ಸುದ್ದಿಯ ಸ್ಥಳ: Shivamogga district, Karnataka
ಮಲೆನಾಡು ಟುಡೆ ಸುದ್ದಿ / ಶಿವಮೊಗ್ಗ / ತಾಲೂಕಿನ ಬಸವಾಪುರ ಸಮೀಪದ ಈಚಲವಾಡಿಯಲ್ಲಿ ಕರೆಂಟ್ ವಯರ್ ತುಳಿದು ಗಂಡಾನೆಯೊಂದು ಸತ್ತೋಗಿದೆ. ಇವತ್ತು ಬೆಳಗ್ಗೆ ಈ ವಿಚಾರ ಗೊತ್ತಾಗಿದೆ. ಬೆಳಗಿನ ಜಾವ 4 ಗಂಟೆ ಸುಮಾರಿಗೆ ಘಟನೆ ನಡೆದಿರಬಹುದು ಅಂತಾ ಹೇಳಲಾಗುತ್ತಿದೆ. ಘಟನೆ ಬೆನ್ನಲ್ಲೆ ಜಮೀನಿನ ಮಾಲೀಕನನ್ನು ಅರಣ್ಯಾಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. ವಿಚಾರ ಇನ್ನಷ್ಟಿದೆ.
ಬೆಳೆಗಾರರು ಆನೆ ಸೇರಿದಂತೆ ವನ್ಯಜೀವಿಗಳು ತುಳಿದು ಬೆಳೆ ಹಾಳಾಗಬಾರದು ಎಂದು, ಮೊಣಕಾಲು ಎತ್ತರಕ್ಕೆ ತಂತಿ ಬೇಲಿ ಹಾಕುತ್ತಾರೆ. ಶಂಕರ ರೇಂಜ್ನ ಈ ಗ್ರಾಮದಲ್ಲಿ ಸಹ ಕರೆಂಟ್ ಬೇಲಿ ಹಾಕಿ, ಅದಕ್ಕೆ ಕರೆಂಟ್ ಕೊಡಲಾಗಿತ್ತು. ಕಾಡಾನೆ ಇದನ್ನ ತುಳಿದ ಕೆಲವೇ ಕ್ಷಣಗಳಲ್ಲಿ ಅಲ್ಲಿಯೇ ಸಾವನ್ನಪ್ಪಿದೆ. ಘಟನೆಗೆ ಸಂಬಂಧಿಸಿದಂತೆ ಜಮೀನಿನ ಮಾಲೀಕನ ವಿಚಾರಣೆ ಮುಂದುವರಿದಿದೆ. ಅಧಿಕಾರಿಗಳು ಸ್ಥಳಕ್ಕೆ ಬಂದಿದ್ದಾರೆ. ತನಿಖೆ ನಡೆಯುತ್ತಿದೆ.
