ಮಲೆನಾಡು ಟುಡೆ ಸುದ್ದಿ / ಶಿವಮೊಗ್ಗ : ಶಿವಮೊಗ್ಗದ ಎಸ್,ಎಂ,ಎಸ್,ಎಸ್ ಚೈತನ್ಯ ಸಂಸ್ಥೆಯ ವತಿಯಿಂದ ಗಾಂಧಿ ಜಯಂತಿ ಪ್ರಯುಕ್ತವಾಗಿ ಇಂದು ಶ್ರೀ ರಾಮ್ ಪುರದಲ್ಲಿರುವ ಹಕ್ಕಿಪಿಕ್ಕಿ ಕ್ಯಾಂಪ್ನಲ್ಲಿ ನಿರಾಶ್ರಿತರಿಗೆ ಅನ್ನದಾನವನ್ನು ಮಾಡಲಾಯಿತು.
ಶಿವಮೊಗ್ಗದ ಎಸ್,ಎಂ,ಎಸ್,ಎಸ್ ಚೈತನ್ಯ ಸಂಸ್ಥೆ ಕಳೆದ ಎರಡು ವರ್ಷದಿಂದ ಗಾಂಧಿ ಜಯಂತಿ ಪ್ರಯುಕ್ತ ಅನ್ನದಾನ ಸೇವೆಯನ್ನು ಮಾಡುತ್ತಾ ಬರುತ್ತಿದೆ. ಕಳೆದ ವರ್ಷ ಇದೇ ಸಂದರ್ಭದಲ್ಲಿ ಮೆಗ್ಗಾನ್ ಆಸ್ಪತ್ರೆಯಲ್ಲಿ ಅನ್ನದಾನವನ್ನು ಹಮ್ಮಿಕೊಂಡಿದ್ದ ಸಂಸ್ಥೆ, ಈ ಬಾರಿಯೂ ಶ್ರೀರಾಮ್ ಪುರದಲ್ಲಿರುವ ಹಕ್ಕಿಪಿಕ್ಕಿ ಕ್ಯಾಂಪ್ನಲ್ಲಿ ಅನ್ನದಾನವನ್ನು ಹಮ್ಮಿಕೊಂಡಿತ್ತು. ಇದಕ್ಕೂ ಮೊದಲು ಸಂಸ್ಥೆಯ ಪಧಾದಿಕಾರಿಗಳು ಸುತ್ತಮುತ್ತಲಿನ ಪ್ರದೇಶವನ್ನು ಸ್ವಚ್ಚಗೊಳಿಸುವ ಮೂಲಕ ಶ್ರಮಧಾನವನ್ನು ಮಾಡಿದರು.
ಈ ಸಂದರ್ಭದಲ್ಲಿ ಒಕ್ಕೂಟದ ಅಧ್ಯಕ್ಷರಾದ ಜಾನೆಟ್ ಮಾತನಾಡಿ ನಮ್ಮ ಸಮಾಜದಲ್ಲಿ ಸಾಕಷ್ಟು ಜನ ಹಸಿದವರಿದ್ದಾರೆ. ಅವರ ಹಸಿವು ನೀಗಿಸುವ ದೃಷ್ಟಿಯಿಂದ ನಾವು ಅನ್ನದಾನವನ್ನು ಮಾಡುತ್ತಾ ಬರುತ್ತಿದ್ದೇವೆ, ನಮ್ಮಲ್ಲಿ ಅನೇಕ ಸಮಾರಂಭಗಳನ್ನು ಮಾಡುತ್ತೇವೆ, ಅಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಅನ್ನ ಉಳಿಯುತ್ತದೆ, ಆ ಅನ್ನವನ್ನು ಯಾರೂ ಸಹ ಪೋಲು ಮಾಡದೆ ದಾನ ಮಾಡುವ ಅಭ್ಯಾಸವನ್ನು ಬೆಳೆಸಿಕೊಳ್ಳಬೇಕು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಶ್ರೀ ಬಂಧು ಸೌರ್ಹಾರ್ಧ ಸಹಕಾರಿ ಅಧ್ಯಕ್ಷರು ಪ್ರಸಿಲ್ಲಾ ಮಾರ್ಟಿಸ್, ಸಂಯೋಜಕ ಜಗದೀಶ್, ಪ್ರಮೀಳ, ಕಾರ್ಯಕರ್ತರು ಜ್ಯೋತಿವಾಜ್, ಮಾಲೀನಿ ಸೇರಿದಂತೆ ಒಕ್ಕೂಟದ ಪ್ರಮುಖ ಪಧಾದಿಕಾರಿಗಳು ಭಾಗಿಯಾಗಿದ್ದರು.
