ಶಿವಮೊಗ್ಗದ ಈದ್ಗಾ ಮೈದಾನಕ್ಕೆ ಸಿಸಿ ಟಿವಿ ಅಳವಡಿಕೆ | ಕಾರಣವೇನು

SHIVAMOGGA| MALENADUTODAY NEWS | ಮಲೆನಾಡು ಟುಡೆ  Apr 8, 2025 ‌‌ 

ಶಿವಮೊಗ್ಗ ಡಿಸಿ ಆಫೀಸ್​ ಎದುರಿನ ಖಾಲಿ ಜಾಗದ ವಿಚಾರ ವಿವಾದವಾಗಿರುವ ಬೆನ್ನಲ್ಲೆ ಶಿವಮೊಗ್ಗ ಪೊಲೀಸ್ ಇಲಾಖೆ ಸ್ಥಳದಲ್ಲಿ ಸಿಸಿ ಕ್ಯಾಮರಾಗಳನ್ನು ಅಳವಡಿಸಿದೆ. ಈಗಾಗಲೆ ಬ್ಯಾರಿಕೇಡ್ ಅಳವಡಿಸಿರುವ ಸ್ಥಳದಲ್ಲಿ ಹೆಚ್ಚುವರಿ ಪೊಲೀಸ್ ಸಿಬ್ಬಂದಿಗಳನ್ನು ಕಾವಲಿಗೆ ನಿಯೋಜಿಸಲಾಗಿದೆ. ದಿನದ 24 ಗಂಟೆಗಳ ಕಾಲವೂ ಸ್ಥಳದಲ್ಲಿ ಮೊಕ್ಕಾಂ ಹೂಡಿರುವ ಪೊಲೀಸ್ ಸಿಬ್ಬಂದಿ ಖಾಲಿಜಾಗದಲ್ಲಿ ಯಾವುದೆ ವಾಹನ ಪ್ರವೇಶಕ್ಕೆ ಅವಕಾಶ ನೀಡುತ್ತಿಲ್ಲ ಹಾಗೂ ಅಹಿತಕರ ಘಟನೆಗಳು ನಡೆಯದಂತೆ ಮುನ್ನೆಚ್ಚರಿಕೆ ವಹಿಸುತ್ತಿದ್ದಾರೆ. ಇದರ ನಡುವೆ ಮೈದಾನದ ಆಯಕಟ್ಟಿನ ಜಾಗಗಳು ಸೇರಿದಂತೆ ಒಟ್ಟು 14 ಕಡೆಗಳಲ್ಲಿ ಸಿಸಿ ಕ್ಯಾಮರಾಗಳನ್ನು ಅಳವಡಿಸಿದ್ದಾರೆ.

ಮೈದಾನದ ಮಾಲಿತ್ವದ ವಿಚಾರ ಸಾಕಷ್ಟು ಚರ್ಚೆ ಹಾಗೂ ವಿವಾದಕ್ಕೆ ಕಾರಣವಾಗಿದೆ.ಈ ನಡುವೆ ಮೈದಾನಕ್ಕೆ ದಿಢೀರ್ ಎಂಬಂತೆ ಬೇಲಿ ಹಾಕಿದ್ದು, ವಿವಾದ ಇನ್ನಷ್ಟು ತೀವ್ರಗೊಳ್ಳಲು ಕಾರಣವಾಗಿತ್ತು. ಹಾಕಿದ ಬೇಲಿಯನ್ನು ತೆಗೆಯುವಂತೆ ಹಿಂದೂಪರ ಸಂಘಟನೆಗಳು ಪ್ರತಿಭಟನೆ ನಡೆಸಿದ್ದವು. ಆನಂತರ ಪೊಲೀಸ್ ಕಾವಲಿನಲ್ಲಿ ಪಾಲಿಕೆಯ ಸಿಬ್ಬಂದಿ ಬೇಲಿ ತೆರವುಗೊಳಿಸಿದ್ದರು. ಅಲ್ಲದೆ ಮೈದಾನದ ಸುತ್ತ ಬ್ಯಾರಿಕೇಡ್​ಗಳನ್ನು ಅಳವಡಿಸಲಾಗಿತ್ತು. ಮರುದಿನ ಮುಸ್ಲಿಮ್​ ಸಂಘಟನೆಗಳು ಮೈದಾನವೂ ಈದ್ಗಾ ಮೈದಾನವಾಗಿದ್ದು, ಅದರ ಮಾಲಿಕತ್ವ ವಕ್ಫ್​ಗೆ ಸೇರಿದ್ದು ಎಂದು ಪ್ರತಿಭಟಿಸಿ ಡಿಸಿ ಗುರುದತ್ ಹೆಗಡೆಯವರನ್ನು ಭೇಟಿಯಾಗಿ ದಾಖಲೆ ಸಲ್ಲಿಸಿದ್ದವು. ಆನಂತರ ಜಿಲ್ಲಾಧಿಕಾರಿ, ದಾಖಲೆ ಪರಿಶೀಲನೆಯಾಗುವರೆಗೂ ವಿವಾದಿತ ಜಾಗದಲ್ಲಿ ವಾಹನ ಪ್ರವೇಶ ನಿರ್ಬಂಧಿಸಿದ್ದರು. ಈ ಬೆಳವಣಿಗೆಗಳ ನಂತರ ಬಿಜೆಪಿ ಹಾಗೂ ರಾಷ್ಟ್ರ ಭಕ್ತ ಬಳಗ ಪ್ರತ್ಯೇಕ ಪ್ರತಿಭಟನೆ ನಡೆಸಿ ಮೈದಾನವೂ ಆಟದ ಮೈದಾನವಾಗಿದೆ, ಅದು ಸಾರ್ವಜನಿಕ ಆಸ್ತಿ ಎಂದು ವಾದಿಸಿದ್ದಷ್ಟೆ ಅಲ್ಲದೆ ಬ್ಯಾರಿಕೇಡ್​ ತೆರವಿಗೆ ಜಿಲ್ಲಾಡಳಿತಕ್ಕೆ ಗಡುವು ನೀಡಿತ್ತು. 

ಇದರ ನಡುವೆ ಪೊಲೀಸ್ ಇಲಾಖೆ ಮೈದಾನದ ವೀಕ್ಷಣೆಗೆ  ಸಿಸಿ ಕ್ಯಾಮರಾಗಳನ್ನು ಅಳವಡಿಸಿದೆ. ಈ ಮೂಲಕ ಮತ್ಯಾವುದೇ ರೀತಿಯ ಘಟನೆಗಳಿಗೆ ಅವಕಾಶ ಆಗದಂತೆ ಮಾನಿಟರ್ ಮಾಡಲು ಮುಂದಾಗಿದೆ.

SUMMARY | The Shivamogga police department has installed CCTV cameras at the spot in the wake of the controversy over the vacant land in front of the Shivamogga DC’s office. Additional police personnel have been deployed to guard the area where barricades have already been erected

KEYWORDS | police, department,  controversy,