ಎದೆಯಲ್ಲಿ ಹಾಲಿಲ್ಲ ಎಂಬ ಕಾರಣಕ್ಕೆ ತಾಯಿಯೊಬ್ಬಳು ಆತ್ಮಹತ್ಯೆ ಮಾಡಿಕೊಂಡ ಘಟನೆಯೊಂದು ಇದೀಗ ಮಲೆನಾಡಿಗರ ಮನ ಕಲಕುತಿದೆ. ಶಿವಮೊಗ್ಗ ಜಿಲ್ಲೆ ಸೊರಬ ತಾಲ್ಲೂಕಿನಲ್ಲಿ ಈ ಘಟನೆ ನಡೆದಿದೆ.

ಎನಾಯ್ತು?

ಸೊರಬ ತಾಲೂಕಿನ ಕುಪ್ಪಗಡ್ಡೆಯಲ್ಲಿ ಇಂತಹದ್ದೊಂದು ಘಟನೆ ನಡೆದಿದೆ. ಇಲ್ಲಿನ ಶಾಂತಾ(28) ಮೃತ ಮಹಿಳೆ . ಇಲ್ಲಿನ ಜಡ್ಡೆಹಳ್ಳಿ ಗ್ರಾಮಕ್ಕೆ ಮದುವೆಯಾಗಿ ಬಂದಿದ್ದ ಇವರು, ಬಾಣಂತನಕ್ಕಾಗಿ ತವರಿನಲ್ಲಿದ್ದರು

ಎದೆಹಾಲಿಲ್ಲದೆ ನೊಂದರೆ ತಾಯಿ

ಒಂದುವರೆ ತಿಂಗಳ ಮಗುವಿಗೆ ಹಾಲುಣಿಸಲು ಎದೆಯಲ್ಲಿ ಹಾಲು ಬರುತ್ತಿರಲಿಲ್ಲವಂತೆ. ಬರುವಷ್ಟು ಎದೆಹಾಲು ಮಗುವಿಗೆ ಸಾಕಾಗುತ್ತಿರಲ್ಲವಂತೆ. ಈ ವಿಚಾರದಲ್ಲಿ ಯಾರಾದರೂ ಗೃಹಿಣಿಯನ್ನ ನೋಯಿಸಿದರೋ ಅಥವಾ ವಿಚಾರವೇ ಅವರಲ್ಲಿ ಬೇಸರ ಮೂಡಿಸಿತೋ ಗೊತ್ತಿಲ್ಲ. ಇದ್ದಕ್ಕಿದ್ದಂತೆ ಮಗುವಿನ ಜೊತೆಗೆ ಶಾಂತಾ ಕಾಣೆಯಾಗಿದ್ದಾರೆ.

ಇದ್ದಕ್ಕಿದ್ದಂತೆ ಕಣ್ಮರೆಯಾದ ಶಾಂತಾ

ಮನೆಯವರೆಲ್ಲಾ ಶಾಂತಾ ಕಾಣುತ್ತಿಲ್ಲ ಎಂದು ಹುಡುಕುತ್ತಿರುವಾಗ ಹತ್ತಿರದಲ್ಲಿಯೇ ಇದ್ದ ತುಂಬೆಹೊಂಡದಲ್ಲಿ ಪುಟ್ಟ ಮಗುವಿನ ಶವ ತೇಲುತ್ತಿರುವುದು ಕಾಣಿಸಿದೆ. ತಕ್ಷಣ ಸ್ಥಳೀಯರು ಹಾಗೂ ಸ್ಥಳಕ್ಕೆ ಬಂದ ಅಗ್ನಿಶಾಮಕ ಸಿಬ್ಬಂದಿ ಶಾಂತಾಳಿಗಾಗಿಯು ಹುಡುಕಾಟ ನಡೆಸಿದ್ದಾರೆ. ಕೆಲಗಂಟೆಗಳ ಕಾರ್ಯಾಚರಣೆ ಬಳಿಕ ಶಾಂತಾರ ಶವ ಕೂಡ ಪತ್ತೆಯಾಗಿದೆ.

ಮಲೆನಾಡಿನಲ್ಲಿ ಇದೆಂತಹ ಘಟನೆ

ಇನ್ನೂ ಈ ಸಂಬಂಧ ಆನವಟ್ಟಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ನಡೆಸ್ತಿದ್ಧಾರೆ. ಆದಾಗ್ಯು ಎದೆಹಾಲು ನೀಡಲಾಗದ ಕಾರಣಕ್ಕೆ ತಾಯಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂಬ ವಿಚಾರ ನಿಜಕ್ಕೂ ಹೃದಯ ವಿದ್ರಾವಕ ಎನಿಸಿದ್ದು, ಮಲೆನಾಡಿನಲ್ಲಿ ಘಟನೆ ಬಗ್ಗೆ ಅಚ್ಚರಿ ಹಾಗೂ ದುಃಖ ವ್ಯಕ್ತವಾಗ್ತಿದೆ.