shivamogga theft case ಮಹಿಳೆಯೊಬ್ಬರು ತನ್ನ ಮನೆ ಮಾರುವುದಾಗಿ ನಂಬಿಸಿ ವ್ಯಕ್ತಿಯೊಬ್ಬರಿಂದ 45 ಲಕ್ಷ ರೂಪಾಯಿಯಷ್ಟು ಹಣ ಪಡೆದು ವಂಚನೆ ಮಾಡಿರುವ ಘಟನೆ ವಿನೋಬಾನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
shivamogga theft case : ಏನಿದು ಪ್ರಕರಣ
ಶಿವಮೊಗ್ಗ ಟೌನ್ ನಿವಾಸಿ ಸೋಮೇಶ್ವರ್ ಎಂಬುವವರು ವಿದ್ಯಾನಗರದ ನಿವಾಸಿ ಮಹಿಳೆಯೊಬ್ಬರಿಂದ ಮನೆ ತೆಗೆದುಕೊಳ್ಳಲು ನಿರ್ಧರಿಸಿದ್ದರು. ಇದರ ಸಲುವಾಗಿ ಇಬ್ಬರ ನಡುವೆ ಮಾತುಕತೆ ನಡೆದು ಕೊನೆಗೆ ಆ ಮಹಿಳೆ 75 ಲಕ್ಷ ರೂಪಾಯಿಗೆ ಮನೆ ಮಾರುವುದಾಗಿ ಸೋಮೇಶ್ವರ್ ಅವರಿಗೆ ತಿಳಿಸಿದ್ದರು. ಈ ಹಿನ್ನೆಲೆ ಸೋಮೇಶ್ವರ್ ಮೊದಲ ಹಂತದಲ್ಲಿ 10 ಲಕ್ಷ ರೂಪಾಯಿಯನ್ನು ನೀಡಿದ್ದರು. ನಂತರ ಮಹಿಳೆ 35 ಲಕ್ಷ ರೂಪಾಯಿ ಹಣವನ್ನು ಸಬ್ ರಿಜಿಸ್ಟ್ರ್ ಆಫಿಸ್ ಬಳಿ ತಂದು ಕೊಡಿ ಅಲ್ಲಿ ನಾನು ಮನೆಯನ್ನು ರಿಜಿಸ್ಟರ್ ಮಾಡಿಸಿ ಕೊಡುತ್ತೇನೆಂದು ಸೋಮೇಶ್ವರ್ಗೆ ನಂಬಿಸಿದ್ದರು. ಇದರಿಂದಾಗಿ ಸೋಮೇಶ್ವರ್ 35 ಲಕ್ಷ ರೂಪಾಯಿಯನ್ನು ತಂದಿದ್ದರು. ಆಗ ಸಬ್ ರಿಜಿಸ್ಟ್ರ್ ಆಫೀಸ್ ಬಳಿ ಕಾರಿನಲ್ಲಿ ಬಂದ ಮಹಿಳೆ ಸೋಮೇಶ್ವರ್ ಬಳಿ ಇದ್ದ 35 ಲಕ್ಷ ಹಣವನ್ನು ತೆಗೆದುಕೊಂಡು ಪರಾರಿಯಾಗಿದ್ದಾರೆ ಎಂದು ಆರೋಪಿಸಲಾಗಿದೆ.
ಇತ್ತ ಮನೆಯೂ ಇಲ್ಲದೆ ಹಣವನ್ನೂ ಕಳೆದುಕೊಂಡ ಸೋಮೇಶ್ವರ್ ವಿನೋಬಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಇದೀಗ ಕಳ್ಳರ ಪತ್ತೆಗಾಗಿ ಪೊಲೀಸರು ಕಾರ್ಯಾಚರಣೆ ನಡೆಸುತ್ತಿದ್ದಾರೆ.
