ಈ ಸಲ ಯುದ್ದನೇ ಬೇರೆ, ಟಾಕ್ಸಿಕ್​​ನಲ್ಲಿ ಯಶ್​​ ಲುಕ್​ ನೋಡಿದ್ರಾ

Yash’s Toxic Movie ರಾಕಿಂಗ್ ಸ್ಟಾರ್ ಯಶ್ ನಟಿಸಿ, ನಿರ್ಮಿಸಿರುವ ಬಹುನಿರೀಕ್ಷಿತ ಟಾಕ್ಸಿಕ್ ಚಿತ್ರವು ಮುಂಬರುವ ಮಾರ್ಚ್ 19 ರಂದು ವಿಶ್ವದಾದ್ಯಂತ ತೆರೆಕಾಣಲು ಸಿದ್ಧವಾಗಿದೆ. ಇದೀಗ ಚಿತ್ರದ  ಟೀಸರ್​ ಕೆವಿಎನ್ ಪ್ರೊಡಕ್ಷನ್ ಯೂಟ್ಯೂಬ್ ಚಾನಲ್‌ನಲ್ಲಿ ಬಿಡುಗಡೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದೆ.

ಶಿವಮೊಗ್ಗದ ಕೋಟೆ ಮಾರಿಕಾಂಬಾ ಜಾತ್ರೆಗೆ ಸಿದ್ಧವಾಯ್ತು ಹೊಸ ಸಾಂಗ್: ಹರಕೆ ರೂಪದ ಮಾರಿ ಜಾತ್ರೆ ಆಲ್ಬಂ ಬಿಡುಗಡೆ ಯಾವಾಗ

ಈ ಸಲ ಯುದ್ಧವೇ ಬೇರೆ ಎಂಬ ಪವರ್‌ಫುಲ್ ಡೈಲಾಗ್‌ನೊಂದಿಗೆ ಆರಂಭವಾಗುವ ಈ ಟ್ರೈಲರ್ ನೋಡುಗರ ಗಮನ ಸೆಳೆಯುತ್ತಿದೆ. ಟ್ರೈಲರ್‌ನ ಬಹುತೇಕ ಭಾಗವು ಡಾರ್ಕ್ ಶೇಡ್‌ನಲ್ಲಿ ಚಿತ್ರೀಕರಣಗೊಂಡಿದ್ದು, ಸಿಗರೇಟು ಮತ್ತು ಮದ್ಯದ ಅಮಲು ಸೇರಿದಂತೆ ರಕ್ತಸಿಕ್ತವಾದ ದೃಶ್ಯಗಳು ಎದ್ದು ಕಾಣುತ್ತಿವೆ. ಇನ್ನು ಕೆಲವು ಅಡಲ್ಟ್ ಸೀನ್‌ಗಳನ್ನು ಒಳಗೊಂಡಿರುವ ಈ ಚಿತ್ರವು ಪಕ್ಕಾ ಮಾಸ್ ಆಕ್ಷನ್ ಸಿನಿಮಾವಾಗಿ ಮೂಡಿಬಂದಿರುವುದು ನೋಡಬಹುದು. ಇದರ ಜೊತೆಗೆ ಬೃಹದಾಕಾರದ ವಿಎಫ್‌ಎಕ್ಸ್ ಸೆಟ್‌ಗಳನ್ನು ಈ ಟ್ರೈಲರ್‌ನಲ್ಲಿ ಕಾಣಬಹುದಾಗಿದೆ. 

ಸುಮಾರು 1.55 ನಿಮಿಷ ಇರುವ ಈ ಟ್ರೈಲರ್‌ನಲ್ಲಿ, ಮೊದಲಿಗೆ ನಟನೊಬ್ಬ ಯಶ್‌ಗೆ ಮತ್ತೊಂದು ಗುಂಪಿನ ಪರಿಚಯ ಮಾಡಿಕೊಡುತ್ತಾ  ಸಿಗರೇಟ್​​ ಹ್ಯಾಷ್’ ಹೊಡೆಯುತ್ತಿರುತ್ತಾನೆ. ನಂತರ ಗಿವ್ ಅಪ್ ರಾಯ ಇಟ್ ಈಸ್ ಓವರ್” ಎಂದು ಹೇಳಿದಾಗ, ಅದಕ್ಕೆ ಪ್ರತಿಯಾಗಿ ಯಶ್ ಅವರು “ಇಟ್ಸ್ ಓವರ್? ಹಿ ಸೇ ಇಟ್ಸ್ ಓವರ್ ಎಂಬ ಖಡಕ್ ಡೈಲಾಗ್ ಹೊಡೆಯುತ್ತಾ ನೀರಿನಲ್ಲಿ ಮುಳುಗೆದ್ದು ಬರುವ ಲುಕ್ ಅದ್ಭುತವಾಗಿದೆ. ಟ್ರೈಲರ್‌ನಲ್ಲಿ ಹೊಡಿ-ಬಡಿ ದೃಶ್ಯಗಳ ಅಬ್ಬರ ಜೋರಾಗಿದ್ದು, ಕೊನೆಯಲ್ಲಿ ಸಂಪೂರ್ಣವಾಗಿ ಬದಲಾದ ಹೇರ್ ಸ್ಟೈಲ್ ಹಾಗೂ ಬಿಯರ್ಡ್ ಲೆಸ್​​ ಲುಕ್​ನಲ್ಲಿ  ಯಶ್ ಡ್ಯಾನ್ಸ್ ಮಾಡುವ ಮೂಲಕ ಅಭಿಮಾನಿಗಳಿಗೆ ಸರ್ಪ್ರೈಸ್ ನೀಡಿದ್ದಾರೆ. 

ಹಿಂದೆ ಬಿಡುಗಡೆಯಾಗಿದ್ದ ಟೀಸರ್‌ನಲ್ಲಿ ಅಡಲ್ಟ್ ಸೀನ್‌ಗಳು ಹೆಚ್ಚಿದ್ದ ಕಾರಣ ಸಾಕಷ್ಟು ಟೀಕೆಗಳು ವ್ಯಕ್ತವಾಗಿದ್ದವು. ಆದರೆ ಈಗ ಬಿಡುಗಡೆಯಾಗಿರುವ ಟ್ರೈಲರ್‌ನಲ್ಲಿ ಅಂತಹ ಸೀನ್​ಗಳು ಕಡಿಮೆಯಿದ್ದು, ರಕ್ತಪಾತದ ಆಕ್ಷನ್ ಸೀನ್‌ಗಳಿಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆ. ಒಟ್ಟಾರೆಯಾಗಿ ಮಾರ್ಚ್ 19 ರಂದು ಕನ್ನಡ ಸೇರಿದಂತೆ ಒಟ್ಟು ಆರು ಭಾಷೆಗಳಲ್ಲಿ ಟಾಕ್ಸಿಕ್ ಸಿನಿಮಾ ವಿಶ್ವಾದ್ಯಂತ ಅದ್ದೂರಿಯಾಗಿ ಬಿಡುಗಡೆಯಾಗಲಿದೆ.

Yash’s Toxic Movie Teaser Released