ಸುದ್ದಿಯ ಸ್ಥಳ: Shivamogga district, Karnataka
KARNATAKA NEWS/ ONLINE / Malenadu today/ Oct 3, 2023 SHIVAMOGGA NEWS
ಶಿವಮೊಗ್ಗದ ಬೆಳವಣಿಗೆಗಳ ನಡುವೆ ಅತ್ತ ಶಿವಮೊಗ್ಗ ವಿಮಾನ ನಿಲ್ದಾಣದ ಲ್ಲಿ ಇಂಡಿಗೋ ವಿಮಾನ ಸುಲಭ ಲ್ಯಾಂಡಿಂಗ್ ಸಾಧ್ಯವಾಗದೇ ಬೆಂಗಳೂರಿಗೆ ವಾಪಸ್ ಹೋಗಿ ಮತ್ತೆ ಪುನಃ ಬಂದು ಲ್ಯಾಂಡ್ ಘಟನೆಯೊಂದರ ಬಗ್ಗೆ ವರದಿಯಾಗಿದೆ.
ಏನಿದು ಘಟನೆ
ಬೆಂಗಳೂರಿನಿಂದ ಶಿವಮೊಗ್ಗಕ್ಕೆ ಕಳೆದ ಭಾನುವಾರ ಆಗಮಿಸಿದ ವಿಮಾನ, ಲ್ಯಾಂಡ್ ಆಗಲು ಸಾಧ್ಯವಾಗಲಿಲ್ಲ. ಶಿವಮೊಗ್ಗ ಏರ್ಪೋರ್ಟ್ನಲ್ಲಿ ತುಂತುರು ಮಳೆಯಾಗುತ್ತಿತ್ತು ಹಾಗೂ ಮೋಡ ಆವರಿಸಿತ್ತು. ಹೀಗಾಗಿ ಇಂಡಿಗೋ ವಿಮಾನ ಒಮ್ಮೆ ಏರ್ಪೋರ್ಟ್ನ ಸುತ್ತಮುತ್ತ ಹಾರಾಟ ನಡೆಸಿದೆ. ಲ್ಯಾಂಡಿಂಗ್ ಆಗಲು ರನ್ವೇ ಕಾಣದ ಹಿನ್ನೆಲೆಯಲ್ಲಿ ವಾಪಸ್ ಬೆಂಗಳೂರಿಗೆ ಹೋಗಿದೆ. ಅಲ್ಲಿ ಲ್ಯಾಂಡ್ ಆದ ವಿಮಾನ 20 ನಿಮಿಷ ಉಳಿದು ಆನಂತರ ಮತ್ತೆ ಶಿವಮೊಗ್ಗದ ಕಡೆಗೆ ಹಾರಾಟ ನಡೆಸಿದೆ. ಶಿವಮೊಗ್ಗ ಏರ್ಪೋರ್ಟ್ಗೆ ವಾಪಸ್ ಬಂದು ಸುರಕ್ಷಿತವಾಗಿ ಲ್ಯಾಂಡ್ ಆಯಿತು.
ಬೆಂಗಳೂರಿನಿಂದ ಶಿವಮೊಗ್ಗ ಏರ್ಪೋರ್ಟ್ಗೆ ಬೆಳಗ್ಗೆ 10.45ರ ಸುಮಾರಿಗೆ ವಿಮಾನ 10 ನಿಮಿಷ ಆಕಾಶದಲ್ಲಿ ಹಾರಾಟ ನಡೆಸಿತ್ತು. ಆನಂತರ ಬೆಂಗಳೂರಿಗೆ ತೆರಳಿತು. ಅಲ್ಲಿಂದ ಮಧ್ಯಾಹ್ನ 1.52ಕ್ಕೆ ಶಿವಮೊಗ್ಗ ಏರ್ಪೋರ್ಟ್ಗೆ ಬಂದು ವಿಮಾನವನ್ನು ಇಳಿಸಲಾಯ್ತು. ಬಳಿಕ 2.29ಕ್ಕೆ ಶಿವಮೊಗ್ಗದಿಂದ ಪ್ರಯಾಣಿಕರನ್ನು ಹೊತ್ತು ಬೆಂಗಳೂರಿಗೆ ತೆರಳಿತು.
ಇನ್ನಷ್ಟು ಸುದ್ದಿಗಳು