ವಿನೋಬನಗರ ಪೊಲೀಸ್ ಸ್ಟೇಷನ್ | ಬೈಕ್ನಲ್ಲಿ ಪತಿ ಜೊತೆ ಹೋಗುತ್ತಿದ್ದ ಶಿಕ್ಷಕಿಗೆ ಶಾಕ್ | ನಡೀತು ಹೊಸಥರ ಘಟನೆ
A teacher's necklace has been stolen in Vinobanagar police stationವಿನೋಬನಗರ ಪೊಲೀಸ್ ಸ್ಟೇಷನ್ ವ್ಯಾಪ್ತಿಯಲ್ಲಿ ಶಿಕ್ಷಕಿಯೊಬ್ಬರ ಸರವನ್ನು ಕಳ್ಳತನ ಮಾಡಲಾಗಿದೆ
KARNATAKA NEWS/ ONLINE / Malenadu today/ Oct 14, 2023 SHIVAMOGGA NEWS
ಶಿವಮೊಗ್ಗದ ವಿನೋಬನಗರ ಪೊಲೀಸ್ ಸ್ಟೇಷನ್ (Vinobanagar Police Station) ವ್ಯಾಪ್ತಿಯಲ್ಲಿ ಸರಗಳ್ಳತನ ಪ್ರಕರಣವೊಂದು ನಡೆದಿದೆ. ಈ ಪ್ರಕರಣ ಇದುವರೆಗಿನ ಪ್ರಕರಣಗಳಿಗಿಂತಲೂ ವಿಭಿನ್ನವಾಗಿ ಕಾಣುತ್ತಿದೆ. ಸದ್ಯ ನಡೆದ ಘಟನೆ ಬಗ್ಗೆ ವಿನೋಬನಗರ ಪೊಲೀಸ್ ಸ್ಟೇಷನ್ನಲ್ಲಿ IPC 1860 (U/s-392) ಅಡಿಯಲ್ಲಿ ಕೇಸ್ ದಾಖಲಾಗಿದೆ.
ಶಿವಮೊಗ್ಗದ ಪ್ರತಿಷ್ಟಿತ ಶಾಲೆಯೊಂದರಲ್ಲಿ ಶಿಕ್ಷಕಿಯಾಗಿ ಕೆಲಸ ಮಾಡುತ್ತಿದ್ದ ಮೇಡಂ ಒಬ್ಬರು ಶಾಲೆ ಮುಗಿದ ಬಳಿಕ ತಮ್ಮ ಪತಿಯ ಜೊತೆಗೆ ಗಾಂಧಿ ಬಜಾರ್ ಹೋಗಿ ಅಲ್ಲಿಂದ ಅಮೀರ್ ಅಹಮ್ಮದ್ ಸರ್ಕಲ್, ಗೋಪಿ ಸರ್ಕಲ್, ಜೈಲ್ ಸರ್ಕಲ್ ಮುಖಾಂತರವಾಗಿ ಲಕ್ಷ್ಮಿ ಟಾಕೀಸ್ ಸರ್ಕಲ್ ಹತ್ತಿರ ಬಂದು 100 ಅಡಿ ರಸ್ತೆ ಮುಖಾಂತರ ಮನೆಗೆ ಹೋಗುತ್ತಿದ್ರು. ಈ ವೇಳೆ ಆಯಪ್ಪಸ್ವಾಮಿ ದೇವಸ್ಥಾನದ ಎದುರು ರಸ್ತೆಯಲಿ ಟೀಚರ್ ಇದ್ದ ಬೈಕ್ಗೆ ಹಿಂದಿನಿಂದ ಇನ್ನೊಂದು ಬೈಕ್ ಡಿಕ್ಕಿ ಹೊಡೆದಿದೆ. ಪರಿಣಾಮ ಟೀಚರ್ ಹಾಗೂ ಅವರ ಪತಿ ಕೆಳಕ್ಕೆ ಬಿದ್ದಿದ್ದಾರೆ. ಈ ವೇಳೆ ಟೀಚರ್ರವರ ಕುತ್ತಿಗೆಯಲ್ಲಿದ್ದ 70 ಗ್ರಾಂ ತೂಕದ ಅಂದಾಜು 2,40,000/- ರೂ ಬೆಲೆಯ ಬಂಗಾರದ ಮಾಂಗಲ್ಯ ಸರವನ್ನು ಕಿತ್ತುಕೊಂಡು, ಆರೋಪಿಗಳು ಪರಾರಿಯಾಗಿದ್ದಾರೆ.
ಈ ವೇಳೆ ಕೂಗಿಕೊಂಡರೂ, ಅಲ್ಲಿದ್ದವರು ಆರೋಪಿಗಳನ್ನು ಹಿಡಿಯಲಾಗಲಿಲ್ಲ. ಇನ್ನೂ ಟೀಚರ್ರವರ ಪತಿ ತಮ್ಮ ಸ್ಕೂಟರ್ ಮೇಲಕ್ಕೆತ್ತಿ ಆರೋಪಿಗಳನ್ನ ಹಿಂಬಾಲಿಸಿದರು ಪ್ರಯೋಜನವಾಗಲಿಲ್ಲ. ಪೊಲೀಸ್ ಚೌಕಿಯವರೆಗೂ ಹೋಗಿ ಬಂದ ಅವರು ಬಳಿಕ ವಾಪಸ್ ಬಂದು ವಿನೋಬನಗರ ಠಾಣೆಯಲ್ಲಿ ದೂರು ನೀಡಿದ್ದಾರೆ.
.
ಇನ್ನಷ್ಟು ಸುದ್ದಿಗಳು