ನಿಮ್ಮ ಬ್ಯಾಂಕ್​ ಅಕೌಂಟ್​ನ್ನ ವಂಚಕರೂ ಹೀಗೆ ಬಳಸಿಕೊಳ್ಳುತ್ತಾರೆ ಹುಷಾರ್! ಯಾಮಾರಿದ್ರೆ ಕಳ್ಳರು ನೀವೇ ಆಗಬಹುದು ಎಚ್ಚರ!?

MALENADUTODAY.COM  |SHIVAMOGGA| #KANNADANEWSWEB

ಸೈಬರ್ ಕ್ರೈಂಗಳು ದಿನಕ್ಕೊಂದು ರೂಪ ಪಡೆದುಕೊಳ್ಳುತ್ತಿದೆ. ಭದ್ರತಾ ಸಂಸ್ಥೆಗಳ ಸೈಬರ ಸೆಕ್ಯುರಿಟಿ ಟೈಟ್ ಆಗ್ತಿರುವಂತೆ ವಂಚಕರು ನಾನಾ ದಾರಿಗಳನ್ನು ಬಳಸಿಕೊಳ್ಳುತ್ತಿದ್ದಾರೆ. ಇದಕ್ಕೆ ಸಾಕ್ಷಿ ಎಂಬಂತೆ ಯಾರೋ ಇನ್ನೊಬ್ಬರಿಗೆ ಮೋಸ ಮಾಡುವ ಸಲುವಾಗಿ, ಮತ್ತೊಬ್ಬರ ಬ್ಯಾಂಕ್ ಅಕೌಂಟ್​ ಬಳಸಿಕೊಂಡ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ. 

ಜಗಳ ಬಿಡಿಸಲು ಹೋಗಿದ್ದೆ ತಪ್ಪಾಯ್ತು! ಪರಿಚಯಸ್ಥರಿಂದಲೇ ಬಿತ್ತು ಏಟು!

ನಡೆದಿದ್ದೇನು? 

ವಿಳಾಸ, ಹೆಸರು ಗೌಪ್ಯವಾಗಿಡಲಾಗಿದ್ದು, ಸುದ್ದಿಯನ್ನು ನೋಡುವುದಾದರೆ, ಶಿವಮೊಗ್ಗ ಜಿಲ್ಲೆ ವ್ಯಕ್ತಿಯೊಬ್ಬರು ಈ ಸಂಬಂಧ ದೂರು ನೀಡಿದ್ದಾರೆ. ಅಸಲಿಗೆ ಅವರು ಆ್ಯಪ್ ವೊಂದರ ಮೂಲಕ ಸಾಲ ಪಡೆಯಲು ಟ್ರೈ ಮಾಡುತ್ತಿದ್ದರು. ಅದಕ್ಕಾಗಿ ಆ್ಯಪ್​ವೊಂದನ್ನ ಬಳಸುತ್ತಿದ್ದಾಗ, ಅದರಲ್ಲಿ ಪಿಡಿಎಫ್ ಪಾಸ್​ವರ್ಡ್ ಕೇಳಿದೆ. ಅದರ ಬಗ್ಗೆ ತಿಳಿಯಲು ಸಂತ್ರಸ್ತರು ಗೂಗಲ್ ಸರ್ಚ್ ಮಾಡಿದ್ದಾರೆ. ಅಲ್ಲಿದ್ದ ಟೋಲ್​ ಫ್ರೀ ನಂಬರ್​ಗೆ ಕರೆ ಮಾಡಿದ್ದಾರೆ. ಅತ್ತಕಡೆಯಿಂದ ಪಾಸ್​ವರ್ಡ್​ ನೀಡುವುದಾಗಿ ಹೇಳಿ, ದೂರುದಾರರಿಗೆ ವಾಟ್ಸ್ಯಾಪ್ ಕಾಲ್ ಮಾಡಿದ್ದಾರೆ, ಆನಂತರ ಓಟಿಪಿ ಹಾಗೂ ಇತರೆ ಬ್ಯಾಂಕ್ ಡಿಟೇಲ್ಸ್​ ಕೇಳಿ ಪಾಸ್​ವರ್ಡ್​ ಬರುತ್ತೆ ಅಂತಾ ತಿಳಿಸಿದ್ದಾರೆ. 

#save visl : ಉಕ್ಕಿನ ಕಾರ್ಖಾನೆಯನ್ನು ಉಳಿಸಲು ಶ್ರೀಗಳಿಗೆ ಮೊರೆ! ಪೇಜಾವರ ಶ್ರೀಗಳ ಬಳಿಕ, ರಂಬಾಪುರಿ ಶ್ರೀಗಳಿಗೆ ಮನವಿ!

ಗೊತ್ತಾಗದ ಹಾಗೆ ಯಾಮಾರಿಸ್ತಾರೆ!?

ಈ ಮಧ್ಯೆ ದೂರುದಾರರು, ತಮ್ಮ ಸ್ನೇಹಿತರಿಂದ 50 ಸಾವಿರ ಸಾಲ ಕೇಳಿದ್ದರು, ಅವರು ಅದನ್ನು ಯುಪಿಐ ಮೂಲಕ ನೀಡಿದ್ದಾರೆ. ಹಣ ಬಂದಿರೋದನ್ನ ಖಾತ್ರಿ ಮಾಡಿಕೊಳ್ಳಲು ಬ್ಯಾಂಕ್​ ಹೋದಾಗ, ದೂರುದಾರರಿಗೆ ಶಾಕ್ ಆಗಿತ್ತು. ಏಕೆಂದರೆ ಅವರ ಅಕೌಂಟ್ ಪ್ರೀಜ್​ ಆಗಿತ್ತು. ಆನಂತರ ವಿಚಾರಿಸಿದಾಗ, ತಮ್ಮದೇ ಅಕೌಂಟ್​ನ ಫೋನ್​ ನಂಬರ್ ಹಾಗೂ ಇಮೇಲ್​ ಐಡಿ ಡಿಟೇಲ್ಸ್ ಬದಲಾಗಿರೋದು ಗೊತ್ತಾಗಿದೆ. ಅಲ್ಲದೆ ಯಾರದ್ದೋ ಅಕೌಂಟ್​ನಿಂದ ಹಣವನ್ನು ಇವರ ಅಕೌಂಟ್​ಗೆ ವರ್ಗಾವಣೆಯಾಗಿದ್ದು, ಅಲ್ಲಿಂದ ಮತ್ತೆಲ್ಲಿಗೋ ಟ್ರಾನ್ಸಫರ್ ಆಗಿದೆ. ಇದು ಸಾಕಷ್ಟು ಅನುಮಾನಕ್ಕೆ ಕಾರಣವಾಗಿದ್ದು, ವರ್ಗಾವಣೆಯಾದ ಹಣಕ್ಕೂ ತಮಗೂ ಸಂಬಂಧವಿಲ್ಲ, ಹಾಗೂ ತಮ್ಮ ಅಕೌಂಟ್ ಹ್ಯಾಕ್ ಮಾಡಿರುವ ಆರೋಪಿ ವಿರುದ್ದ ಕ್ರಮ ಕೈಗೊಳ್ಳಬೇಕು ಎಂದು ದೂರು ನೀಡಿದ್ದಾರೆ. 

READ |BREAKING NEWS : ಶಿವಮೊಗ್ಗದಲ್ಲಿ ಮತ್ತಿಬ್ಬರ ಮೇಲೆ ಗೂಂಡಾ ಕಾಯ್ದೆ (gunda act) ಜಾರಿ! ವರ್ಷವಿಡಿ ಜೈಲು ಗ್ಯಾರಂಟಿ!