SHIVAMOGGA | Dec 30, 2023 | ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆಯೋದಕ್ಕೆ ಅಂತಾನೇ ಲಕ್ಷಾಂತರ ಯುವಕರು ಕ್ರಿಕೆಟ್ ಮೈದಾನದಲ್ಲಿ ಬೆವರು ಹರಿಸುತ್ತಾರೆ. ಅಷ್ಟೆಅಲ್ಲದೆ ರೆಕಾರ್ಡ್ ಮೇಲೆ ರೆಕಾರ್ಡ್ ಬ್ರೇಕ್ ಮಾಡುತ್ತಾರೆ. ಆದರೆ ಅಂತಿಮವಾಗಿ ಕೆಲವೇ ಮಂದಿಗೆ ಬ್ಲೂ ಜೆರ್ಸಿ ತೊಡುವ ಅದೃಷ್ಟ ಸಿಗುತ್ತದೆ.
ಇದರ ನಡುವೆ ಬೇರೆ ದೇಶದ ನ್ಯಾಷನಲ್ ಟೀಂನಲ್ಲಿ ಆಡುವ ಅವಕಾಶವನ್ನು ಅನಿವಾಸಿ ಭಾರತೀಯರು ತಮ್ಮದಾಗಿಸಿಕೊಳ್ತಿದ್ದಾರೆ. ಆ ಪೈಕಿ ಶಿವಮೊಗ್ಗ ಜಿಲ್ಲೆ ಸೊರಬ ತಾಲ್ಲೂಕು ಹರೀಶಿ ಮೂಲದ ದಂಪತಿಗಳ ಆದಿ ಹೆಗ್ಡೆ ಎಂಬವರು ಸ್ಕಾಟ್ಲ್ಯಾಂಡ್ ಮೂಲದ ಅಂಡರ್ 19 ಟೀಂಗೆ ಸೆಲೆಕ್ಟ್ ಆಗಿದ್ದಾರೆ.
ಆದಿ ಹೆಗ್ಡೆ ಸನ್ ಆಫ್ ಡಾ.ವಿಜಯ್ ಹಾಗೂ ಶುಭಾ. ಸದ್ಯ ಸ್ಕಾಟ್ಲ್ಯಾಂಡ್ನಲ್ಲಿ ವೈದ್ಯರಾಗಿರವ ಡಾ.ವಿಜಯ್ ದಂಪತಿಯ ಮಗ ಸದ್ಯ ಐಸಿಸಿಯು-19 ವಿಶ್ವಕಪ್ ಪಂದ್ಯಾವಳಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ಲೆಫ್ಟ್ ಹ್ಯಾಂಡ್ ಬ್ಯಾಟ್ಸ್ಮನ್ ಮತ್ತು ಎಡಗೈ ಸ್ಪಿನ್ ಬೌಲರ್ ಆಗಿರುವ ಆದಿ ಹೆಗ್ಡೆ ಆಲ್ರೌಂಡರ್ ಆಗಿ ಪ್ರದರ್ಶನ ನೀಡಲಿದ್ದಾರೆ.
ಶಿವಮೊಗ್ಗದದ ಸಹ್ಯಾದ್ರಿ ಕ್ರಿಕೆಟ್ ಅಕಾಡೆಮಿಯ ನಾಗರಾಜ್ ರವರ ಬಳ ಕ್ರಿಕೆಟ್ನ ವಿದ್ಯೆ ಹೇಳಿಸಿಕೊಂಡಿರುವ ಆದಿ ಬೆಂಗಳೂರು ನ ಜಸ್ಟ್ ಕ್ರಿಕೆಟ್ ಅಕಾಡೆಮಿಯಲ್ಲಿಯು ತರಬೇತಿ ಪಡೆದಿದ್ದಾರೆ. ಇವರ ತಾಯಿಯ ತವರು ಶಿವಮೊಗ್ಗವಾಗಿದ್ದು ಆದಿಗೂ ಶಿವಮೊಗ್ಗದ ಬಗ್ಗೆ ವಿಶೇಷ ಒಲವಿದೆ.