bcci cricket : ಕಳೆದ ಮೂರ್ನಾಲ್ಕು ದಿನಗಳಿಂದ ಭಾರತ ಹಾಗು ಪಾಕಿಸ್ತಾನದ ನಡುವೆ ಯುದ್ದದ ವಾತಾವರಣ ನಿರ್ಮಾಣವಾಗಿದ್ದು, ಬಾರತ ಪಾಕಿಸ್ತಾನದಲ್ಲಿರುವ ಉಗ್ರ ನೆಲೆಗಳ ಮೇಲೆ ಮಿಸೈಲ್ ದಾಳಿ ನಡೆಸುತ್ತಿದೆ.ಇದಕ್ಕೆ ಪ್ರತಿಯಾಗಿ ಪಾಕಿಸ್ತಾನವೂ ಸಹ ಪ್ರತಿ ದಾಳಿ ನಡೆಸುತ್ತಿದ್ದು, ಮುಂಜಾಗ್ರತೆ ದೃಷ್ಟಿಯಿಂದ ಬಿಸಿಸಿಐ ಐಪಿಎಲ್ ಟೂರ್ನಿಯನ್ನು ಒಂದು ವಾರದವರೆಗೆ ರದ್ದುಗೊಳಿಸಿದೆ. ಈ ಪಂದ್ಯ ರದ್ದತಿಯಿಂದಾಗಿ ಬಿಸಿಸಿಐಗೆ ಕೊಟ್ಯಾಂತರ ರೂಪಾಯಿ ನಷ್ಟವಾಗುತ್ತಿದೆ ಎಂದು ವರದಿ ತಿಳಿಸಿದೆ.
bcci cricket : ಬಿಸಿಸಿಐಗೆ ಎಷ್ಟು ಕೋಟಿ ನಷ್ಟ
ಹಿಂದೂಸ್ಥಾನ್ ಟೈಮ್ಸ್ ವರದಿಯ ಪ್ರಕಾರ ಐಪಿಯಲ್ ಋತುವಿನಲ್ಲಿ ಆಡದ ಪ್ರತಿಯೊಂದು ಪಂದ್ಯಕ್ಕೂ ಬಿಸಿಸಿಐ ಸುಮಾರು 125 ಕೋಟಿ ರೂ.ಗಳನ್ನು ಕಳೆದುಕೊಳ್ಳುತ್ತದೆ. ಧರ್ಮಶಾಲಾದಲ್ಲಿ ಗುರುವಾರ ದೆಹಲಿ ಕ್ಯಾಪಿಟಲ್ಸ್ ಹಾಗೂ ಪಂಜಾಬ್ ಕಿಂಗ್ಸ್ ನಡುವೆ ಪಮದ್ಯವನ್ನು ಏರ್ಪಡಿಸಲಾಗಿತ್ತು. ಆದರೆ ಭಾರತದ ಹಲವಾರು ನಗರಗಳಲ್ಲಿ ಪಾಕಿಸ್ತಾನದಿಂದ ಡ್ರೋನ್ ದಾಳಿಗಳು ನಡೆದ ಕಾರಣ ಪಂದ್ಯವನ್ನು ಅಂತಿಮವಾಗಿ ರದ್ದುಗೊಳಿಸಬೇಕಾಯಿತು. ಹಾಗೆಯೇ ಭಾರತ ಮತ್ತು ಪಾಕಿಸ್ತಾನದ ನಡುವೆ ಹೆಚ್ಚುತ್ತಿರುವ ಗಡಿ ಉದ್ವಿಗ್ನತೆ ಬಿಸಿಸಿಐ ಸ್ಪರ್ಧೆಯನ್ನು ಒಂದು ವಾರ ಸ್ಥಗಿತಗೊಳಿಸಲು ಕಾರಣವಾಯಿತು.
ಒಂದು ವಾರದ ನಂತರವೂ ಪರಿಸ್ಥಿತಿ ಇದೇ ರೀತಿ ಮುಂದುವರೆದರೆ ಪಂದ್ಯ ಪುನರ್ ಆರಂಭಗೊಳ್ಳುವುದು ಕಷ್ಟ. ಈ ಕುರಿತು ಪಾಲುದಾರರಲ್ಲಿ ಹಲವಾರು ಸಮಾಲೋಚನೆಗಳು ನಡೆಯಲಿವೆ. ಪಂದ್ಯದ ಪ್ರಸಾರ, ಪ್ರಾಯೋಜಕತ್ವ ಮತ್ತು ಇತರ ಪಂದ್ಯ-ಸಂಬಂಧಿತ ಆದಾಯವನ್ನು ಗಣನೆಗೆ ತೆಗೆದುಕೊಂಡಾಗ ಬಿಸಿಸಿಐಗೆ 125 ಕೋಟಿಗಿಂತ ಹೆಚ್ಚಿನನಷ್ಟ ಉಂಟಾಗಬಹುದು.
ಬಿಸಿಸಿಐ ಈ ವರ್ಷ ಐಪಿಎಲ್ ಪಂದ್ಯಾವಳಿಯನ್ನು ಮುಗಿಸುವ ಸಾಧ್ಯತೆ ಹೆಚ್ಚಿದ್ದರೂ, ಕೆಲವು ಕಾರಣಗಳಿಂದ ಅವರು ಪಂದ್ಯವನ್ನು ಪೂರ್ಣಗೊಳಿಸಲು ಸಾಧ್ಯವಾಗದಿದ್ದರೆ. ಈ ಹಿಂದೆ ಮಂಡಳಿ ಗಳಿಸುತ್ತಿದ್ದ ₹5,500 ಕೋಟಿ ಜಾಹೀರಾತು ಆದಾಯದಲ್ಲಿ ಮೂರನೇ ಒಂದು ಭಾಗವನ್ನು ಕಳೆದುಕೊಳ್ಳುವ ಸಾಧ್ಯತೆ ಇದೆ.
