ಮಲೆನಾಡು ಟುಡೆ ಸುದ್ದಿ / ಸಾಗರ: ರಷ್ಯಾದ ತುಲಾ ನಗರದಲ್ಲಿ ನಡೆದ 20ನೇ ಏಷ್ಯನ್ ಸ್ಕೂಲ್ಸ್ ಚೆಸ್ ಚಾಂಪಿಯನ್‌ಷಿಪ್ 2026ರಲ್ಲಿ ಸಾಗರ ಮೂಲದ 6ನೇ ತರಗತಿಯ ಬಾಲಕಿ ನಿಯೋಲಾ ಪಿಂಟೋ ಭಾರತಕ್ಕೆ ಮೂರು ಬಂಗಾರದ ಪದಕಗಳನ್ನು ತಂದುಕೊಡುವ ಮೂಲಕ ಶಿವಮೊಗ್ಗ ಜಿಲ್ಲೆ ಹಾಗೂ ರಾಜ್ಯಕ್ಕೆ ಕೀರ್ತಿ ತಂದಿದ್ದಾರೆ.
ಮೂಲತಃ ಸಾಗರ ತಾಲೂಕಿನವರಾದ ನಿಯೋಲಾ ಪಿಂಟೋ ಪ್ರಸ್ತುತ ಇಂಡಿಯನ್ ಸ್ಕೂಲ್ ಬೌಶರ್‌ನಲ್ಲಿ 6ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದಾರೆ. ಅಕ್ಟೋಬರ್ 1 ರಿಂದ 11, 2026 ರವರೆಗೆ ರಷ್ಯಾದ ತುಲಾ ನಗರದಲ್ಲಿ ನಡೆದ ಈ ಸರಣಿಯಲ್ಲಿ ಭಾರತೀಯ ತಂಡವು ಭಾಗವಹಿಸಿದ ಮೂರೂ ವಿಭಾಗಗಳಲ್ಲಿಯೂ ಪದಕಗಳನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.
ಈ ಸಾಧನೆಯು ಖಂಡ ಮಟ್ಟದ ಚಾಂಪಿಯನ್‌ಷಿಪ್‌ನಲ್ಲಿ ಭಾರತದ ಬಲವಾದ ಪ್ರದರ್ಶನವನ್ನು ಪ್ರತಿಬಿಂಬಿಸಿದ್ದು, ಕರ್ನಾಟಕದ ಚೆಸ್ ವಲಯಕ್ಕೆ ಹೆಮ್ಮೆಯ ಕ್ಷಣವಾಗಿದೆ. ನಿಯೋಲಾ ಪಿಂಟೋ ಅವರ ಈ ಅದ್ಭುತ ಸಾಧನೆಗೆ ಕರ್ನಾಟಕ ರಾಜ್ಯ ಚೆಸ್ ಅಸೋಸಿಯೇಷನ್ (KSCA) ಅಭಿನಂದನೆಗಳನ್ನು ಸಲ್ಲಿಸಿದ್ದು, ಅವರ ಮುಂದಿನ ಚೆಸ್ ರಂಗದ ಯತ್ನಗಳಿಗೆ ಶುಭ ಹಾರೈಸಿದೆ.
