canara Bank cuts interest rates ಕೆನರಾ ಬ್ಯಾಂಕ್‌ನಿಂದ ರೆಪೊ ದರ ಆಧರಿಸಿದ ಸಾಲದ ಬಡ್ಡಿದರ ಕಡಿತ
ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ಪ್ರಮುಖ ಬ್ಯಾಂಕ್‌ಗಳಲ್ಲಿ ಒಂದಾದ ಕೆನರಾ ಬ್ಯಾಂಕ್, ತನ್ನ ರೆಪೊ ದರ ಆಧರಿಸಿದ ಸಾಲದ ಮೇಲಿನ ಬಡ್ಡಿದರವನ್ನು (RBLR) ಶೇ 0.50ರಷ್ಟು ಕಡಿತಗೊಳಿಸಿದೆ. ಇದು ಸಾಲಗಾರರಿಗೆ ಸಿಹಿ ಸುದ್ದಿಯಾಗಿದೆ. ಈ ದರ ಕಡಿತದ ಪರಿಣಾಮವಾಗಿ, ಮನೆ ಮತ್ತು ವಾಹನ ಸಾಲಗಳ ವಾರ್ಷಿಕ ಬಡ್ಡಿದರಗಳು ಕ್ರಮವಾಗಿ ಶೇ 7.40 ಮತ್ತು ಶೇ 7.70ಕ್ಕೆ ಇಳಿದಿವೆ. ಈ ಪರಿಷ್ಕೃತ ಹೊಸ ಬಡ್ಡಿದರಗಳು ಈಗಾಗಲೇ ಜೂನ್ 12, 2025 ರಿಂದ ಜಾರಿಗೆ ಬಂದಿವೆ ಎಂದು ಬ್ಯಾಂಕ್ ತಿಳಿಸಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಇತ್ತೀಚೆಗೆ ರೆಪೊ ದರವನ್ನು ಶೇ 0.50ರಷ್ಟು ಕಡಿಮೆ ಮಾಡಿತ್ತು. ಆರ್.ಬಿ.ಐ.ನ ಈ ನಿರ್ಧಾರದ ಬೆನ್ನಲ್ಲೇ, ಕೆನರಾ ಬ್ಯಾಂಕ್ ಕೂಡ ಬಡ್ಡಿದರಗಳನ್ನು ತಗ್ಗಿಸುವ ಮೂಲಕ ಈ ಪ್ರಯೋಜನವನ್ನು ತನ್ನ ಗ್ರಾಹಕರಿಗೆ ವರ್ಗಾಯಿಸಿದೆ. ಇದರಿಂದ ಹೊಸ ಸಾಲ ಪಡೆಯುವವರಿಗೆ ಹಾಗೂ ರೆಪೊ ದರಕ್ಕೆ ಜೋಡಣೆಯಾದ ಸಾಲ ಹೊಂದಿರುವವರಿಗೆ ಅನುಕೂಲವಾಗಲಿದೆ.
Canara Bank cuts interest rates on loans based on repo rate
