Shivamogga Trade License Mela 3 Day ಶಿವಮೊಗ್ಗದಲ್ಲಿ ಜುಲೈ 23 ರಿಂದ 3 ದಿನಗಳ ‘ಉದ್ದಿಮೆ ಪರವಾನಗಿ’ ಮೇಳ
ಶಿವಮೊಗ್ಗ, ಜುಲೈ 22, 2025: ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘ (Shivamogga District Chamber of Commerce and Industry) ಮಹಾನಗರಪಾಲಿಕೆಯ ಸಹಭಾಗಿತ್ವದಲ್ಲಿ ಈ ವರ್ಷವೂ ಬೃಹತ್ ‘ಉದ್ದಿಮೆ ಪರವಾನಗಿ’ (Trade License) ಮೇಳವನ್ನು ಆಯೋಜಿಸಿದೆ. ಈ ಮೇಳವು ಜುಲೈ 23, 24 ಮತ್ತು 25, 2025 ರಂದು ನಡೆಯಲಿದೆ.‘
Shivamogga Trade License Mela 3 Day
ಮಹಾನಗರಪಾಲಿಕೆಯು ಉದ್ದಿಮೆ ಪರವಾನಗಿ ಪಡೆಯುವ ಪ್ರಕ್ರಿಯೆಯನ್ನು ಸರಳೀಕೃತಗೊಳಿಸಿದ್ದು, ಶಿವಮೊಗ್ಗ ಮಹಾನಗರಪಾಲಿಕೆ ವ್ಯಾಪ್ತಿಯಲ್ಲಿ ಬರುವ ಪ್ರತಿಯೊಬ್ಬ ಉದ್ದಿಮೆದಾರರು ಮತ್ತು ವರ್ತಕರು ಈ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಬೇಕು ಎಂದು ಸಂಘದ ಗೌರವ ಕಾರ್ಯದರ್ಶಿ ಎ.ಎಂ. ಸುರೇಶ್ ಕೋರಿದ್ದಾರೆ. ಅಲ್ಲದೆ, ತಮ್ಮ ಅಕ್ಕಪಕ್ಕದ ವ್ಯಾಪಾರಸ್ಥರಿಗೂ ಈ ಬಗ್ಗೆ ಮಾಹಿತಿ ನೀಡಿ, ಪರವಾನಗಿ ಪಡೆಯಲು ಪ್ರೇರೇಪಿಸುವಂತೆ ಮನವಿ ಮಾಡಿದ್ದಾರೆ.
ಈ ಮೇಳವನ್ನು ಶಿವಮೊಗ್ಗ ಜಿಲ್ಲಾ ವಾಣಿಜ್ಯ ಮತ್ತು ಕೈಗಾರಿಕಾ ಸಂಘದ ಸಭಾಂಗಣದಲ್ಲಿ ಆಯೋಜಿಸಲಾಗಿದೆ. ಸಂಘದ ಮಾನ್ಯ ಸದಸ್ಯರು ಹಾಗೂ ನಗರದ ಎಲ್ಲಾ ಉದ್ದಿಮೆದಾರರು ಇದರ ಪ್ರಯೋಜನ ಪಡೆಯಬೇಕು ಎಂದು ತಿಳಿಸಲಾಗಿದೆ. ನಗರದ ವ್ಯಾಪಾರ ಸಮುದಾಯವು ಈ ಮೇಳದ ಉಪಯೋಗವನ್ನು ಪಡೆದುಕೊಂಡು ಕಾನೂನುಬದ್ಧವಾಗಿ ವ್ಯವಹಾರ ನಡೆಸಲು ಪರವಾನಗಿಗಳನ್ನು ಪಡೆದುಕೊಳ್ಳುವಂತೆ ಸಂಘವು ಮತ್ತೊಮ್ಮೆ ಮನವಿ ಮಾಡಿದೆ.
ಪರವಾನಗಿ ಪಡೆಯಲು/ನವೀಕರಿಸಲು ಬೇಕಾದ ದಾಖಲೆಗಳು:Shivamogga Trade License Mela 3 Day
ಉದ್ದಿಮೆ ಪರವಾನಗಿಯನ್ನು ನವೀಕರಿಸಲು ಬಯಸುವವರಿಗೆ:
ಕಳೆದ ವರ್ಷದ ಲೈಸೆನ್ಸ್ ಪ್ರತಿ
ಪಾನ್ಕಾರ್ಡ್ ಪ್ರತಿ
ಮೊಬೈಲ್ ಸಂಖ್ಯೆ
ಹೊಸ ಲೈಸೆನ್ಸ್ಗಾಗಿ ಬೇಕಾದ ದಾಖಲೆಗಳು:
ಅರ್ಜಿದಾರರ ಪಾಸ್ಪೋರ್ಟ್ ಸೈಜ್ ಫೋಟೋ
ಮುನಿಸಿಪಲ್ ಖಾತಾ ನಕಲು / ಪಹಣಿ / ಬಾಡಿಗೆ ಕರಾರು
ಆಧಾರ್ ಕಾರ್ಡ್
ವಿದ್ಯುಚ್ಛಕ್ತಿ ಬಿಲ್
ಮೊಬೈಲ್ ಸಂಖ್ಯೆ
ಪಾನ್ಕಾರ್ಡ್
ಇ-ಮೇಲ್ ಐಡಿ