ಸುದ್ದಿಯ ಸ್ಥಳ: Shivamogga district, Karnataka
ಮಲೆನಾಡು ಟುಡೆ ಸುದ್ದಿ / ಶಿವಮೊಗ್ಗ / ನಮ್ಮೂರಲ್ಲಿ ಜನಕ್ಕೆ ಟ್ರಾಫಿಕ್ ಪೈನ್ ಅನ್ನೋದು ಏನು ಅನಿಸುತ್ತಿದೆಯೋ ಗೊತ್ತಿಲ್ಲ. ಆದರೂ ಮಕ್ಕಳ ಕೈಗೆ ಸ್ಕೂಟಿ ಕೊಡುತ್ತಲೆ ಇದ್ದಾರೆ. ಇದಕ್ಕೆ ಪೂರಕವಾಗಿ ಶಿವಮೊಗ್ಗ ಟ್ರಾಫಿಕ್ ಪೊಲೀಸರು ನಾವು ಫೈನ್ ಹಾಕ್ತಾನೆ ಇರ್ತೀವಿ ಅಂತಾನೇ ಇದ್ದಾರೆ. ಇದಕ್ಕೀಗ ಹೊಸದೊಂದು ಉದಾಹರಣೆ ಈ ಸ್ಟೋರಿ.
ಬಾಲಕನಿಗೆ ಸ್ಕೂಟರ್ ಓಡಿಸಲು ಕೊಟ್ಟ ವೆಹಿಕಲ್ ಓನರ್ ಮಹಿಳೆಗೆ ಕೋರ್ಟ್ ₹25,000 ಫೈನ್ ಹಾಗಿದೆ. ಇದಕ್ಕೂ ಮೊದಲು ಶಿವಮೊಗ್ಗ ಪೂರ್ವ ಸಂಚಾರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಸಂಬಂಧ ಕೇಸ್ ಆಗಿ ಕೋರ್ಟ್ಗೆ ಚಾರ್ಜ್ಶೀಟ್ ಆಗಿತ್ತು
ಅಕ್ಟೋಬರ್ 25, 2026ರಂದಿನ ಪ್ರಕರಣವಿದು. ಅಂದು ಸಂಜೆ 7:26ರ ಸುಮಾರಿಗೆ ಶಿವಮೊಗ್ಗ ಪೂರ್ವ ಸಂಚಾರ ಪೊಲೀಸ್ ಠಾಣೆಯ ಎಸ್ಐ ಭಾರತಿ ಬಿ.ಎಚ್. ನಿರ್ಮಲಾ ಆಸ್ಪತ್ರೆಯ ಚಾನೆಲ್ ಬಳಿಯ 100 ಅಡಿ ರಸ್ತೆಯಲ್ಲಿ ಫೈನ್ ಹಾಕುತ್ತಾ ನಿಂತಿದ್ದರು.
IMV ಕೇಸ್ ಹಾಕುತ್ತಿದ್ದ ವೇಳೆ KA-14-H..-**** ರಿಜಿಸ್ಟ್ರೇಷನ್ನ ಹೋಂಡಾ ಡಿಯೋ ಸ್ಕೂಟರನ್ನ ಬಾಲಕನೊಬ್ಬ ಓಡಿಸಿಕೊಂಡು ಬರುತ್ತಿರುವುದು ಕಾಣಿಸಿದೆ. ಯಥಾಪ್ರಕಾರ, ಗಾಡಿ ಅಡ್ಡಹಾಕಿ, ಆತನ ಬಳಿ ಲೈಸೆನ್ಸ್ ಇತ್ಯಾದಿ ವಿಚಾರಿಸಲಾಗಿದೆ.
ಆ ಬಳಿಕ, ಡಿಯೋ ಓನರನ್ನ ಕರೆಸಿಕೊಂಡು ಮೋಟಾರು ವಾಹನ ಕಾಯ್ದೆಯ ಕಲಂ 199(A) ಅಡಿಯಲ್ಲಿ ಪ್ರಕರಣ ದಾಖಲಿಸಿ ಕೋರ್ಟ್ಗೆ ಚಾರ್ಜ್ ಶೀಟ್ ಸಲ್ಲಿಸಿದ್ದರು.ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯವು ವಾಹನದ ಮಾಲೀಕರಿಗೆ ಒಟ್ಟು ₹25,000 ದಂಡ ವಿಧಿಸಿ ಆದೇಶಿಸಿದೆ.
