ಶಿವಮೊಗ್ಗ ಪೊಲೀಸ್ ಇಲಾಖೆ ಇವತ್ತು ಇದ್ದಕ್ಕಿದ್ದಂತೆ ಶಿವಮೊಗ್ಗ ಕೇಂದ್ರ ಕಾರಾಗೃಹದ ಮೇಲೆ ದಾಳಿ ನಡೆಸಿದೆ. ಇವತ್ತು ಮಧ್ಯಾಹ್ನ ಅಡಿಷನಲ್ ಎಸ್ಪಿ ನೇತೃತ್ವದಲ್ಲಿ ದಾಳಿ ನಡೆದಿದೆ. ಸೋಗಾನೆಯಲ್ಲಿರುವ ಶಿವಮೊಗ್ಗ ಕೇಂದ್ರ ಕಾರಾಗೃಹದ ( shivamogga jail )ಮೇಲೆ ಪೊಲೀಸ್ ಇಲಾಖೆ ಇವತ್ತು ಮಧ್ಯಾಹ್ನ 2.20 ರ ಸುಮಾರಿಗೆ ದಾಳಿ ಮಾಡಿದೆ. ಸುಮಾರು ಎರಡು ಗಂಟೆಗಳ ಕಾಲ, ಕಾರಾಗೃಹದೆಲ್ಲೆಡೆ ಶೋಧ ನಡೆಸಿದ ಅಧಿಕಾರಿಗಳು ಹಾಗೂ ಸಿಬ್ಬಂದಿಗಳ ತಂಡ 4.20 ರ ಸುಮಾರಿಗೆ ರೇಡ್ ಮುಗಿಸಿ ಶಿವಮೊಗ್ಗ ಜೈಲ್ನಿಂದ ಹೊರಕ್ಕೆ ಬಂದಿದೆ.
shivamogga central jail / ಶಿವಮೊಗ್ಗ ಕೇಂದ್ರ ಕಾರಾಗೃಹ
ಒಟ್ಟು ಐವತ್ತೈದು ಸಿಬ್ಬಂದಿಯನ್ನು ಹೊಂದಿದ್ದ ಪೊಲೀಸ್ ಟೀಂಗೆ ಅಡಿಷನಲ್ ಎಸ್ಪಿಯವರ ನೇತೃತ್ವವಿತ್ತು. ಇನ್ನು ಈ ಟೀಂನಲ್ಲಿ ಇಬ್ಬರು ಡಿವೈಎಸ್ಪಿ, ನಾಲ್ವರು ಸಿಪಿಐ, 8 ಪಿಎಸ್ಐ ಸಹ ಇದ್ದರು. ಮಲೆನಾಡು ಟುಡೆಗೆ ಲಭ್ಯವಾಗಿರುವ ಮಾಹಿತಿ ಪ್ರಕಾರ, ಇದೊಂದು ರೊಟಿನ್ ರೇಡ್ ಆಗಿದ್ದು, ಪೊಲೀಸರ ದಾಳಿಯ ಸಂದರ್ಭದಲ್ಲಿ ಯಾವುದೇ ಕಾನೂನು ಬಾಹಿರ ವಸ್ತುಗಳು ಲಭ್ಯವಾಗಿಲ್ಲ ಎಂದು ಹೇಳಲಾಗುತ್ತಿದೆ. ಆದಾಗ್ಯು ಈ ಕುರಿತಾಗಿ ಪೊಲೀಸ್ ಇಲಾಖೆಯಿಂದ ಇನ್ನಷ್ಟೆ ಅಧಿಕೃತ ಮಾಹಿತಿ ಲಭ್ಯವಾಗಬೇಕಿದೆ.
