ಶ್ರೀ ರಾಮ್ ಫೈನಾನ್ಸ್‌ನ ನೂತನ ಕಚೇರಿ ಆರಂಭ | ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನ

SHIVAMOGGA | MALENADUTODAY NEWS | ಮಲೆನಾಡು ಟುಡೆ |‌ Dec 14, 2024 ‌

ಶಿವಮೊಗ್ಗ| ಶ್ರೀ ರಾಮ್ ಫೈನಾನ್ಸ್‌ನ ನೂತನ ಕಚೇರಿ ವಿನೋಬಾನಗರದ ಫ್ರೀಡಂಪಾರ್ಕ್ ಬಳಿ ಡಿಸೆಂಬರ್ 17 ರಂದು ಆರಂಭವಾಗಲಿದೆ. ಅಲ್ಲಿ ಸುಮಾರು 80 ವಾಹನ ಚಾಲಕರ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನವನ್ನು ನೀಡಲಾಗುವುದು ಎಂದು ಶ್ರೀರಾಮ ಫೈನಾನ್ಸ್‌ನ ಡೆಪ್ಯುಟಿ ಜನರಲ್ ಮ್ಯಾನೇಜರ್ ಮೋಹನ್ ಕುಮಾರ್ ತಿಳಿಸಿದರು.

ನಗರದ ಪತ್ರಿಕಾ ಭವನದಲ್ಲಿ ಸುದ್ಧಿಗೋಷ್ಠಿ ನಡೆಸಿ ಮಾತನಾಡಿದ ಅವರು ನಮ್ಮ ಸಂಸ್ಥೆ ಸುಮಾರು 30 ವರ್ಷದಿಂದ ಶಿಮೊಗ್ಗದಲ್ಲಿ ಕಾರ್ಯನಿರ್ವಹಿಸುತ್ತಿದೆ. ನಗರದ ಬಿಹೆಚ್‌ ರೋಡ್‌ನಲ್ಲಿ ನಮ್ಮ ಸಂಸ್ಥೆಯ ಆಫೀಸ್‌ ಇತ್ತು. ಗ್ರಾಹಕರ ಅನುಕೂಲಕ್ಕಾಗಿ ನೂತನ ಶ್ರೀರಾಮ್‌ ಫೈನಾನ್ಸ್‌ ಆಫಿಸ್‌ನ್ನು ವಿನೋಬನಗರದ ಫ್ರೀಡಂಪಾರ್ಕ್‌ನ ಬಳಿ ಡಿಸೆಂಬರ್‌ 17 ರಂದು ತೆರೆಯಲಿದ್ದೇವೆ ಎಂದರು. ಹಾಗೆಯೇ ಈ ಸಂದರ್ಭದಲ್ಲಿ 8 ರಿಂದ 12ನೇ ತರಗತಿ ಒದುತ್ತಿರುವ ಶೇಕಡಾ 60 ಕ್ಕಿಂತ ಹೆಚ್ಚು ಅಂಕ ಪಡೆದಿರುವ 80 ಜನ ವಾಹನ ಚಾಲಕರ ಮಕ್ಕಳಿಗೆ ವಿದ್ಯಾರ್ಥಿವೇತನ ನೀಡುತ್ತಿದ್ದೇವೆ ಎಂದರು.

ಅಂದು ನಗರದ ಬಿಹೆಚ್‌ ರೋಡ್‌ ನಲ್ಲಿ ನಮ್ಮ ಸಂಸ್ಥೆಯ ಆಫೀಸನ್ನು ಕಾಸರಹಳ್ಳಿಗೆ ವರ್ಗಾಯಿಸುವ ಸಂದರ್ಭದಲ್ಲಿ100 ವಾಹನ ಚಾಲಕರ ಮಕ್ಕಳಿಗೆ ವಿದ್ಯಾರ್ಥಿವೇತನ ನೀಡುತ್ತಿದ್ದೇವೆ ಎಂದರು. ನಮ್ಮ ಸಂಸ್ಥೆಯಿಂದ ಪ್ರತಿ ವರ್ಷ 40 ಲಕ್ಷರೂಪಾಯಿಗಳನ್ನು ವಿದ್ಯಾರ್ಥಿ ವೇತನಕ್ಕಾಗಿ ಮೀಸಲಿಡುತ್ತೇವೆ ಎಂದರು.

ಹಾಗೆಯೇ ಸಂಸ್ಥೆಯ ಬಗ್ಗೆ ಮಾಹಿತಿ ನೀಡಿದ ಅವರು ನಮ್ಮ ಸಂಸ್ಥೆ ಕಳೆದ 51 ವರ್ಷಗಳಿಂದ ಎಲ್ಲಾ ರೀತಿಯ ವಾಹನಗಳಿಗೆ ಸಾಲದ ಸೌಲಭ್ಯವನ್ನು ನೀಡುತ್ತಾ ಬಂದಿದ್ದು, ಭಾರತದಾದ್ಯಂತ ಸುಮಾರು 3150 ಶಾಖೆಗಳು 758 ಗ್ರಾಮೀಣ ಕೇಂದ್ರಗಳು ಹಾಗೂ 150 ಪ್ರಾದೇಶಿಕ ಕಚೇರಿಗಳನ್ನು ಹೊಂದಿದೆ. ನಮ್ಮ ಈ ಸಂಸ್ಥೆಯು ಭಾರತದ 28 ರಾಜ್ಯಗಳಲ್ಲಿ ಹಾಗೂ 8 ಕೇಂದ್ರಾಡಳಿತ ಪ್ರದೇಶಗಳಲ್ಲಿ ತನ್ನ ವ್ಯವಹಾರವನ್ನು ಅತ್ಯಂತ ಯಶಸ್ವಿಯಾಗಿ ನಿರ್ವಹಿಸುತ್ತ ಬಂದಿದೆ. ಇದುವರೆಗೆ ನಮ್ಮ ಈ ಸಂಸ್ಥೆ ಸುಮಾರು 84 ಲಕ್ಷಕ್ಕೂ ಹೆಚ್ಚು ಗ್ರಾಹಕರಿಗೆ ಆರ್ಥಿಕ ಸೇವೆಯನ್ನು ಸಲ್ಲಿಸುತ್ತಾ ಬಂದಿರುವುದಲ್ಲದೆ ಸುಮಾರು 75,000 ಉದ್ಯೋಗಿಳನ್ನು ಹೊಂದಿದೆ. ನಮ್ಮ ಈ ಸಂಸ್ಥೆಯ ಆಸ್ತಿ ನಿರ್ವಹಣಾ ಮೌಲ್ಯ 2.50,000 ಲಕ್ಷ ಕೋಟಿ ಆಗಿರುತ್ತದೆ.  ಈ ಎಲ್ಲಾ ಅಭಿವೃದ್ಧಿಯೊಂದಿಗೆ ನಾನ್ ಬ್ಯಾಂಕಿಂಗ್ ಫೈನಾನ್ಸ್ ಕ್ಷೇತ್ರದಲ್ಲಿ ಇಡೀ ಭಾರತದಲ್ಲಿಯೇ ಅಗಸ್ಥಾನದಲ್ಲಿದೆ. ಎಂದರು.

2013ರಲ್ಲಿ ಶ್ರೀರಾಮ್ ಫೌಂಡೇಶನ್ ಎಂಬ ಚಾರಿಟೇಬಲ್ ಸಂಸ್ಥೆ ಸ್ಥಾಪಿಸಿ ತನ್ಮೂಲಕ ಅರ್ಹ ವಿದ್ಯಾರ್ಥಿನಿಯರಿಗೆ ವಿದ್ಯಾರ್ಥಿವೇತನ ಕಿವುಡ ಮಕ್ಕಳಿಗಾಗಿ ಶಾಲೆ ನಡೆಸುವುದು, ವೃದ್ಧಾಶ್ರಮಗಳನ್ನು ನಡೆಸುವುದು, ಪರಿಸರ ಸಂರಕ್ಷಣೆಗೆ ಗಿಡಗಳನ್ನು ನೆಡುವುದು, ಸಣ್ಣ ವ್ಯಾಪಾರಿಗಳಿಗೆ ಛತ್ರಿ ಸೌಲಭ್ಯ ಕಲ್ಪಿಸುವುದು, ಹಾಗೂ ಸ್ವಚ್ಛತಾ ಕಾರ್ಯಕ್ರಮ ಹಮ್ಮಿಕೊಳ್ಳುವುದು, ಚಾಲಕರ ಮಕ್ಕಳಿಗೆ ವಿದ್ಯಾಭ್ಯಾಸಕ್ಕೆ ಸಹಾಯ ಹಾಗೂ ಅಂಧ ಮಕ್ಕಳಿಗೆ ಸಹಾಯ ಇದೇ ರೀತಿ ಸಾಮಾಜಿಕ ಸೇವೆಯನ್ನು ನೀಡುತ್ತಾ ಬಂದಿರುತ್ತದೆ. ಎಂದರು 

SUMMARY |  The new office of Shri Ram Finance will open on December 17 at Freedom Park in Vinoba Nagar. 

KEYWORDS | Shri Ram Finance, new office, Freedom Park, shivamogga,