಿ ಕೆಟಿಎಂ ಡ್ಯೂಕ್ ಡ್ರೈವ್ ಮಾಡಿದ ಬಾಲಕ! ಮಾಲೀಕನಿಗೆ ಕೋರ್ಟ್​ ಶಾಕ್!

Shivamogga Court Fines Bike Owner / ಮಲೆನಾಡು ಟುಡೆ ಸುದ್ದಿ / ಶಿವಮೊಗ್ಗ / ಬಾಲಕನಿಗೆ ಬೈಕ್ ಓಡಿಸಲು ನೀಡಿದ ಬೈಕ್​ನ ಮಾಲೀಕನಿಗೆ ಕೋರ್ಟ್ 25 ಸಾವಿರ ಫೈನ್ ಹಾಕಿದೆ. ಶಿವಮೊಗ್ಗ ನಗರದ ಸೋಮಿನಕೊಪ್ಪ ರಸ್ತೆಯಲ್ಲಿ ವಿನೋಬನಗರ ಪೊಲೀಸ್ ಠಾಣೆಯ ಇನ್ಸ್‌ಪೆಕ್ಟ‌ರ್ ವಾಹನ ತಪಾಸಣೆ ನಡೆಸುತ್ತಿದ್ದ ವೇಳೆ ಈ ಪ್ರಕರಣ ಬೆಳಕಿಗೆ ಬಂದಿತ್ತು.

ಕೆಟಿಎಂ ಡ್ಯೂಕ್ ಒಂದನ್ನ ಅಪ್ರಾಪ್ತನೊಬ್ಬ ಓಡಿಸಿಕೊಂಡು ಈ ಮಾರ್ಗದಲ್ಲಿ ಬಂದಿದ್ದ. ಸಂಚಾರ ನಿಯಮ ಉಲ್ಲಂಘಿಸಿದ್ದ ಬಾಲಕ ರಾಂಗ್​ ರೂಟ್​ನಲ್ಲಿ ಸ್ಪೀಡಾಗಿ ಗಾಡಿ ಓಡಿಸುತ್ತಿರುವುದನ್ನ ಗಮನಿಸಿದ ಇನ್​ಸ್ಪೆಕ್ಟರ್​ ಬೈಕ್​ ತಡೆದು, ದಾಖಲೆ ಪರಿಶೀಲನೆ ನಡೆಸಿದ್ದಾರೆ. ಈ ವೇಳೆ ಬೈಕ್ ಸವಾರ ಅಪ್ರಾಪ್ತ ಎಂದು ಗೊತ್ತಾಗಿದೆ.

ಹಾಗಾಗಿ ವಾಹನದ ಮಾಲೀಕನ ವಿರುದ್ಧ ಸಂಚಾರ ನಿಯಮ ಉಲ್ಲಂಘನೆಯ ನೋಟಿಸ್ ಜಾರಿ ಮಾಡಿ ಕೋರ್ಟ್​ಗೆ ಚಾರ್ಜ್​ ಶೀಟ್ ಹಾಕಿದ್ದರು. ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯ ಮೋಟಾರು ವಾಹನ ಕಾಯ್ದೆಯನ್ವಯ ಚಾಲನೆ ಮಾಡಲು ಬಾಲಕನಿಗೆ ಬೈಕ್ ಕೊಟ್ಟ ಅದರ ಮಾಲೀಕನಿಗೆ ದಂಡ ವಿಧಿಸಿ ಆದೇಶಿಸಿದೆ.